هنقول من تاني

[hassanin_lada]

عاوزين فكره عشان جهنم اللي داخلين عليها دي..ياجماعه واللهي انا النهارده كنت فالجامعه وهموت علي نسمت هوا والجو كان نار جايده...نداء اللي اصحاب القلوب الرحيمه(اهل الخبره) ساعدونا في فكره لترطيب الجو جو العربيه وجزاكم الله كل خير

[hassanin_lada]

يعني ايه مافيش افكار خالص !!

[hassanin_lada]

عاوزين تقنعوني انكو مستحملين الحراره دي !!

[abokoko]

فى البدايه معذره ان كان كلامى شديد او مش هيعجبك


(((((( عن نفسي لا احب التافف
وتذكر ---
من لم يرضى بقضائي فليخرج من تحت سمائى
وليبحث له عن رب سواي --- )))))



" من لم يرضى بقضائي ويصبر على بلائي ويشكر نعمائي
فليخرج من تحت سمائي وليبحث عن رب سواي "
حديث قدسى
______

[ahmed_gamal777]

عاوزين تقنعوني انكو مستحملين الحراره دي !!

بص الحرارة فى اسيوط تختلف كتير عن القاهرة
عشان الجو هناك جبلى
يعنى صيف صيف وشتا شتا
ممكن تركب تكيف فى العربية
وهو مش هيبقى عالى الاداء
عشان عزل العربية مش اد كدة
ولكن احسن من مفيش
هيكلف حوالى من 2000الى 3000ج
وممكن تجيب مروحة وتركبة عاى التابلوة
وممكن تعمل فتحة سقف فى العربية
ولكن فى اعادة البيع سعر العربية هينزول

[hassanin_lada]

اولا شكرا ليك استاذ احمد جمال علي التوضيح بس ليه لما اركب تكيب هينزل من ثمن العربيه !!
استاذ abokokoانا مش فاهم قصدك بكلمت التافف بس شكلها كلمه مش حلوه عموما ده من زوقك وانا كنت بدور علي حل لمشكلت ناس كتير..وانت لو جربت يوم في جو اسيوط عمرك ماهتنزلها تاني..انا اعرف ناس من الاقصر واسوان بيقولو احنا عندنا الجو مقرف بس مش زيكو..ارجو انك تتفهم وجهت نظري لان زمان كان التكيف في البيت او العربيه حاجه ترفيهيه لكن دلوقت بقي حاجه اساسيه

[a7madramadan]

على فكرة ماكانش بيقصد اساءة بكلامه وكان بيحثك على الرضاء بالي عندك :) وعشان الحرارة فالكابينة مشكلة عويصة قوي قوي عندنا فاللادا ..

عامة لو عربيتك هي (عربية العمر) و ماعندكش ما يمنعك انك تدفع فيها مبلغ كبير مقابل انك تحس برفاهية كويسة فيها فأنا عندي حل مكلف :

1-هتفك كل الفرش الداخلي بتاع العربية وحتى من قدام هتفك التابلوه والأبواب كمان هيتعملها نفس النظام وهتكسي دواخل العربية كلها عازل حراري العازل نفسه مش مكلف قوي.. بس المصنعية مكلفة عشان يتعمل مظبوط ويتقفل عليه مظبوط لازملك سروجي 10/10

2- هتركب فيلم عازل حراري شفاف زي V-Kool او أي ماركات أخرى أعتقد للمنتدى شراكة اعلانية مع شركة محترمة شغالة في نفس الموضوع ده والحاجات دي بتكلف مبلغ كبير شوية في رينج الألفين جنيه لحد ثلاثة آلاف

3- هتركب بقى تكييف وهتحط عازل حراري على كل المواسير بتاعته بس طبعا يكون النوع المناسب مش النوع بتاع الدواخل الي هيشتغل هيفهم قصدي من العازل الحراري بتاع المواسير ده والتكلفة ثلاثة آلاف جنيه

انت بتتكلم في صرف مبلغ لن يقل عن الــ 5000 جنيه عشان يبقى عندك تكييف :S وده مش مبلغ مقبول مقابل التكييف .. ولكن بكده هتكون حليت مشكلة العزل الحراري للصالون الي بتخلي التكييف غير مجدي في اللادا ...

