الدريكسيون للافضل

[yasoxp]

تم تعديل العفشة فى العربية اللادا 2107 خاصتى موديل 2008 وذلك بتغير المناول الاصلى بأخر يعمل عن طريق الرمان بلى بدل الجلب و على فكره المناول الجديد برده لادا روسى مش اختراع و بيركب زى القديم بنفس الخلوص والابعاد تماما بقول تانى مناول لادا على رومبيل ده الاسم المتعارف علية وليس تعديلا
وتم اختباره بمعرفتى وبصراحه هو ليس بور بس الدريكسيون خف بنسبة 20% عن الاول وخصوصا والعربية واقفة مكانها
وعلى فكره بعد ميركب محدش حيفرق ولا هيعرف انه اتغير
بس فية ملاحظة انا اضفت الية مشحمة عند الخراط قبل التثبيت وذلك لتشحيمه بأستمرار مع العربية
سعر المناول 65 جنية والتركيب بالمشحمة وتربيط العفشة بالكامل تكلف 25 جنية

[ladalover]

ايه هو المناول وجبته وركبتوه فى التوكيل ولا لأ

[H.ibrahim]

انا معى لادا 2105 موديل 94 و لسه مركب علبة دريكسيون روسى ( سن طويل ) ثمنها 570 جنيه فلو سمحت تشرح لنا ايه موضوع المناول ده؟ وهل يتم تركيبه فى التوكيل ولا عند حمدى لادا ؟ و بيعمل ايه بالظبط فى موضوع ثقل الدريكيسون لانه مهم جدا وخصوصا اثناء ركن السيارة ؟
و اشكرك جزيلا على المعلومات و ارجو ان تتقبل خالص مودتى .:embarrassed2::arghh:

[yasoxp]

المناول ده بيركب فى الجنب الاخر (يمين السائق ) بيركب فى المداده وعلى فكره اى بتاع عفشه لادا عرفه كويس جدا جدا وانا شفت الكرتونه بتعتو قبل التركيب عليها لادا ونيفا بس العفشجى قلى ان ده لسه نازل السوق مش من فتره كبيره وملوش اى علاقه بعلبة الدريكسيون وبصراحه العفشجى قلى على موضع التعديل فى علبه الدريكسيون (تعديل فى الحلزونه) بس انا محبتش العب فيها العربية عمرها لسه ثلاثه اشهر وانا هحاول اجيب ان شاء الله صور انا معايا المناول القديم المستبدل وعلى فكره انا ركبته بره التوكيل والعمليه كلاها مخدتش ساعه والعفشجى رجعلى كل حاجه زى مكانت حتى تيل الصواميل بتاعت العفشه
بس الملاحظه الوحيده المهمه فى الموضوع هى اضافه المشحمه العفشجى قلى مهمه جدا وبتريح وطول فى عمر المناول
وعلى فكره يجماعه انا من الاسكندرية

[yasoxp]

انا جبتلكم الصور


اتمنى انى اكون افتكم

[SEATLOVER]

الف شكر يا yasoxp على المعلومات القيمة دى
و تعديلات اللادا ذى ما دايماً بقول (تعديلات تستحق الدراسة و الاهتمام )
العربية دى لما بيتعمل فيها تعديل بسيط بتفرق كتير جداً

[galallada2105]

الف شكر يا yasoxp على المعلومة القيمة جداً وانا ناوى اعملها فى عربيتى 2105موديل 92 بس فى سؤال ينفع يركب على عربيتى وهو عند اى حد من محلات قطع الغيار
وشكراً

[yasoxp]

انا لما كنت عند العفشجى سألتة وقلى انه بيركب على اى عربيه لادا وهو اصلا لادا مش تعديل صنيعيه والكرتونه انا شوفتها قبل مركبو علشان كنت خايف العربيه لسه عمر شهرين وكان عليها صوره اللادا والنيفا وبقول للجميع يجماعه ده مش تعديل وانا سفرت بالعربيه بعد مركبته والله كنت ماشى 140كم العربيه زى الفل والثبات تمام ومسببش اى تعويم او تغير بس الدريكسيون افضل
الملحوظه الوحيده هى الاهتمام بتركيب مشحمه قبل متركبو مهمه جدا علشان تطول عمره وتانى حاجه صنيعى نظيف وبقول نظيف مش يعملك فلم ويدخلك فى متاهات
وعلى فكره قلولى برده انه فى تعديل فى الحلزونه بتاعت العلبه وده بيسهل الدريكسيون برده بس الصنيعى علشان نظيف وامين هو القلى متلعبش فى العلبه طلما هى تمام لما تفتح منك وتحتاج تعمل فيها شغل ابقى غير الحلزونه وبصراحه ده تعديل غير مستحب

[galallada2105]

الف شكر مرة ثانية على المعلومة القيمة وبالفعل نزلت اشتريتها وهركبها بكره وهقولك ايه الاخبار

very thankful

[mohamed ibiza]

شكرا للمعلومات دي يا مان و الف مبروك للتعديل

[galallada2105]

ركبته خلاص والعربية بالفعل فرقت الدركسيون خف شوية ومبتعومش وانا جبت شوية حاجات :
- طقم مساعدين المانى (امامى وخلفى)
- طقم يايات ايطالى (امامى وخلفى)
- طنبورتين امامى
العربية كنت بغير الحاجة دى وبتبقى كويسة بس دلوقتى احسن فى الثبات ولكم الف شكر

[yasoxp]

الف مبروك على التعديل
وشكرا على تأكيد الموضوع للجميع عن تجربه

[aboadham]

ياريت تقول لاعضاء المنتدى الاسكندرانية منين اشتريت قطعة الغيار و مكان الورشة اللى بتتعامل معاها فى شغل العفشة و لكم جزيل الشكر

[yasoxp]

بصراحه انا رحت المكان بس معرفش اوصفه بالتحديد بس انا فلى خلال يومين ان شاء الله هعرفلكم العنوان بالظبط وازاى اى حد يوصله بسهوله وعلى فكره افضل ميزه ان بتاع قطع الغيار فاتح جنبه بيخدم عليه يعنى حجتك كلها فى مكان واحد يومين على الكثر

[aboadham]

يعنى فى اى منطقة/حى- اسم الورشة او صاحبها- اى معلومات مفيدة