انا جبت لادا تاني

[mohummd]

بسم اللة الرحمن الرحيم
اخوكم العبد الفقير الي اللة محمد يوسف رجع للادا تاني بعد تغيير اكسيل وابيزا و غيرهم و عايز اقولكم ان العربية الادا نعمة في مصر بس عندي ليكم سؤال انا جبت انشاء اللة 2105 و دركسيونها تقيل قوي في نا س قالت غير علبة الدركسيون و هاتها 5 بلية هل كدة حيبقي فية فرق ياريت بعد اذنكم حد يجاوبني

[joseph661]

والله انا بفرح جدا لما بلاقى حد جرب كذا عربية ورجع تانى لل لادا زى حلاتى كدة
جربت فيرنا ومش عايز اقول عربية وحشة جدا
بخصوص علبة الدركسيون فا هى بتتغير بتاعت النيفا اللى هى 5 بلية بس عندك ممكن يكون البيض وحش علشان كدة الدركسيون تقيل شوية

[mohummd]

شكرا يا باشا انا عايز اقولك ان الادا عربية حلوة قوي انا جبت بعد الادا ابيزا سيستم بورش و بعديها اكسيل و لعديها لانوس و فيات بونتوا و رينوا كليوا 2002 كل العربيات دي خربت بيتي وعربيات ضعيفة جدا و قطع غيارها بالنسبة للبونتو و الرينوا مبالغ فيها و اقل خربوش فيها كان بيزعلني لحد لما الميكانيكي قالي الادا نعمة وال يكرها ........ نهايتة الف شكر لردك

[ibnelfared]

أخى مبروك عليك ويكفيك شرها
أكشف على العفشة وخاصة البض والجلب الأمامية وهتلاقى المشكلة فيهم أن شاء الله .
ونسبة ألى كلام البشمهندس أحمد جمال خليك فى الألمانى ( طقم البيض ) ولو على علبة الدريكسيون أكشف غلى زيت العلبة وأن شاء الله تكوون سهلة ربنا يباركلك فيها

[mohummd]

الف شكر ليك وبارك اللة فيك

[ahmed_gamal777]

عود حميد لثقافى يا ريس هههههههههههه
(من فيلم ثقافى -احمد عيد)
ربنا يكفيك شرها ويديك خيرها

[ahmedesmat1987]

غيرنا التلاته بليه فى النيفا وكعينا ال500 جنيه وبعد كل دا الفرق مش محسوس لسه الدركسيون تقيل وهيا واقفه لاكن خف شويا فى المشى لاكن مش لدرجه الباور او حتى الهاف باور

[a7madramadan]

الــ 3 بلية فكسانة هات الجديدة الي هيه تقريبا 5 بلية ناعمة جدا ما شاء الله و اتأكد ان ماعندكش مشاكل فالعفشة وخصوصا البيض وهتلاقي الدريكسيون ناعم جدا ان شاء الله

[MEKAWY2000]

الف مبروك وربنا يكفيك شرها
اما بخصوص علبه الدركسيون ال5 بليه انا عندى سياره 2107 مصرى التقفيل وسمعت عن موضوع علبه الدركسيون 5بليه ورحت اليوم لورشه الكاسترا الى بيصلح علب الدركسيون فجابلى علبه 5 بليه واتفرجت عليها وطلب منه انى اشوف على الطبيعه وفعلا اتصل بواحد مركبله علبه دركسيون وجربت السياره وهى واقفه فلاحظت اختلاف ممكن يكون 25%عن سيارتى وان شاء الله مستى اعرف رد الاخوه من الى غيرو علبه الدركسيون على شان عايز اركب لو فيه نتيجه كويسه

[mohummd]

الف شكر يا بشوات وان شاء اللة نخدمكم في الافراح انا سمعن ان الادا ممكن يركبلها باور في التوكيل بس حد يعرف يتكلف كام

[MEKAWY2000]

متابع

[ahmed_gamal777]

الف شكر يا بشوات وان شاء الله نخدمكم في الافراح انا سمعن ان الادا ممكن يركبلها باور في التوكيل بس حد يعرف يتكلف كام

سالت من فترة وكان 1500ج فى مركز حمدى لادا الى بجوار المطار -وبيركب فى اسبوع
وفكرة عملة عبارة عن 2 سير واحد من طنبورة المروحة يدى طنبورة الباور
والتانى بيحرك طنبورة الباور العالية
وانا مع الاحترام لكل الزملاء شايف ان دا احسن من فكرة علبة 3 و5 بلية
مع التحفظ فى انة بيخف العربية جدا بعد 120ك/ساعة
ولكنة مريح جدا فى الزحم الى اغلب الناس مدبس فيها