مشكلة فى الزوايا لادا 2107

[joseph661]

انا روحت لبتاع الزوايا علشان العربية بتحدف يمين شوية صغيرين فا المهم روحت قالى العربية عايزة زرجينة ب 100 جنيه ومش عارف اية وكلام غريب كدة وقالى العجلة عايزة تترحل 1 سم ودية سمكرى اللى بيعملها وفتحلى شغل فى العربية مع انى مش حاسس باى حاجة فى العربية غيرة الحدفة دية ؟؟

يارييت لو حد عنده خبره فى الموضوع ده لانى اول مرة اسمع عن موضوع الزرجينة لو فى مكان اعمل فيه الزرجينة دية يكون افضل من الراجل ده

وكمان حكاية السمكرة دية تتكلف كام تقريباً لان بتاع الزوايا بيقولى لازم تفكله الموتور كله والصراحة عقدنى وجبلى عقدة نفسية حسسنى انى ندمت انى جبت العربية مع انها عجبانى جداً

وشكراً جدا بجد احسن وافضل منتدى سيارات

وشكر خاص للاستاذ احمد جمال والاستاذ مكاوى

[Ahmed_BYD_F0]

طب ما تجرب واحد بتاع ظبط زوايا وترصيص عجل تانى غير الراجل ده وشوف حيقولك ايه

وروح لواحد بتاع عفشة محترم يقولك هى محتاجة ايه بالضبط واحكيله اللى قلهولك بتاع ظبط الزوايا

[ahmed_gamal777]

انا روحت لبتاع الزوايا علشان العربية بتحدف يمين شوية صغيرين فا المهم روحت قالى العربية عايزة زرجينة ب 100 جنيه ومش عارف اية وكلام غريب كدة وقالى العجلة عايزة تترحل 1 سم ودية سمكرى اللى بيعملها وفتحلى شغل فى العربية مع انى مش حاسس باى حاجة فى العربية غيرة الحدفة دية ؟؟

يارييت لو حد عنده خبره فى الموضوع ده لانى اول مرة اسمع عن موضوع الزرجينة لو فى مكان اعمل فيه الزرجينة دية يكون افضل من الراجل ده

وكمان حكاية السمكرة دية تتكلف كام تقريباً لان بتاع الزوايا بيقولى لازم تفكله الموتور كله والصراحة عقدنى وجبلى عقدة نفسية حسسنى انى ندمت انى جبت العربية مع انها عجبانى جداً

وشكراً جدا بجد احسن وافضل منتدى سيارات

وشكر خاص للاستاذ احمد جمال والاستاذ مكاوى

بص يا جميل
الحدف دا مع الفرامل
والا لا
والكوتش اية ظروفة
متاكل من ناحية والا اية
ياريت ترد علية

[joseph661]

طب ما تجرب واحد بتاع ظبط زوايا وترصيص عجل تانى غير الراجل ده وشوف حيقولك ايه

وروح لواحد بتاع عفشة محترم يقولك هى محتاجة ايه بالضبط واحكيله اللى قلهولك بتاع ظبط الزوايا

شكراً جدا يا باشا وانشاء الله هروح لواحد تانى واجرب

[joseph661]

بص يا جميل
الحدف دا مع الفرامل
والا لا
والكوتش اية ظروفة
متاكل من ناحية والا اية
ياريت ترد علية

شكراً لردك جداً يا استاذ احمد

اولاً هى الحدفة مع المشى العادى مش مع الفرامل يعنى انا ومسافر العربية على طوول بتحدف ولازم اعدلها بالدركسيون

الكاوتش الشمال فيه عالى وواطى ( واطى من الداخل وعالى من الخارج )

[ahmed_gamal777]

شكراً لردك جداً يا استاذ احمد

اولاً هى الحدفة مع المشى العادى مش مع الفرامل يعنى انا ومسافر العربية على طوول بتحدف ولازم اعدلها بالدركسيون

الكاوتش الشمال فيه عالى وواطى ( واطى من الداخل وعالى من الخارج )

طيب ممكن عند اقرب واحد بتاع كوتش
هات الفرد الشمال يمين والفردة اليمين شمال -ان حسيت بالفرق يبقى انت كدة فهمت الاشتغالة
ان لم تحس
هات الى ورا قدام والاى قدام ورا
وانا متاكد من المرحلة الاولى انها هتحدف معاك شمال
جرب وقالى
ومتـــــــــــــــــــــــــــــــــــــــــــــــ ــــــــــــــــــــــــــابــــــــــــــــــــــ ـــــــــــــــــع

[hassanin_lada]