حضرتك كاتب انه من سكان اسيوط والحرارة عندكم ناااار حضرتك محتاج تعمل تقييم عام للتكلفة مقابل النتيجة يعني لو شايف ان القيمة والمنفعة من عربيتك اللادا + تكلفة عزل حراري كاملة للعربية + تركيب تكييف أكبر من شرائك عربية مجهزة مكيفة من نفس سعر عربيتك اللادا + 6 آلالف مثلا (يعني لو لادا 2107-2008) بــ مثلا 38 ألف جنيه قارنها بخياراتك في رينج عربيات بــ 44 ألف جنيه أعتقد فهمت قصدي عامة يعني ...

ولو عند حضرتك استفسارات أخرى احنا فالخدمة :)

[hassanin_lada]

ياباشا انت جبت المفيد وربنا بس طبعا التكلفه جامده جداا..بس انا قصدي لما كنت بقول علي فكره كان قصدي علي حل بس بتكلفه صغيره شويه يعني حاجه كافكرت المروحه اللي اتكلمني عليها قبل كده..وانا طبعا راضي باللي معايا ومريحاني جدا بس انا كنت بدور علي نوع من الرفاهيه بتكلفه قليله ومالقتهوش خلاص فاعادي مش هموت يعني لو فيش تكيف..وشكرا لرد حضرتك

[a7madramadan]

هو لو في حل صغير وتكلفة معقولة ماكانش حد اشتكى من صالون اللادا :d وأهم حاجة فعلا الرضا والحمد لله ان العربية مريحاك يــا عالم لو فكرت تغير بحاجة كوري في نفس رينج السعر ماتتحملش الحر والطريق عندكم أساسا عشان كده انا قولتلك شوف كده انت ايه الي يناسبك وقولتلك تفصيلا على حد حقيقي للمشكلة بس زي ما حضرتك خدت بالك السعر لا يتناسب مع المكسب نهائي ...

[Zing0]

فى موضوع فى المنتدى فى القسم التعليمى. أحد الإخوه عمل شغل العزل لعربيته 127 ( بارك الله له فيها) . و نزل جاب الخامات و فك الكراسى و الكنبه و عمل الشغل بنفسه و متكلفتش كتيير. على ما أذكر شويه لوازم فى حدود 300 جنيه. أعتقد لو عملت حكاية العزل دى + مروحه أو تكييف أو حتى سيبت زجاج العربيه مفتوح هتكون قضيت على مشكله الحراره و سخونه صالون العربيه

[ahmed_gamal777]

عندى حل مستعد تعملة
اتفضل

[hassanin_lada]

وربنا انت حبيبي ياأستاذ احمد جمال..بس تفتكر ده حل..مالواحد لو وقف في شارع واقف والشمس فوقيه هيولع كده..وبعدين خلاص انا اسف ده انا بموت في الشمس والحر وبكره البرد والتكيف استريحتو كده :d :d

[ahmed_gamal777]

وربنا انت حبيبي ياأستاذ احمد جمال..بس تفتكر ده حل..مالواحد لو وقف في شارع واقف والشمس فوقيه هيولع كده..وبعدين خلاص انا اسف ده انا بموت في الشمس والحر وبكره البرد والتكيف استريحتو كده :d :d

هههههههههههههههههههههههههههههههه
طيب تحب تعرف ازاى تشغل الهوا السخن فى العربية عشان تدفة

[MEKAWY2000]

بص الحرارة فى اسيوط تختلف كتير عن القاهرة
عشان الجو هناك جبلى
يعنى صيف صيف وشتا شتا
ممكن تركب تكيف فى العربية
وهو مش هيبقى عالى الاداء
عشان عزل العربية مش اد كدة
ولكن احسن من مفيش
هيكلف حوالى من 2000الى 3000ج
وممكن تجيب مروحة وتركبة عاى التابلوة
وممكن تعمل فتحة سقف فى العربية
ولكن فى اعادة البيع سعر العربية هينزول

مساء الخير ياستاذ احمد جمال

[windofchange]

ادهنها ابيض او ادهن السقف ابيض وممكن الكبوت ايضا وده علشان الابيض بيعكس الشمس فتخف الحرارة شويه عكس الاسود وطبعا تسجل اللون الجديد عالرخصة