استر يارب..ياريت حد يفيدني بسرعه

[hassanin_lada]

عندي استفسار..انا معايا عربيه لادا 2017 كان الشنبر بتاعها خفيف كنت بشم الدخان بتاع المتور وانا ماشي علي 80 او 90..قلت الحقها بدري بدري واعملها شنبر وفعلا عملت الشنبر وقعدت 3 ايام الين فيها علي الواقف حاكم الصنيعيه عندنا عليقدهم وكانت بتنطر ميه من الشكمان زي الفل..لكن من ساعت مابدأت اتحرك بيها وهي منعت نطر ميه قولت يمكن لسا بتلين..بس بعد اسبوعين قولت اجرب اسحب بيها وجبت 80 بس للاسف شميت ريحت الدخان تاني..ارجو الاستفسار عن الحل ..او ايه اللي حصل فيها مع العلم انها مود 2006

[hassanin_lada]

مع العلم بردو اني في خلال الاسبوعين دول ماكنتش بزود عن 60/70كم

[hassanin_lada]

ارجو سرعة الرد لاني رايح للميكانيكي بكره..عشان ابقي واقف معاه وانا فاهم

[me_medoo]

حمد الله على السلامة ياباشا منور واللهي قسم الادا ...
وبعدين أزاي عندك لادا 2017 واحنا لسه في 2012 ...أنشالله يارب تنحل مشكلتك في القريب العاجل لأن اصعب حاجة استنشاق الغاز بتاع عادم المتور ... بس ياباشا انا عوزك تتأكد من حاجة تانية خالص ... هل ياترى مواسير الشكمان سالكة ولا مسدودة ... وتحاول تحط لباد تحت فرش الارضية بيعمل زي نوع من العازل للصوت والحرارة والادخنة ... ممكن تعملو ب 250 جنية من عند جينز كار .. وتخليه يسدلك اي فتحة جاية من المتور ... وربنا يوفقك يارب .

[hassanin_lada]

ههههههههههههه معلش ياباشا علي قدينا...بس انا كان عندي استفسار..انا شايف تسريب زيت من ناحية غطاء التكيهات وكمان لاحظة ان العربيه بطلت تنطر ميه من الشكمان..هل ده عيب في التركيب او الوش ماتظبطش كويس ولا ايه؟؟
معلش ياباشا متقل عليك

[me_medoo]

لا أبداً يا حبيب قلبي ده انتا مشرفنا ومنورنا واللهِ ... بس على فكرة كده باين ان الميكانيكي ... مش مركب الوش كويس ... ولازم ترجعلوو ... أو تروح لحد تاني ... معليش ادي حال صنيعية بلدنا لازم الواحد يروحلهم الف مرة لحد مايزهقوو خالص ... ويقول الواحد حقي برقبتي خلاص خليها كده احسن ... لأن المشكلة معندناش مكانيكية بتوع زمان الزمة والضمير ... فالافضل ترجعلوو ... وبهدلووو وقلوو زبط شغلك ياسطة ... ومينفعش الكلام ده . وكده يعني ... خش فيه شمال في يمين وانشاء الله تتصلح يارب .

[hassanin_lada]

اما انتو ياباشا في القاهره وبتشتكو من الصنايعيه..امال احنا في اسيوط نعمل ايه بقي؟؟ده احنا بتطلع عنينا مع الصنايعه وبعد مايصلحلك الحاجه يبوظلك حاجه تاني ..طيب ياباشا بالنسبه لما هروح للميكانيكي هل هيكلفني حاجه ولا ايه؟؟ حكم انا اشهرت افلاسي

[me_medoo]

ههههههههههههههههه ياراجل هو الفساد وصلكم لغايت اسيوط ... وانا الي كنت بقول عمار على صعيد مصر ومحافظتها كل شيء بيتعمل عندهم بزمة مش زي عندنا ... يالله اشتغل واقلب ... عليه العوض ومنو العوض ... ياباشا زي مابوظها لازم يصلحها ده حقك ومتسكوتش عليه ... وتحياتي .

