مراية يمين روسي أصلي استعمال/جديد اسكندرية

[a7madramadan]

السلام عليكم ورحمة الله

إخواتي فالمنتدى حصل من أسبوع موقف غريب شوية الذراع الداخلية بتاعة المراية اليمين اتكسرت واكتشفت انها غير قابلة للتصليح نهائيا وكان في حل مستميت كده اني ألزقها بــ إيبوكسي اللزق ابو انبوبتين ده وطلع حوار فاشل جدا اتكسرت بعد ما نشفت من اول مرة :(

الي مخليني مضطر اصلحها حاجتين أولا لازم انزل القزاز خالص و اطلع ايدي لحد برة العربية وامسك المراية وأحركها .. وثانيا المراية مش ثابته وبتتحرك مع الهواء نسبيا .. وثالثا والأهم اني لو شديت المراية من برة بصوباعين اتنين هتتخلع :d فباشيل المراية جوة العربية كل يوم بعد لما أروح وده شيء مش طبيعي ومش عملي ...

المشكلة ان الأصلي الروسي بتتباع الاثنين سوا بحوالي 160-180 تقريبا وده رقم فظيع مش هادفعه عشان ذراع المراية اتكسرت من جوة

انا عاوز اشتري واحدة بس يمين فقولت ادور فالسوق مش لااقي خااااااالص المحلات الي على مصطفى كامل الساعة مافيش و محلات قطع الغيار مافيش كلله بيقولي موجوده فالتوكيل بس ونادرة جدا وبطلت تنزل وشوية كلام غريب كده .. ومش عارف ادور فين في اسكندرية على المرايات دي !!

والخيار التاني الي قدامي اني ممكن أغير لمرايتين الي بيتقال عليهم مرايات مرسيدس الرؤية فيهم حلوة بس مش عارف اشتريهم منين برضه :d

أنا محتاس بقالي أسبوع فالموضوع ده :(

ممكن حد ينصحني و يساعدني فالموضوع ده لو تكرمتم

[ahmed_gamal777]

الذراع اتكسر والا فرد من سللك وير الدراع اتقطعت
لو كان
ممكن تثبت المرايا بمسمار برمة صغير من الناحية اليمين
عملت كدة و 10/10
والعيب الوحيد ان المريا هتكون ثابتة
ولو عايز مضروب وخامة زجاجة نضيفة
الجوز يعمل حوالى 90 ج

[mirra]

المشكلة دى حصليتلى و انا جايب العربية جديدة من خمس سنين بس لحسن الحظ وقتها لاقيت الروسى و كانت ارخص من كدة بكتير بس من سنتين مراية عربية والدى اتكسرت و جبتها مستعملة ب 40 جنية بعد دوخة.اية رايك تركب المرايات التركى الكبيرة اللى بتنزل فى الادا المصرى؟؟حجمهم اكبر و اشيك بس حاول تجيب انضف نوع لانها درجات و لو حد عندة رأى تانى ياريت يفيدنا لان المراية اليمين عندى برضة مش قد كدة و انا دايما قافلها احسن تبوظ تانى و ادوخ.

[hassanin_lada]

انا كنت لسا هقول علي المرايه اللي ب 90 جنيه دي..ازاي مضروبه انا سألت عليها قالولي دي الاصلي اللي في الادا 2012 وقالولي مش هتلاقي احسن منها والكلام ده في اسيوط والقاهره كمان!!..وفي حل تاني انت ممكن تجيب جوز بتاع الشاهين ارخص والمرايه حلوه وعمليه وهتلاقيها في حدود 60 جنيه الاتنين

[mirra]

انا كنت لسا هقول علي المرايه اللي ب 90 جنيه دي..ازاي مضروبه انا سألت عليها قالولي دي الاصلي اللي في الادا 2012 وقالولي مش هتلاقي احسن منها والكلام ده في اسيوط والقاهره كمان!!..وفي حل تاني انت ممكن تجيب جوز بتاع الشاهين ارخص والمرايه حلوه وعمليه وهتلاقيها في حدود 60 جنيه الاتنين

