هل ينفع !!

[hassanin_lada]

كنت بس حابب استفسر عن حاجه..انا ماشويري كلها وسط البلد وفيش سفر خالص تقريبا والعربيه بتاكل بنزين معايا..فهل في فكره نقلل بيها السيسيهات بتاعت العربيه توفيرا للبنزين..مع ملاحظه تكون الفكره سهله ومش محتاجه مصاريف وينفع ارجعها مره تاني ومتأثرش علي المتور

[MEKAWY2000]

انا الحمد الله عانيت فتره بس انا محبش السياره فيها حاجه
اولا راجع ضبط الكاربرتير كويس عند متخصص فى الكاربرتير
ضبط الكهرباء جيدا عند ميكانيكى وبالمره اضبط تكيهات
وشوف الفرق
معلومه جوده زيت الموتور وضبط الكاوتش والوقوف الكتير فى الاشاره 30 من استهلاك البنزين

[hassanin_lada]

واللهي يامكاوي انا لسا ظابط تكيهات ومغير طقم الهكربا مع الشنبر ومغير زيت وفيش اي فرق عن قبل الشنبر دي حاجه تاني حاجه رحت لبتاع الكربرتير قالي 160 حلو اوووي فالصفيحه قولتله انا ولا بقف في اشارات ولا بنزل في الزحمه قالي ايوه ماهي حلوه كده مع ان الراجل ده انظف واحد في اسيوط وكلامه ثقه وبتوع المنيا وسوهاج بينزلولو عشان هو نضيف..هي العربيه علي السفر زراعي حلوه خالص ومش بتشم بتاكل بنزين خالص ده انا بحسها بتشمو..بس انا لما زكرت الفكره دي لان انا كان معايا 128 1300cc متور ريجاتا كنت بحطلها 10 جنيه بنزين كانت بتقعد معايا اسبوع مع اللف بقي والسحب والقرص وانت عارف بقي الباقي..لكن دي عشان 1600ccومش بسحب بيها جامد ولا بقرص وبفولها كل اسبوع ب 30 جنيه ومش بتمشي معايا غير 240 بس في 30 لتر..عشان كده لو فيه حل عشان اقلل ال cc ياريت تذكره وشكرا لمرورك

[hassanin_lada]

وبالنسبه للزيت انا بحط موبيل ابيض..وضبط الكاوتش 35 يعني المفروض انها بتزحلق علي الارض..لو في تعديل ياريت تقولي عليه

[ahmed_gamal777]

وبالنسبه للزيت انا بحط موبيل ابيض..وضبط الكاوتش 35 يعني المفروض انها بتزحلق علي الارض..لو في تعديل ياريت تقولي عليه

راجع بتاع كربيراتير تانى
عشان ال 300كيلو المفروض يعملوا 30 لتر
واختلف معاك فى موضوع ال 35 بتاع الكاوتش

[hassanin_lada]

هههههههههههههه حبيبي واللهي يابو جمال..طيب المفروض اظبطو علي كام؟؟ومش المفروض كل مالضغط يزيد العربيه تجري اسرع ومتستهلكش بنزين؟؟ولا انت ايه رأيك؟؟وبعدين هل 300 دول في الطوالي ولا نص البلد؟؟

[MEKAWY2000]

وبالنسبه للزيت انا بحط موبيل ابيض..وضبط الكاوتش 35 يعني المفروض انها بتزحلق علي الارض..لو في تعديل ياريت تقولي عليه

بص ياباشا
اولا انا الان بعمل 250على السريع السياره1600cc
200داخل البلد وده المعدل الطبيعى الى انا وصلت له
كان السبب عندى هو جزء فى خلاط الهواء تالف وانا رفعه على المنتدى وغيرت الخلاط وضبط كهرباء وطبعا كان فى فلرق كبير فى الاستهلاك
كان فى اختلاف بينى وبين ا/ احمد رمضان على رقم البيك بتاع السرعه والسرنيه اختلاف بسيط ان بك السرعه140 ا/احمدقال160يعنى 002 % فى فتحه البيك لاكن الى عرفته بعد ذالك ان لازم يبقى فى اختلاف مش على شانccلا على شان حوارى البنزين الى فى الكاربرتير الكاربرتير اثناء تصنيعه بيبقى فى اختلاف الى بيحدد الاختلاف هو جهاز جوده الكاربرتير الى فى مصنعه بيقيس كميه البنزين الى خارجه من رشاش البنزين وبناء عليه بيحدد فتحه البيك احنا عندنا هنا فى مصر اصطامبا واحده لكل الادا بس مش هى دى المشكله الى عندك انت بتقول انك عملت طقم شمبر على شان استهلاك البنزين هل كان عندك دخنه بيضه خارجه من الشكمان ولا لا طيب بص اولا النضغاط للادا مابين 7.5 و8 يعنى لو شمبر الكبس بالعربى مفوت يبقى الانضغاط بيزيد ليه لان اثناء ضغط البستم للحرق بتعدى كميه بنزين من الشمبر الى الموتور وبرده بتخرج كميه كبيره الى الشكمان ودى بتسبب استهلاك زياده فى منظومه الحريق
ورشه الكار برتير الى قالك ان الاستهلاك كده كويس غلطان طبعا هو اصلا تقدر تقولى عمل ايه
هنا فى مصر بنرجع مره واتنين الى ان نجيب اخر السياره معاه وانا متاكد 100فى 100 انه معملش غير غسيل للكار برتير هل هو بص على الاكس والباب هل حل البكات الى فى قاده الكاربرتير هل حل خلاط الهواء وبص عليه شغال ولا لا وده منه نوعين واحد عادى والتانى بالهواء نظام شفط وطرد او فتح وغلق
وايه اخبار اسلاك البوجيهات بص على الكربون بتعها لان لو السلك ضعيف بتضعف الكهرباء فابالتالى تستهلاك بنزين وراجع واحده واحده كل حاجه فى السياره منها هتوصل للحل ومنها هتعرف الكتير عن السياره وربنا معاك
مكاوى

