استشارة ميكانيكية

[mona_881]

السلام عليكم ورحمة الله كل سنة وكل أمهات الأخوة الأعضاء الكرام بخير
أرجو المساعدة باستشارتكم عندي العربية بتبقي ماشية علي الهادي كويس علي الاول والتاني تمام ولما باجي ازود السرعة وانقل علي التالت بحس انها مخنوقة لمده ثانيتين او تلاته مثلا وبعدين فجأة تتعدل والسرعة تزيد وتبتدي تسحب

أرجو الافادة علشان اختكم معلوماتها الميكانيكية علي قدها وشكرا

[ibnelfared]

والله أعلم دى بوجيهات

[Eng_hatemfathy]

حضرتك الموضوع ده ليه اكثر من سبب ممكن
أعتقد ان عربية حضرتك انجكشن-لو صح هتحتاج الكشف على البوبينه وسلك البوجيهات وطلمبة البنزين ولو العربيه على اسبراتير الكترونى هيحتاج الكشف عليه وعلى البوبينه وسلك البوجيهات وايضا طلمبة البنزين
اعتقد العيب هيكون محصور فى المنطقة دى وحضرتك التوكيل هيوفر على حضرتك اللف على الميكانيكية والتغيير العشوائى على مبدأ التجريه والخطأ -اى يوم فى نص الاسبوع بيكون الضغط خفيف والشغل هادى وربنا يعينك وياريت تطمنينا

[MEKAWY2000]

كلام جميل ومضبوط ممكن حضرتك توضحى السياره كاربرتير ولا انجكشن

[MEKAWY2000]

متابع

[mona_881]

السيارة كاربرتير مو 2008 مصري

[MEKAWY2000]

السياره الكار برتير
لوحصل فيها العيب ده هو تقصير فى تغديه البنزين ممكن يكون من الطرمبه وغالبا من بيك السرعه فى الكاربرتير اماالكهرباء فى السياره تعمل برجله فى السحب واكتر شئ هو الكوندنسر فى كلا الحالتين راجعى الميكانيكى فى الكهرباء فقط اما لو كاراربرتير يبقى ورشه متخصصه فى الكاربرتير

[mona_881]

اشكر كل الاخوة الكرام اللي قاموا بالرد والاهتمام وان شاء الله هاروح لحد بتاع كاربرتير واشوف ايه الموضوع