المرايات اللى فى الادا المصرى افضل اصلها بتبات مكانها تمام بدون فواصل بس هى ام 90 جنية دى الاصلى؟ و دة سعر الجوز و لا الواحدة؟

[ahmed_gamal777]

المرايات اللى فى الادا المصرى افضل اصلها بتبات مكانها تمام بدون فواصل بس هى ام 90 جنية دى الاصلى؟ و دة سعر الجوز و لا الواحدة؟

90 جنية دا سعر الجوز انضف حاجة فى المضروب

وهى الشكل الجديد -بذراع تحكم داخلى -لضبط اوضاع الروية
الاصلى -حمدى لادا -اخر سعر من 6 اشهر حوالى 160 دا تمن الجوز
وبيتباع الجوز مش فرد -على راى احمد عدوية -جوز والا فرد ههههههههههه

[mirra]

90 جنية دا سعر الجوز انضف حاجة فى المضروب

وهى الشكل الجديد -بذراع تحكم داخلى -لضبط اوضاع الروية
الاصلى -حمدى لادا -اخر سعر من 6 اشهر حوالى 160 دا تمن الجوز
وبيتباع الجوز مش فرد -على راى احمد عدوية -جوز والا فرد ههههههههههه

على فكرة هى كانت بتتباع فى التوكيل بنفس السعر دة من خمس سنين بس قالولى نبيعها بس ما بنركبش.

[a7madramadan]

المشكلة ان الروسية أساسا فيها مشكلة فظيعة مافيهاش ذراع بأسلاك ... المراية ممسوكة بــ frame كده عامود داخل من فتحة لجوة الصالون والعامود ده ممسوك فالذراع دايركت يعني هوه الذراع ان صح التعبير والذراع ده فيه مسمار بيمسك الذراع فالعامود ... أعتقد الصورة وضحت شوية بالوصف دا والي بيتكسر هو العامود من النصف كده فمابيبقاش قابل للتصليح الا باللحام وأساسا غير قابل للحام عشان هو من التركيبة المعدنية الي عاملة زي البودرة المعفنة دي مابينفعش معاها اي حاجة خالص

ومازلت في رحلة البحث عن مرايا أفيدوني أكرمكم الله :)

[a7madramadan]

ومش عاوز المصري الرؤية فيها زبالة مقارنة بالروسي الأصلي .... وفي الي بيتقال عليها مراية المرسيدس بس مش عارف ادور عليها فين في اسكندرية ؟

[karemriko]

المرسيدس 200 تحفه

[a7madramadan]

طيب المرسيدس دي أجيبها منين برضه وسعرها كام ؟؟ أنا ما اعرفش سوق المستعمل ايه نظامه وأماكن الشراء الكويسة ... عاوز أجيب واحدة روسي أو جوز مرسيدس بميعاد أقصاه الخميس بالليل عشان عندي مشوار على الصحراوي الجمعة الصبح ومش هينفع أمشي بالبايظة .. أفيدوني الله يكرمكم :)

[a7madramadan]

الحمد لله جيبت واحدة من سائق تاكسي غير الأصلي بتوع عربيته بتانيين بتوع المصري وأخدت منه اليمين بــ 50 جنيه مش عارف بقى كتير ولا قليل بس اشتريت دماغي عشان لقيتها زي الجديدة و الراجل طيب مش حاسس انه بياع يعني فمافاصلتش معاه :)

[mirra]

مبروك يا باشا.....

[a7madramadan]

الله يبارك فيك وربنا ما يكتب عليه الحوسه الي كنت محتاسها دي :d الا صحيح ماحدش يعرف سعر المرايات بتاعة مرسيدس 200 الي بتركب فاللادا ؟ (اشباع لفضولي بس :p ) ؟

[MEKAWY2000]

متاتبع ؟؟؟؟؟؟؟؟