مخ العربيه

[hassanin_lada]

بعد اذن الناس عاوز شرح للكاربرتير ازاي اظبطو يعني اقفل علي البنزين وافتح علي الهوا..انا بس عاوز اعرف المسمامير كل واحد بتاع ايه..ومعاهم صوره للتوضيح وكان عندي استفسار..انا جت فتره كنت كل اسبوع اروح للميكانيكي يظبطلي الكاربرتير عشان كان بيوطي خالص لدرجة اني كنت بشيل رجليه من البنزين العربيه تقطع..المهم رحت لبتاع الكربرتير قالي اكس وشباك وفعلا العربيه بعدها اتظبطط بس الكلام ده من شهرين ..بس ليا فتره ملاحظ ان العربيه رجعت توطي من تاني !!بس كل فتره يعني حوالي 3 اسابيع..هل ده بقي عيب بنزين؟؟ولا الكاربرتير باظ تاني ؟؟..واسف للاطاله...صح بردو كنت عاوز استفسر..امتي اعرف ان البيض ملص ؟؟

[MEKAWY2000]

اكس وباب مش باب وشباك هنبنى عماره
هههههههههههههه
لا ياباشا الادا دى طبيعتها انها تعلى وتوطى وممكن امبير rpmوهى بارده تلاقيه مضبوط ولما تسخن تعلى ولما تزيد السخونيه توطى تانى
على يمين الكاربرتير هتلاقى 3 مسما واحد هواء وواحد خلاط هواء وحط تحت خلاط الهواء 100خط لان بيبقى العيب منه وكتير من الصنايعيه مابيجوش ناحيته ومسماريعلى السياره ويوطيها للاسف ماعنديش صور وفى انتظار ا/ احمد جمال ينزلها
الاول بتعلى السياره سنه وبعدين وتربط مسمار الهواء وتبداء تضبط من مسمار الخلاط الى انك تحس بسلسه الموتور تبداء تحل على مسمار الهواء سنه صغيره هتلاقى السياره هدات فى الدواره ترجع تضبط rpmمن المسمار بتاعه وتخلى الموتور على750 لفه فى الدقيقه

[hassanin_lada]

ياعم اهي اي حاجه نفرح بيها العيال وخلاص :d :d..بص هو انا فاهم شويه بس بردو محتاج الصوره عشان اعرف فين الخلاط وفي المسمار عشان ماعكش الدنيا وفي انتظار الاستاذ احمد جمال وبارك الله فيك يا استاذ مكاوي

[hassanin_lada]

بس علي فكره هي وهي بارده بتقطع وقريبه قوي من الصفر لما بسخنها بقي وكده والمؤشر وصل لاول الاخضر بردو زي ماهي ..مختلفه عن الاول بمعني اصح..هل ده ممكن يبقي عيب؟؟وخصوصا انها كانت بتعمل كده في الاول لدرجة انها كانت بتقطع خالص

[MEKAWY2000]

بس علي فكره هي وهي بارده بتقطع وقريبه قوي من الصفر لما بسخنها بقي وكده والمؤشر وصل لاول الاخضر بردو زي ماهي ..مختلفه عن الاول بمعني اصح..هل ده ممكن يبقي عيب؟؟وخصوصا انها كانت بتعمل كده في الاول لدرجة انها كانت بتقطع خالص

هو كده تقريبا صح بس على rpmخليه على 750 لفه فى الدقيقه

[hassanin_lada]

طب ده ممكن يكون ايه؟اكس وباب تاني :d:d ولا ايه؟؟انت تعبت من العربيه دي..حاجات بسيطه بس بتفصل الواحد

[hassanin_lada]

وامتي صح اعرف ان البيض ملص ؟؟

[د.أبونضال]

وامتي صح اعرف ان البيض ملص ؟؟

ده أما تلاقي عجلة من الاثنين اللي قدام فكت من تحت وفرشت على الأرض والعربية وقفت منك في نص الطريق وأمة لا إله إلا الله بتتفرج عليك...
طبعا ملص البيض ده المفروض الحاجة اللي انت مش عايزها تحصل يبقى قصدك إزاي أعرف إن البيض هيملص ...
أول علامة إن الدركسيون هيخف منك وبعدين يتقل يبقى زي الحجر
أول ما تسمع طقطقة من العفشة الأمامية يبقى البيض على وشك إنه يملص.
لو حليت العفشة ولقيت البيض خفيف في إيديك يبقى عمره الافتراضي على وشك الانتهاء ويجب تغييره ... وهي دي المرحلة اللي أنا فيها دلوقت وربنا يفرجها علشان العفشة عايزة شدة حلوة
تحياتي

[hassanin_lada]

شكرا ليك استاذي العزيز..طيب هي الطقطقه دي بتبقي مستمره ولا شويه تيجي وشويه تروح وايه افضل نوع في البيض(عمره طويل)

[hassanin_lada]

استاذ احمد جمال ارجو التكرم منك ومروك علي موضوعي والافاده

[د.أبونضال]

شكرا ليك استاذي العزيز..طيب هي الطقطقه دي بتبقي مستمره ولا شويه تيجي وشويه تروح وايه افضل نوع في البيض(عمره طويل)

عفوا أخي العزيز ...بصفة عامة الطقطقة تعني أن البيض على وشك أن يملص ولا ينبغي الانتظار حتي تحدث..
أما أفضل الأنواع فأغلاها هو البلغاري ... ولم أجربه بصراحة وسعره حوالي من 200- 240 حسب المحل للأربعة طبعا.
آخر طقم ركبته كتبت عنه في هذا الموضوع من سنة هنا في المنتدي ... وراكب عندي من أكثر من سنة ... لكن طبعا لم اشحمه ولا مرة وكان عندي جلبة المقص فيها بوش فبوظت بيضة واحدة من الأربعة وهضطر أغير الطقم كله رغم إن الثلاثة الثانيين سلام.

[hassanin_lada]

الف شكر ليك استاذي العزيز..

[MEKAWY2000]

بص ياجميل البيض فى الروسى وفيه اليطالى وطبعا انا بفضل الروسى لان الى صنعوها عملو لهاقطع الغيلر الصح الطقم مايعديش اكتر من 80 جنيه الحمد الله لسه ماغيرتوش لانى مداوم على التشحيم وتربيط العفشه كل 3 شهور
الطقطقه ملهاش غير حل ولحد الا واهى جلب المقصات ممكن تراجع عليها وتغيرها كرسى النص بيتشحم واضبط زوايا ولو الكاوتش جديد انصحك باستبدال الهواء الى هليوم افضل ومش هتراجع عليه الا كل 3شهور بالنسبه لصور الكاربرتير انا بدور ليك على كاربرتير لادا على النت لان الى فى الكاتلوج مش واضح ومافيش عليه شرح
انتظرنى قريبا

[MEKAWY2000]

ده شكل الكاربرتير الادا من الكاتلوج هحاول اترجمه

[hassanin_lada]

ربنا يباركلك ياباشا هي فعلا جلب المقصات تعبانه شويه بس مستني لما يكون في حاجه تاني في العبشه عشان افك بالمره لانك عارف عشان اغيرهم لازم افك العبشه كلها..هو كرسي النص بيتشحم !! ولا هروح للراجل يقعد يضحك عليا؟؟..وفي انتظار صور الكربراتير والف شكر ليك ياباشا