مشاركة لبعض اسعار قطع غيار لادا سمارة

[amro_ahameed]

معظم اللى فى القسم هنا معاهم لادا سمارا القديمة الهاتشباك ودية تفريبا اخرها 1997 اما السمارا 2 الجديدة السيدان فدية مختلفة فارجة من الاخوة لو حد عنده معلومات عنها يفيدك وربنا يوفقك

متشكرين يا باشا ... وياريت حد معانا في القسم يكون معاه العربية ديه ... ولا هاكون اول واحد يجيبها وتجربوها فيه؟؟!!
على العموم ربنا يستر

[ahmedshehata45]

متشكرين يا باشا ... وياريت حد معانا في القسم يكون معاه العربية ديه ... ولا هاكون اول واحد يجيبها وتجربوها فيه؟؟!!
على العموم ربنا يستر

على العموم العربية شكلها كويس جدا وامكانياتها كويسة جدا وانا كنت ناوى احدث وكنت تاوى اجيب السمارا الحديدة دية وبحثت عنها ولقيت الموضوع ده وفيه احد الاخوة بيحكى تجربته مع السمارا الجديدة اللى هية 2115 قالموضوع منقول للامانة

فعلا نحن كعائلة نمتلك السيارة لادا 2115
ولكن هى خاصة باختى هى وزوجها وانا كنت معهم فى شرائها وركبتها كذا مرة
المميزات
بصراحة العربية لما تشفها وتركبها مختلفة تماما عن فكر الادا العقيم والمتوارث فى مصر
عربية فيها تكنوجيا حلوة جدا
كمبيوتر اعطال يصل حتى اعطاء انذار بانخفاض درجة مياة المساحات او عطل فى الانارة الخلفية
عريبة ثابته فعلا على الارض مكلبشة فى الارض
الصاج بتاعها حدث ولا حرج ممكن توزن زى مانت عايز
العداد ديجتال ويوجد عداد رحلات بدرجة الحراراة الجو وساعة العدادت جميلة فعلا
مفهاش بارو بس تعتبر قيادتها سهلة مجهودة بسيط جدا فى السواقة
RPM
سبويلر اصلى جميل جدا
مصابيح فوج()شبورة
امكانية خفض ورفع الاضاءة
1500 cc
سعرها 52000 بدون كاسيت او سماعات او تكيف
احلى لون العسلى
سنترلوك
زجاج كهرباء امامى
المفتاح امبرايز ضاع من اختى ولفت السبع دوخات عشان تعمل واحد تقليد
كلفها 50 جنيه وفى التوكيل 250
عربية روسى 100%

العيوب
او متقفل الباب تسمع صوت القفل زى باب الجولف وعربيات الفولكس مفيش جلد يمنع الصوت
الصالون يعتبر صغير الحجم نسبيا من الخلف مقارنه بعربتى الكرولا
مفتاح لمبة الانتظار شكلة فى قمة الغباء عامل زى غطاء زجاجة ومكانة غير مناسب
صوت الاشارات ضعيف ممكن متسمعوش فى الطريق
المارشدين يوجد بجوارالاول ودى حركة انا مش بحبها بس النوبيرا بردة كدة
الضمان ضعيف سنة او 20000كم
البطارية عادية مش جافة

المشاكل
لازم تروح التوكيل اول يوم عشان يركبلك جهاز خافض الحرارة
لانها مصمة فى روسيا والجهاز فعال فعلا وتمنة 100 جنيه وانت الى هتدفع

زجاج الباب الامامى كان بيخرج برة الميجرة فى نهايتة بس اتصلح فى التوكيل

RPM فجاة بدون مقدمات توقف وتم تركيب مكنة جديدة له

لازم تروح تظبط زوايا وعملنها مرتين وبصراحة لسة مش مضبوطة مية مية
بس قال فى التوكيل لازم ترصيص مع الظبط ودة المرة الجاية ان شاء الله
او تريح دماغك وتروح للراجل بتاع الاخ محمود

انا اركبتها والحمد الله عملت فرملة قوية جدا جدا بها بعديها بيويمن حسيت بصوت فى تيل الفرامل
بس لما رحت التوكيل قالولى التيل نشف من الحر وفى تراب بس اعتقد ان هيتغر
بس بجد الفرملة كانت جامدة جدا كنت فوق المية وكان فى مطب كبير قوى فى التجمع الخامس
بس الحمد الله ربنا ستر والله كانى كنت هطيرمن زجاج السيارة

كان فى صوت فى الكرسى الى خلفى وكان صوت رخم زى ميكون حاجة مفكوة
ومحدش فى التوكيل عرف السبب
وبعدين لما اشترينا فرش ووفكنا الكرسى الخلفى كان منة
لان لما اتركب تانى اختفى الصوت تماما
واحد ابن حلال ضرب طوبة فى المراية وكسرها وسالت عليها فى التوكيل
كانت بسعر 125 جنيه هى دة القطعة الوحيدة ومغيرناهاش


