كما و عدت (تقييم اللادا 2107 ) رووووووسي بعد ألف كيلو

[sniper2010]

ألف مليون مبروك
أعطاك الله خيرها وكفاك شرها
ولا تنسى ملاحظة الكرونة دائما بعينك ولو لقيتها ملحوسة زيت أو راشة على العجل الخلفي من الداخل زيت يبقى تراجع فوراً على جوان الكرونة وعلى أويل سيل العجل

وبالنسبة للبوش في الدركسيون
فهو من تقنيات السيارة لادا 2107 ويا ريت تبقى تعرفه للأستاذ حسام كرم :) (الغائب عنا منذ فترة لعل المانع خير)
والعفشة الأمامية لابد من متابعتها دائما

وربنا يباركلك فيها

ألف شكر و ربنا يبارك فيك بس يا ريت توضحلي حكاية الكرونة دي لأني ما فهمتهاش

[ahmed1981]

ريت توضحلي حكاية الكرونة دي لأني ما فهمتهاش

الكرونة هي البطيخة الموجودة في الوسط بين العجلتين الخلفيتين
وهي تحتوي على زيت
ومن عيوب اللادا أنه يحدث كثيراً أن يتسرب الزيت من الكرونة فنجد عليها آثار زيت
أو يتسرب من داخل العجل الخلفي وبظهر أيضاً آثار زيت على العجل الخلفي
ولو تم تجاهلة تفسد الكرونة وتخرج صوت عالي غير محتمل
وبعد ذلك لا يوجد حل إلا تغيير الكرونة
وسعرها حوالي 1500 جنيه

لذلك لابد من ملاحظتها دائما
وفي حال تسرب الزيت يتم حل سبب التسريب وملؤها بالزيت مرة أخرى

[sniper2010]

Thanks so much ahmed

[sniper2010]

تخيلوا امبارح كان أول يوم أسوق العربية بالليل من ساعة ما جبتها
أنا معظم تحركاتي بالنهار بس كنت رايح فرح و دي كانت إول مرة أسوق بالليل ع اللادا

الإضاءة كويسة بس المفاتيح صعب الوصول إليها ومتعبة لأن النور الصغير بيشتغل باليد اليمنى بجوار الفتيس أما النور العالي باليد اليسرى بجوار الدركسيون

عملية بتلخبط شوية

[mohamed2002]

الف مبروك عليك العربية وربنا يديك خيرها ويكفيك شرها

[mohamed2002]

كما وعدت (تقييم اللادا 2107 بعد ألف كيلو) {رووووووووسي}

-بدء تشغيل السيارة سهل جدا و بتسخن نفسها لوحدها و كمان ممكن تمشي بيها ع الأول من غير ما تحط رجلك ع البنزين و ده يدل على قوة الموتور

كدة الماتور عالي يا ريت توطية شوية عشان استهلاك البنزين حتي يكون معقول

[sniper2010]

كدة الماتور عالي يا ريت توطية شوية عشان استهلاك البنزين حتي يكون معقول

استهلاك العربية حوالي 12 كيلو باللتر
أظن إن ده معقول قوي
كمان عداد آر بي إم بيكون على 8 لما تبقى العربية سخنة و المظبوط قوي بتاعه بيكون 7 يعني الفرق مش كتير
وأنا عندي مبدأ (بس مش حماده هلال) إن ما حدش يلعب في العربية من الميكانيكية قدر الإمكان

[محمدمودى]

لاداروسى 2007 كاسيت سنتر انذار 4زجاج كهربا ريموت وحدات رفع الزجاج من الخارج عن بعد السعر نهائى 45000 موبايل 0121284001

[sniper2010]

لاداروسى 2007 كاسيت سنتر انذار 4زجاج كهربا ريموت وحدات رفع الزجاج من الخارج عن بعد السعر نهائى 45000 موبايل 0121284001

مع احترامي لحضرتك
بس الإعلان ده مكانه قسم البيع و الشراء في المنتدى

[mahmoudedress]