[hassanin_lada]

تسلم ياباشا وعلي متابعه معاك املا في الوصول للمستوي المطلب لكفاءة المتور

[MEKAWY2000]

تعريق الميه ياباشا ده من ضبط كهرباء الموتور بص اول حاجه تعملها دور السياره مده نصف ساعه او تكون جاى من مشوار ويكون امبير الحراره يكون على النصف او اقل بحاجه بسيطه وافتح غطاء الكبوت واسحب خرطوم الفايز الى جاى من الموتور من اسفل الى عمه الكار برتير وشوف هل فى بخره طلعه من الخرطوم لو فى بخره طلعه يبقى ده عيب صنايعى ويتحمل التكلفه اما لو لقيت هواء ضعيف بيزيد مع دوسه البنزين فتاكد من ان الشمبر تمام
تانى حاجه هل ريحه العادم الى دخله عليك فى العربيه بنزين نى يبقى اضبط كهرباء وكار برتير والادا على قد الفئه الغلبانه
الى ماشى على رجله بيحسد الى راكب عجله والى راكب عجله بيحسد الى راكب موتوسكل والى راكب موتسكل بيحسد الى راكب سياره ربنا يدى الجميع ويركبو سيارات ماتركس ونبقى زى بعض ههههههههههه

[hassanin_lada]

تعريق الميه ياباشا ده من ضبط كهرباء الموتور بص اول حاجه تعملها دور السياره مده نصف ساعه او تكون جاى من مشوار ويكون امبير الحراره يكون على النصف او اقل بحاجه بسيطه وافتح غطاء الكبوت واسحب خرطوم الفايز الى جاى من الموتور من اسفل الى عمه الكار برتير وشوف هل فى بخره طلعه من الخرطوم لو فى بخره طلعه يبقى ده عيب صنايعى ويتحمل التكلفه اما لو لقيت هواء ضعيف بيزيد مع دوسه البنزين فتاكد من ان الشمبر تمام
تانى حاجه هل ريحه العادم الى دخله عليك فى العربيه بنزين نى يبقى اضبط كهرباء وكار برتير والادا على قد الفئه الغلبانه
الى ماشى على رجله بيحسد الى راكب عجله والى راكب عجله بيحسد الى راكب موتوسكل والى راكب موتسكل بيحسد الى راكب سياره ربنا يدى الجميع ويركبو سيارات ماتركس ونبقى زى بعض ههههههههههه

بص ياباشا انا لسا راجع من عند الميكانيكي..قالي ياباشا المكنه بقت علي الزيرو ومافهاش اي حاجه هو ربطلي بس علي غطي التكيهات وقاعدنا نزود بنزين علي الواقف ماجبتش اي دخانه اما بالنسبه لخرطوم الضغط او الفايظ فانا بزود فعلا ومافيش اي دخانه ولا اي حاجه بخلاف انها كانت بتدخن في الاول..بس رحت اخدها وطلعت علي الطريق وجبت بيها 110 بس بردو شميت ريحه غريبه(كنت قافل الجزاز) حسيت انها بتحرق زيت بردو..بس والدي قالي اي عربيه لازم تشم ريحا ليها لما تذود بس انا ماقتنعتش..اما بالنسبه للميه فانا كل يوم بتابعها لمدة 10 دقائق وبردو مش بتجيب ميه..مع اني بشوف عربيات كتير في عز الحر وهي ماشيه بتجيب ميه

[hassanin_lada]

معلش ياباشوات متقل عليكو بس بالنسبه اني ماظبطتش التكيهات من ساعة الشنبر..ومش عارف هو ظابطها علي كام..هل ده يأسر علي السحب او اكلان البنزين..

[hassanin_lada]

ليش مافي رد ؟؟

[ahmed_gamal777]

ليش مافي رد ؟؟

اولا مرحبا بيك يا بلديات -عشان انت بلدياتى من اسيوط مش تريقة
اضبط تاكيهات وطقم كهرباء عشان لهم تاثير على السحب
وحاول تميز ريحة الدخان دى اية -زيت بنزل على الفرن ولا عادم نى
ثانيا اشهر حاجة فى اسيوط الادا والا 124 والا125
يا اخى دى يمكن البلد الوحيد فى الصعيد الى اثبتت ان الادا ممكن تشتغل فى اقصى درجات الحرارة السخنة
غير الميكانكى وهتسفيد من الاستشارة
ok

[hassanin_lada]

ياباشا ده شرف لينا انك من اسيوط..بس اسف في اللفظ ان الصنايعيه عندنا بقو عقاطيين..يعني انت قصدك ان الدخانه دي ممكن تكون جايه من جوان الفرن نفسه..وايه افضل حاجه في ظبط التكيهات علي كام يعني؟؟وبالنسبه اني لسا مغير طقم الكهربه مع الشنبر اغيرو تاني ولا؟مع العلم انا العربيه مافيهاش رعشه ولا تقطيع..ومعلش بالنسبه لانها مش بتنطر ميه؟؟هل ده مع ظبط التكيهات ولا ايه؟؟اصل انا اللي اعرفه ان كفائة المتور بان العربيه بتنطر ميه..ده حتي الميكانيكي قالي لما فك المتور المتور احسن من الزيرو..يعني المفروض ينطر ميه بالتلاته..ومعلش طولت عليك يابالدياتي