دة خبرتى مع العربية كلها تقريبا بدون تجميل او انقاص للحق
بس عايز اقولك انا كنت برشح الشاهين فى الوقت دة عنه
لاسباب السوق واعادة البيع وقطع الغيار والجر الخلفى بردة وانشارها
بس لاسف العربيه فى شهر اغسطس كانت بسعر 59000

واختى وجوزها مكنش معاهم المبلغ دة غير كدة اختى مش بحبها
لانها تاكسى فى كل البلد وكل لما تسمح شاهين كان فى عفريت فى القاعدة
بس سالت عليها دلوقتى لقتها 57000وممكن اقل كمان

طبعا توكيل العربية مش ولا بد بس لما تعرف التوكيلات الاخرى
هتعرف ان مصر كلها كدة بس ليه موقع كبير

العنوان 4 شارع الطرابشى متفرح من احمد سعيد العباسية

[ahmedshehata45]

انا جبت طقم جوانات تركى ب 80 ج زى ما قلت قبل كدة والميكانيكى لما فك الموتور لقى جوان وش السلندر ضارب فغيرناه وجوان غطى التاكيهات والحمد لله العربية بقت احسن من الاول فى الصوت والنعومة عشان قبل كدة كانت متلتة وانا كنت ماشى بيها وبجيب بيها 120 و130 وانا مش عارف انها متلتة بس فعلا الغيار التانى بعد المطبات بقالى اسبوعين كنت حاسس ان العربية بتنتش غبرت البوجيهات والكربراتير علشان تروح التنتيشة دية ومرحتش وفى الاخر الميكانيكى قالى ان جوان وش السلندر ضارب والحمد لله غيرناه ورجعت العربية احسن من الاول والميكانيكى خد 150 ج عشان طبعا فك الموتور وركب الجوانات وكمان غيرت سير الكاتينة وسير دينامو بالمرة

[SHNORY]

متشكرين يا باشا ... وياريت حد معانا في القسم يكون معاه العربية ديه ... ولا هاكون اول واحد يجيبها وتجربوها فيه؟؟!!
على العموم ربنا يستر

بص علي الموضوع ده يا باشا

http://www.nilemotors.net/Nile/377947-2110.html

[ahmedshehata45]

بص علي الموضوع ده يا باشا

http://www.nilemotors.net/nile/377947-2110.html

الف شكر بس بقالك فترة حارمنا من وجودك

[SHNORY]

الف شكر بس بقالك فترة حارمنا من وجودك

باشا انا موجود معاكم علطول ومقدرش اتاخر

خدوا الاسعار دي
اشتريت سيرفوا اصلي من عند البلغاري من شهر كده ب270 جنيه
والنهارده جيبت طقم جلب مقصات اصلي ب70 جنيه
وكاوتشتين استبلايزر ب50 جنيه
حتقولولي اشتريتهم ليه
حقولكم معرفش هو كده وخلاص هههههههههه
بلم شويه حاجات علي السكه علشان اظبط عفشه العربيه مره واحده

[عمرو عقبه]

والله يا شنورى باشا العربيه بتاعتك دى سعيده انها وقعت تحت ايدك..
زى ما تكون خدامه اشتغلت عند ناس ولاد اصل فكرموها احلى كرم وعاملوها احسن معامله..
بس ابقا ركب لها الاكصدام عشان شكلها لا مؤاخذه خالص!!!!
--------
المهم ..
الدينامو بتاعى على 3 صنايعيه.. والنهارده رحت للرابع..
الاول والتانى قالوا ضعيف ويتغير..
التالت ظبط حاجه صغيره كده وقال ان اللى قال يتغير مش بيفهم.. المهم الدينامو اشتغل شويه كويس وبعد كده الدنيا خربت تانى..
رحت للرابع ..
قالى ممكن يكون بيشتغل كويس شويه ويعلق تانى احنا نفك ونشوف..
قلت له فك يا برنس..
فكه حته حته..
غير وش الدينامو اللى فيه الشميز اللى بتلف بليه الدينامو جواها عشان كانت مبوشه.. 50 جنيه
غير دايرتين نحاس تحت البليه مش فاكر اسمهم ودوول بيلفوا على الشربون عشان كانوا متاكلين خالص.. 30 جنيه
مصنوعيه 30 جنيه..
وقالى اعمل مشوار وتعالى عشان الدينامو بيطلع 50 امبير ودا كتير ممكن يضرب لك حاجه..
رحت ورجعت لقى الشحن عالى..
غير الكتاوت الخارجى بتاعة الدينامو .. 25 جنيه..
-------------
قلت له الاضاءه عندى ضعيفه والناس مش بتعبرنى وانا ماشى ومش بتغمز لى ومش بشوف حاجه قدامى ومعايا لمبه 240 على 200 عاوز اركبها واركب لها كتاوت..
قالى بص..
انت عمرك اتشتمت؟؟؟
قلت له لا..
قالى انا هخلى الناس تشتمك بسب النور بتاعك..
قلت له انا عاوز اجبر اللى قدامى انه يغمز لى ..
قالى بس روح مشوارك عشان انت مستعجل (كنت عاوز اجيب البنت من الحضانه) ..
وتعالى يوم تانى..
هنركب لمبتين 240 على 200 ((وانا معايا واحده منهم )) ..25 جنيه
وكتاوت للمبتين.. 35 جنيه..
وكام متر سلك.. 18 جنيه
ومصنوعيه.. 30 جنيه..
دا اللى حصل والله العظيم..

