مشاركة لبعض اسعار قطع غيار لادا سمارة

[i_Am_Legend]

انا اتعرفت علي واحد عندة كل قطع غيار السمارا الاستيراد..واللادا اليكو..واللادا اوكا..وال2110..وراجل محترم جدا في التعامل..ودة رقموا..01001397059..قولولوا
انكم من طرف مهندس احمد اللي معاه السمارا النبيتي..

[nomel3aeb2]

السلام عليكم انا برضو قريت اللي انتو كاتبينه عن السمارا واقتنعت بيها ولكن بلاقي من مو 86 وانتو بتقولوا اولها 88 مش فاهمها دي وعايز اسال على عربية معروضة علية 86 2باب 1300cc دواخل فابريكة وفيها حتة بارومة عند الكرتيرة اللى ورا + بطارية جديدة + طقم شنبر جديد ومحتاجة شوية شغل بسيط ومن كتر ما العربية دي قليلة مش قادر احدد سعرها زي 127ياريت حد يفيدني واكون شاكر ليه جدا واسف على الاطالة

[i_Am_Legend]

تعملها 15 الف..علشان 2باب..وحاول توصل معاه ل14..ويبقي انت الكسباان..انسي ال127 خالص..السمارا ركوبتها زي الجولف 2..في حد لاقي جولف ب15 الف..

[nomel3aeb2]

شكرا على الرد ولكن انا دخلت على كونتكت ولاقيت 4باب معقولة وموديل اعلى بتبدأ من 13000 الف لغايت 19000 وبرضو عايز افهم موضوع 86 ده وكل الناس مخوفاني من موضوع 2باب بس انا مش فارقه معايا خالص

[nomel3aeb2]

شكرا على الرد بس ليه ماجاوبتنيش على موضوع مو86 ده ولقيت على كونتكت عربيات 4 باب موديل عالى من اول 13000 لغايت 19000 ومش عارف ايه الفرق مع ان تعتبر الحالة متقاربة

[i_Am_Legend]

خلي بالك ان الاسعار الواقعة دى..بتبقي مش سمارا..بتبقي عربية اسمها تافاريا.وتتصل بالراجل يقولك لا دي تافاريا مش سمارا..والتافاريا مالهاش قطع غيار ونادرة جدا..السمارا النضيفة غالية...لأن صاحبها عارف قيمتها..والعربية دي ليها ناس بتحبها..

[nomel3aeb2]

مش عارف اشكر حضرتك ازاي لاننا كان هيتعمل فيه مقلب كبير ولكن عايز اعرف افرق بينهم ازاي وهل بيبقى مكتوب في رخصة العربية سمارا او تافاريا وشكرا

[SHNORY]

التافريا دي موديل 96 بس
مفيش منها موديلات تانيه
بجانب انها زاستافا تقريبا مش لادا نهائي

[nomel3aeb2]

انا مابقتش فاهم حاجة من الاخر في سمارة 86 او87 ولا لا انا عارف اننا بتعبكو بالاسئلة ولكن انتو اللي شبطوني فيها (ماليش دعوه ههههههههه)

[nomel3aeb2]

انا لسه لاقي الموقع ده موقع جامد وده اللينك بتاعه http://www.autoevolution.com/lada/samara في كل مواصفات العربية يا ريت تشوفوه

[nomel3aeb2]

ممكن اللينك اللى فات مش شغال ده لينك تاني LADA Samara 5 Doors models

[i_Am_Legend]

ايه رايك في عربيتى...

[i_Am_Legend]

انا عربيتى استيراد من المانيا على فكرة....وفيها فتحة سقف....وفابريكة برا وجوا...........

[nomel3aeb2]

ربنا يبارك فيها ويديك خيرها ويكفيك شرها

[asaeed]

السلام عليكم مالكي السيارة الأعزاء
الحمد لله أنا ربنا كرمني واشتريت لادا سمارا موديل 1991 فبريكة دواخل بالكامل واستلمتها من الراجل إنبارح وبصراحة العربية فعلاً ما شاء الله ولا قوة إلا بالله مشيها حلو بخلاف الفيات وكمان صوتها ناعم في المشي على عكس المتوقع والمعروف عن اللادا... بصراحة أنا ليا ملاحظة البسيطة إللي عايز اعرفها منكم..
النهاردة أخذتا مشوااااار حوالي 30 كيلو وبصراحة كانت الشوارع زحمة إلى حد ما.. مرة واحدة العربية صوت الصلانصيه عالي... مع أن الراجل مظبط كهربة العربية والكربراتير كمان.... وكذلك درجة حرارة العربية كويسة... مش عارف هل ده صوت المروحة لما بتشتغل بيبقى الصوت عالي ولا إيه؟؟؟ ولا يكون سلك البنزين بيعلق وعايز يتغير؟؟؟

الحاجة بقى المهمة جدًااااا وإللي عايزكم تفيدوني فيها...
إيه إللي المفروض أكشف عليه غير الزيوت وطقم السرفيس؟؟؟
هل فيه أماكن في العفشة تحتاج تشحيم.. لأني أنا سامع صوت تزيأه بسيطة وانا ماشي؟؟؟؟
عايز أعرف سلك الدبرياج عامل كام؟؟؟ وكذلك سلك البنزين؟؟ علشان أحرص من الحاجات إللي ممكن توقفني في الطريق؟؟
وأخيرًا آسف جدًا على الإطالة واعذروني على أسئلتي إللي هتبقى كتيير اليومين إللي جايين لحد ما اتعرف على العربية أكثر وجزاكم الله خيرا