[MEKAWY2000]

هههههههههههههه حبيبي واللهي يابو جمال..طيب المفروض اظبطو علي كام؟؟ومش المفروض كل مالضغط يزيد العربيه تجري اسرع ومتستهلكش بنزين؟؟ولا انت ايه رأيك؟؟وبعدين هل 300 دول في الطوالي ولا نص البلد؟؟

الضغط على ابنزين اه تجرى بس الاستهلاك بيزيد لاكن مع سلاسه السحب يبقى فى المعقول متنساش لو الواحد شايل حاجه وبيمشى براحته مش هيتعب لاكن يجرى مره واحده هينهد حيله
مكاوى

[MEKAWY2000]

راجع بتاع كربيراتير تانى
عشان ال 300كيلو المفروض يعملوا 30 لتر
واختلف معاك فى موضوع ال 35 بتاع الكاوتش

ال35 فى الصيف فى خطوره وكمان فى الحر وفى الصعيد ضغط الهواء بيزيد داخل الكاوتش

[MEKAWY2000]

واللهي يامكاوي انا لسا ظابط تكيهات ومغير طقم الهكربا مع الشنبر ومغير زيت وفيش اي فرق عن قبل الشنبر دي حاجه تاني حاجه رحت لبتاع الكربرتير قالي 160 حلو اوووي فالصفيحه قولتله انا ولا بقف في اشارات ولا بنزل في الزحمه قالي ايوه ماهي حلوه كده مع ان الراجل ده انظف واحد في اسيوط وكلامه ثقه وبتوع المنيا وسوهاج بينزلولو عشان هو نضيف..هي العربيه علي السفر زراعي حلوه خالص ومش بتشم بتاكل بنزين خالص ده انا بحسها بتشمو..بس انا لما زكرت الفكره دي لان انا كان معايا 128 1300cc متور ريجاتا كنت بحطلها 10 جنيه بنزين كانت بتقعد معايا اسبوع مع اللف بقي والسحب والقرص وانت عارف بقي الباقي..لكن دي عشان 1600ccومش بسحب بيها جامد ولا بقرص وبفولها كل اسبوع ب 30 جنيه ومش بتمشي معايا غير 240 بس في 30 لتر..عشان كده لو فيه حل عشان اقلل ال cc ياريت تذكره وشكرا لمرورك
على شان تقلل ccغير الموتور هاته 1200 بس مش هو ده الحل لان cc مرطبت بقوه الموتور
انت عارف يعنى ايه ccهى السع التريه للمحرك يعنى طول الشوط قطر البستم منهنا بيحسب قوه المحرك ويحولها الى حصان لاكن انت عندك مشكله فى استهلاك البنزين

[ahmed_gamal777]

بمناسبة الضغط
كنت قريت فى كتالوج الادا ان احسن نسبة هى 31 بيكسل
ولو كانت العملية بزيادة ضغط الكوتش عشان تجرى
كان اخوك اول واحد فى الطابور يزبط الكوتش على 60 زى الميكروباص
ههههههههههه

[hassanin_lada]

انا من فتره فعلا رحتله قالي سيبك من العك اللي في الكاربرتير بتاعك ونغيرلك اكس وشباك واخد من 80 جنيه بالعافيه وكانت العربيه بتمشي معايا حوالي 170 فالصفيحه(كانت بتطلع دخانه بيضه) قولت يمكن طبعا عشان البوجيهات تعبانه والشمبر خافف فاكيد لما اعملهم هتستريح اكتر..لكن للاسف مافيش تغير بل للاسؤ العربيه بقت بتمشي 160 وفيش قرص خالص فالمشي وبسيبها تسحب لو حدها بس المشكله ان المؤشر الحراره علي طول فالابيض فاممكن يكون هو ده السبب في الاستهلاك؟؟

[hassanin_lada]

المشكله انه كمان بيقولي فالطوالي تمشي معاك 200..اقنعو ازاي انها فالبلد تمشي 200 بقي..مع ان الميكانيكي قالي انها فالطوال تمشي 250 وفالبلد 190/200(مطابق لكلامك)..ومتقولش ارجع للميكانيكي لاني اتخانقت معاه لاني لما رحت عشان يقفل شغله ويظبطلي تيكهات كان عاوز فلوس تاني(هو اصلا ماطلعش المتور من العربيه)قمت مزعق معاه بعد ماخلص شغله وسبتو ومشيت..بس انا لما رحت لبتاع الكربرتير قالي ممكن تكون الكهربا متقدمه لانها لما بتسخن بتطول فالتشغيل..هل ممكن ده يسبب استهلاك فالبنزين ؟؟

[hassanin_lada]

أستاذ احمد جمال / استاذ مكاوي وربنا انتو زي الفل ورجاله ميه ميه انا رحت زود الكهربه وقفلت علي البنزين وفتحت علي الهوا والحمدلله العربيه اتظبطت زي الفل وعملت في البلد اكتر من 200 في الصفيحه والفضل يرجع لربنا وبعده يرجعلكو بجد الف الف شكر

[MEKAWY2000]

الكلام السليم سليم اوعى ميكانيكى يشتغلك اوح معاه ولو انت مش فاهم هيخاف منك ويعمل شغله صح وخلى الكاوتش لو سمحت ضغط الهواء 30 بار اوعى تزود عن كده