رابطه سيارات لادا

[MEKAWY2000]

منقول للامانه/ كتالوج لادا لجسم السياره والعفشه

[MEKAWY2000]

متابع الجديد

[yoyo2015]

السلام عليكم ورحمة الله وبركاتة
دلوقتى فى صوت زى طقطقة اما العربية بتنزل من مطب انا متهيقلى ان المساعد اكسر
ياريت بعد اذن حضرتكة اعرف الماعد اللى فى العجلة اللى ادام بكام ونوع اية الاحسن
معلش انا بتقل على حضرتكوا فى بردوا عندى مشكلة فى الخراطيم المية اللى خارجة من الكربراتير ياترى تكلفتها كام ونوعها الاحسن اية
وشكرا جزيلا

[MEKAWY2000]

السلام عليكم ورحمة الله وبركاتة
دلوقتى فى صوت زى طقطقة اما العربية بتنزل من مطب انا متهيقلى ان المساعد اكسر
ياريت بعد اذن حضرتكة اعرف الماعد اللى فى العجلة اللى ادام بكام ونوع اية الاحسن
معلش انا بتقل على حضرتكوا فى بردوا عندى مشكلة فى الخراطيم المية اللى خارجة من الكربراتير ياترى تكلفتها كام ونوعها الاحسن اية
وشكرا جزيلا

ممكن يكون مساعد وممكن يكون فى حاجه فى العفشه انت متاكد انه مساعد
طيب ركب مساعد ين لادا استيراد فى حدود150جم لاكن لو الى وارا يبقى 2 مساعد دبابه فى حدود300جم
وكمان تكشف على البيض والمقصات وجلب المقصات العفشه فى الادا محتاجه متابعه زى المريض وخطره
اما خرطيم المياه الى دخله وخارجه على الكاربيرتير ده خرطوم تمن بوصه موجود منه المصرى شغال والتركى شغال وايطالى كويس جدا وسعر المتر لايتعدى 10جم انما لو تقصد الريداتير فدى وصلات جاهزه الافضل فيها ايطالى طبعا ارجو ان يكون الشرح وافى

[yoyo2015]

استاذ محمد مكاوى باشا اولا شكرا جزيلا على الرد السريع
وثانيا مش عارف اودى وشى فين علشان مش عارف افرق ما بين الريداتير والكاربيرتير انا فعلا كان قصدى الريداتير بس انت قريت افكارى.
بالنسبة للمساعد للعجلات اللى قدام لو جديد يعمل كام ولو مستعمل يجاب منين
وانا اسف للازعاج

[MEKAWY2000]

فى مساعدين جداد الماليزىبس بصراحه مش فاكلا اسمهم ايه كان واحد بيشتريهم وجاى يسال عليهم مخصوص عند جمال لادا فى فيصل عاملين 400حم بس انا مستكتر عليهم المبلغ لان انا لو جبت 2 استيراد كويسين بس بتوع لادا من عزبه شلبى ويكون معاى بتاع العفشه مش هيزيدو عن250جنيه وهيشتغلو كويس جدا وهيعيشو معاك وهقلك على حاجه لوانت جبت مساعدين تويوتا ميكروباس وركبتهم برضه كويسين لاكن العيب الى ممكن تقع فيه والى ممكن بتاع العفشه يسحبك اليه انك لو رفعت السياره بالكوريك العادى بتاع السياره مهما ترفع الجله مش هترفع معاك على شان هما مشوارهم اطول فلازم تلاكب بتوع الادا الاصلى حتى لو استيراد واهم حاجه وانت بتشتريهم العفشجى يبص عليهم كويس جدا او تتفق مع البائع ان لو فى واحد بيرزع هغيره ايه رايك يبقى الجديد افضل انت معاى وتريح دماغك من التغير فى حجات تجبهه مستعمله وفى حجات لازم تكون جديده
انا بقى كان معاى لادا2105 موديل 92 وانا فى الشرقيه وخصوصا فى منيا القمح فى واحد بتاع عفشه اعرفه كنت بخليه يفك المساعد ويملاه زيت هيدرومتك واركبه تانى لادن هنا فى مصر لا غير وان عندى 2 مساعد امامى و2 مساعد خلفى مليهم ومجهزهم وديما عندى مارش زياده ودينمو زياده لاى ظروف يبقى جاهز للتركيب وربنا يعينك ويسترها معاك ومع الجميع

[MEKAWY2000]

متابع

[MEKAWY2000]

الموضوع اتنسى ولا ايه

[MEKAWY2000]

متابع ياريت الموضوع ماينمش

[MEKAWY2000]

انو فين يالادويه

[MEKAWY2000]

اليوم سمعت صوت سفاره فى الموتور من اما وبعد الكشف وجدت تلف فى فبره طلمبه المياه وكانت عامله صفاره عاليه حطيت شويه زيت فى المزيته وزيت البار الفبر ومنعت الصفاره مؤقطا

[abokoko]

k.us/img268/2310/42714210150594240653360.jpg[/img]

فرش الابواب ولمبه السقف دول فى عربيتك اللادا؟؟

[MEKAWY2000]

فرش الابواب ولمبه السقف دول فى عربيتك اللادا؟؟

لا طبعا دى سياره لادا بريرو الجديده بس منزلتش مصر

[yoyo2015]

حضرات السادة الافاضل عايز اجيب دلكسيون كبير شوية عن المتركب عندى طارة صغيرة "سبور" هل ممكن اركب بتاعة 2107 ياريت بكام ومنين جديد ولا مستعمل مع العلم ان الكلاكس عندى فى الدراع بتاع المساحات عايز اخلية طبيعى واشغل مياة المساحات "الرشاشات" ياترى فى مشاكل فى الكلام دة وشكرا لحسن تعاونكم الكريم
عربيتى 2105 1200سى سى
معلش فى حاجة اضافية ساعات يشوف فى حاجة كدة متركبة على الجنوط شكلها كدة عامل زى الاطارات النيكل حد جربها اصل بفكر اشتريها لو ممكن عارف اية رايكوا فيها ومنين وبكام
اسف على الازعاج

[mirra]

الاطارات النيكل دى التايوانى منها ب 85 جنية انا مركبهم عندى ف ال 2107 بصراحة رسموا العربية بس ابعد عن النوع الصينى و كمان ابعدهم عن الماء بدون تجفيف