أخواني الأعزاء
السيارة اللادا سيارة جميلة جدا بس ينقصها بعض الرفاهية مثل الباور ... أنا معايا 2107 روسي موديل 2007 انا بنصح كل زميلي انهم يشتروها ، فقطع غيرها متوفرة وأسعارها معقوله بالنسبة للماركات الاخرى وبس عندي ملحوظة أنها سحبها بطيئ أو بمعنى أدق عشان توصل لسرعة 100 ك بتاخد وقت وان ضغط عليها بتسحب بس مش بتحقق معدلات الوقود وبالتالي بترحق بنزين على الفاض

[mohamedok]

لاداروسى 2007 كاسيت سنتر انذار 4زجاج كهربا ريموت وحدات رفع الزجاج من الخارج عن بعد السعر نهائى 45000 موبايل 0121284001

السلام عليكم ورحمة الله وبركاته

ممكن حضرتك توضح البيانات الاتيه علشان نعرف نقيم مبدئيا هل هذا السعر مناسب

1-العداد
2- الدهان ( من الخارج ام من الداخل ام كلها دهان المصنع )
3-حالة الموتور
4- هل تمت صيانتها بأنتظام فى التوكيل ( صيانة الالف وما بعدها )
5- ما هى الاشياء التى غيرتها فى السياره منذ استلامها ؟
6- حالة العجل اية ؟
7-هل للسياره تأمين ؟ وما هى شركة التأمين ؟
8- ايه نوع التكييف والسنتر الى حضرتك مركبه ؟ وهل هو فى الضمان ؟

تقبل مرورى وتحياتى

[Dr_Medschool]

ازيك يا دكتور سنيبر
مش عربيتك برضو اللادا الخضراء اللي كانت واقفة قدام الكليه امبارح (الثلاثاء)
انا عربيتي اللادا الزرقاء الجديدة اللي كانت راكنه جنبك

انت طبعا اكيد في الكليه كل يوم
يا ريت لو نتقابل و تبص كده ع العربية بتاعتي
ايميلي اهوه عشان تقوللي هنتقابل امتى و فين
dr_medschool@windowslive.com

و طبعا ألف شكر على التقييم الجميل اللي انت عامله ع العربية

[sniper2010]

ازيك يا أبو حميد
منور المنتدى يا راجل
إيميل إيه بس اللي انت باعتهولي عشان نحدد معاد _ _ بقى دي عايزة كلام _ طبعا المكان الخالد كافيتيريا الكلية كل يوم قبل استلام الشغل

على فكرة أنا شفت عربيتك وكان معايا زمايلي وقالولي إنها بتاعتك و إنها هدية تخرجك مقدما من سيادة اللواء
ربنا يملأها لك بركة و يكفيك شرها
بس اتجدعن اليومين دول عشان الامتحانات ع الأبواب

[Dr_Medschool]

ازيك يا أبو حميد
منور المنتدى يا راجل
إيميل إيه بس اللي انت باعتهولي عشان نحدد معاد _ _ بقى دي عايزة كلام _ طبعا المكان الخالد كافيتيريا الكلية كل يوم قبل استلام الشغل

على فكرة أنا شفت عربيتك وكان معايا زمايلي وقالولي إنها بتاعتك و إنها هدية تخرجك مقدما من سيادة اللواء
ربنا يملأها لك بركة و يكفيك شرها
بس اتجدعن اليومين دول عشان الامتحانات ع الأبواب

ألف شكر و ربنا يخليك
دعواتك معانا عشان الامتحانات
و أكيد هشوفك تاني إن شاء الله

[Dr_Medschool]

ازيك يا أبو حميد
منور المنتدى يا راجل
إيميل إيه بس اللي انت باعتهولي عشان نحدد معاد _ _ بقى دي عايزة كلام _ طبعا المكان الخالد كافيتيريا الكلية كل يوم قبل استلام الشغل

على فكرة أنا شفت عربيتك وكان معايا زمايلي وقالولي إنها بتاعتك و إنها هدية تخرجك مقدما من سيادة اللواء
ربنا يملأها لك بركة و يكفيك شرها
بس اتجدعن اليومين دول عشان الامتحانات ع الأبواب

ألف شكر و ربنا يخليك
دعواتك معانا عشان الامتحانات
و أكيد هشوفك تاني إن شاء الله