حد عايز لادا كسر زيرو

[mona_881]

لادا 2107 مو 2008 نبيتي 1600 سي سي فابريكا بالكامل برة وجوا (لم ترش دهان المصنع) زيرو 17000 كيلو صالون حالة فوق الممتازة فرش جلد (المصنع) بشوكو + فرش إضافي زجاج كهربائي فتح الشنطة من الداخل بطارية جديدة كاوتش بحالة ممتازة استعمال راقي جدا جدا لم يتم تغيير اي شئ فيها كله بحالة المصنع وجميع الزراير والانوار تعمل بحالة الزيرو موكيت الارضية والشنطة والابواب والسقف والتابلوه مفهمش خربوش زيرو الصاج به بعض الخرابيش البسيطة جدا السيارة مصري وموجودة بالقاهرة مرور قوات مسلحة ورخصة سنة وشرط التسجيل السعر 35000 نهااااااائي

[ahmed_gamal777]

اول ربنا يحسن لحضرتك سوقها
وثانيا -لية تعليق كنت قلتة لحضرتك فى مداخلة سابقة
يرجى التصوير -واضافة الموضوع فى اكثر من موقع ومنتدى خاص ببيع السيارات
لمجرد سرعة البيع -وان امكن نزول السوق بيها -مدينة نصر يبقى احسن
ولو ما امكن -ممكن انزل واحد صبحى بتاجر فى السيارات لحضرتك بيها مع التنسيق
ولكن فى الوقت الراهن يفضل التصوير -وتعديل الاعلان حتى لو كان من اعلان مقتبس
واهم حاجة عنوان الاعلان
ارجو انك تكونى تقبلتى مرورى
والله الموفق والمستعان

[MEKAWY2000]

متابع

[mona_881]

الاخ المحترم </B>ahmed_gamal777

أشكر حضرتك علي الاهتمام وانا هاحاول اروح بيها السوق فعلا ان شاء الله وربنا يكرم ادعيلي بس لما اخويا يفضي علشان ييجي معايا
هو انا بقول 35 علي اساس ان الجديدة المصري بتاعتها ب 45 وانا عربيتي تعتبر كسر زيرو (17000) الا شوية حوالي 16600 كيلو انا في الاول كنت بقول 38 بس لقيت السعر مش منطقي وكنت علي استعداد اسيب فيها كاسيت سوني اكسبلود وشاشة ديفيدي 8 بوصة بالريموت لكن لقيت الناس مش مقدرة فقررت اشيلهم وانزل بالسعر لغاية 35

[wera]

انزلى السوق بس خلى بالك هتسمعى 25 وحاجات زى كده لو عرفتى تبعيها بأواخر العشرينات يبقى كويس وشيلى منها اى اضافات غالية وخلى بالك ان موضوع شرط التسجيل ده مشكلة لان ثمن التسجيل لهذه العربية يكلف حوالى 1200 والتسجيل معروف انه على المشترى فده هيخليهم يقللوا السعر ولو عايزه تحلى المشكلة دى ممكن لو فيها رخصة تبعيها بتوكيل بدون تجديد وترخيص بحيث انك تسيبى فرصة للمشترى انه يسجل براحتة وخصوصا ان مرور السنة بتفرق فى تمن التسجيل لانها سيارة عمرها 4 سنوات

[belal 1980]

ولا تنزلى السوق ولا حاجة...انا ان شاء الله شارى...بس على اقل من كده شوية...لو حضرتك قابلة ابعتيلى على mnya4223397@hotmail.com...انا اسمى دكتور بلال عيسى و تليفونى 01225925125