[ahmedshehata45]

كل سنة وانتم فى احسن حال لا فاقدين ولة مفقودين رمضان كريم

[عمرو عقبه]

وانت طيب يا كبير

[ahmedshehata45]

وانت طيب يا كبير

مشكوووووووووور لمرورك يا كبير

[عمرو عقبه]

لادا سمارا 2108
النهارده رحت للكهربائى عشان اظبط الاضاءه..
الصنايعى من كام يوم كان قالى هخلى الناس تشتمك بسبب الاضاءه بتاعتك..
قلت له لا انا محتاج بس انى اجبرهم يقلبوا لى نور مش يصدروا لى العالى ومش معبرنى لان اضائتى ضعيفه..
المهم..
عملت الاتى..
1- لمبتين 260 على 200 الواحده ب 20 جنيه
2- كتاوت نور ب 30 جنيه
3- سلوك وكلبسات وشيكارتون واللذى منه.. 25 جنيه
4- مصنوعيه 30 جنيه
5- اكراميه 5 جنيه
النتيجه
-------------------------
الاضاءه كويسه فعلا مش وحشه ((بس مش زى الزينون طبعا اللى اقل لمبه فيه ب 100 جنيه))
الناس فعلا كلها تقريبا بتقلب لى نور عشان تشوف.. وبالتالى بقلب لهم.. واللى مش بيقلب بصدر له العالى..
شغلت العالى داخل البلد ونسيته لقيت سواق نقل بيقولى طفى النور ياشييييييييييييييييخ..

[ahmedshehata45]

لادا سمارا 2108
النهارده رحت للكهربائى عشان اظبط الاضاءه..
الصنايعى من كام يوم كان قالى هخلى الناس تشتمك بسبب الاضاءه بتاعتك..
قلت له لا انا محتاج بس انى اجبرهم يقلبوا لى نور مش يصدروا لى العالى ومش معبرنى لان اضائتى ضعيفه..
المهم..
عملت الاتى..
1- لمبتين 260 على 200 الواحده ب 20 جنيه
2- كتاوت نور ب 30 جنيه
3- سلوك وكلبسات وشيكارتون واللذى منه.. 25 جنيه
4- مصنوعيه 30 جنيه
5- اكراميه 5 جنيه
النتيجه
-------------------------
الاضاءه كويسه فعلا مش وحشه ((بس مش زى الزينون طبعا اللى اقل لمبه فيه ب 100 جنيه))
الناس فعلا كلها تقريبا بتقلب لى نور عشان تشوف.. وبالتالى بقلب لهم.. واللى مش بيقلب بصدر له العالى..
شغلت العالى داخل البلد ونسيته لقيت سواق نقل بيقولى طفى النور ياشييييييييييييييييخ..

الف مبروك هو انتة خلصت شد العربية ولة لسة

[عمرو عقبه]

خلصت يا كبير..

[ahmedshehata45]

خلصت يا كبير..

الف مبروك فعلا حاجة جمبلة وان شاء الله ربنا يباركلك فيها ويكفيك شرها

[عمرو عقبه]

كان عندى صوت خشونه واحتكاك وانا ماشى ع الطوالى ولو كسرت شمال يروح ويمين يزيد..
كان تشخيصى بليه العجله..
رحت للميكانيكى قالى فعلا بليه..
فكينا العجله وقالى دى بيركب عليها بليه لانوس..
رحت للمكبس عشان اركبها لقيت المشرشر اللى بيركب فيه العجله باربع مسامير وبيركب هو ف الكوبلن عاوز يتغير لانه مفروض يركب كبس ف البليه لكن عندى مبوش خالص..
جبنا برضه بتاع لانوس واضطريت اغير ال 4 مسامير بتوع العجله..
كبسنا البليه والمشرشر واحتجنا نوسع خروم ال 4 مسامير ف الطنبوره وركبنا والحمد لله..
الخلاصه..
بليه عجله لانوس 75
مشرشر عجله اماميه لانوس 100
مصنوعيه كبس عند بتاع المكبس 10
مصنوعيه مخرطه توسيع خروم 4 مسمير 5
4 مسمير كورى 20
مصنوعيه ميكانيكى 20