بس ماعتقدش ان بتاع الزوايا غبي لدرجه انه مافكرش في حكاية الكوتش دي..هي ممكن تكون فعلا مقاسات العربيه مش مظبوطه وهتعوز زرجينه وبكده اعرف ان العربيه دي اتقلبت قبل كده ونصيحه من اخوك لو هي فعلا طلعت كده شفلها بيعه لانها كل شويه هتفك عبشه معاك وانت بتقول انك بتسافر علي طول وهتلاقيها بتاكل في الكوتش وقرف بعيد عنك..انا مش بقول كده عشان اعقدك وتقبل رأي وانشألله تطلع حاجه بسيطه

[amr011111]

كان حصل معى نفس الموقف وهوه انه من سنتين كنت بظبط زوايا فالفنى قاللى ان العجله اليمين ماخره 2 سم لورا ومحتاجه ترجع بزرجينه ثابته وطبعا معملتش الموضوع ده علشان ده بيفكك العربيه عن بعضها والعربيه بتحتاج لحامات كتير وبعدين لما السمكرى هيلحم من اول وجديد هتلاقى انه مش ماشى على اسطمبه علشان الشغل يطلع مظبوط. بالصدفه من حوالى اقل من شهر كنت بغير المقصات وانا عند الميكانيكى غيرت الفرده اليمين الاماميه مكان الفرده الشمال الاماميه وروحت ظبطت زوايا المفاجأة بقى ان الفنى بتاع ظبط الزوايا قاللى ان العجله الشمال هيه اللى مأخره 2 سم فانا بعد ما مشيت من عنده قولت احتمال يكون العيب فى الجنط او اى سبب اخر

بس على فكره عربيتك مش لازم تكون اتقلبت قبل كده ولا حاجه
ده بيحصل مثلا لو انت روحت غيرت ركبه مثلا تلاقى السمكرى لحم الركبه اليمين مش زى الركبه الشمال زى ما قولت لحضرتك انه مش شغال على اسطمبه تظبط المقاسات
المهم بتاع الزوايا ركبلى فك المقصات وركبلى ورد والموضوع اتحسن كثيرا ولله الحمد

[hassanin_lada]

هي ايه الركبه دي؟؟وممكن يكون كلامك مظبوط فعلا...بس انا بجبلو اسوء الحالات واللي المفروض يعملو

[joseph661]

اولاً الف شكر بجد يا جماعة

ثانياً: العربية شافها كذا سمكرى وقالى العربية دية تعتبر جديدة يعنى متقلبتش ولا حاجة بس كلام الاستاذ احمد جمال تقريباً صحيح لان الكاوتش شكله خلاص بيجيب اخره فا انا هشترى فردة جديدة وهجرب انشاء الله وهشوف

بس موضوع الزرجينة دية تتكلف كام تقريباً وهل وبترجع تانى ولا لا ؟؟

وهل بتاع الزوايا اللى بيعمل الزرجينة ولا حد متخصص ؟؟

[ahmed_gamal777]

اولاً الف شكر بجد يا جماعة

ثانياً: العربية شافها كذا سمكرى وقالى العربية دية تعتبر جديدة يعنى متقلبتش ولا حاجة بس كلام الاستاذ احمد جمال تقريباً صحيح لان الكاوتش شكله خلاص بيجيب اخره فا انا هشترى فردة جديدة وهجرب إن شاء الله وهشوف

بس موضوع الزرجينة دية تتكلف كام تقريباً وهل وبترجع تانى ولا لا ؟؟

وهل بتاع الزوايا اللى بيعمل الزرجينة ولا حد متخصص ؟؟

بص يا جميل اقلب الاول اليمين شمال والشمال يمين
ان كان تمام
يبقى فى اقرب وقت يكون معاك فلوس تشترى فردتين مع بعض
يفضل ذللك دائما

بالنسبة لموضوع عربية جديدة او قديمة بترجع لظروف المحيط
دا ان بقولهوك لانى العربية الى معايا موديل 2010
خرجت من التوكيل على صاحبها لمدة 6 شهور وبعد كدة ان اشتريتها منة
بس اية فى الجوان ربنا يصلح حالة ادانى خبور محترم
وعلى اساسة صرفت عليها كتير عشان ترجع فبريكة
وموضوع تاخير العجل دا ممكن يكون سببة الاساسى القنطرة ومسامير القنطرة
عموما متشغلش دماغك وانت عربيتك فل الفل

طبعا الزرجينة يفضل متخصص
ولو عايز واحد ان بثق فى واحد علم فى عين شمس اسمة الشيخ سمير
ودا راجل اسطورة -وبيسدعدل الشاسيهات كمان
سمكرى وحداد ودا الشغل الوحيدة بتاعتة (استعدال الشاسية -والزرجينة بس)

التكلفة بتبق حسب الشغل وحسب الزبون ok

[MEKAWY2000]

راجع واحد تانى فيه ناس بتحط ورده تحت الميزان بس لو عربيه جديده شوف مركزضبط زوايا انضف

[a7madramadan]

خلي بالك بتاع الزوايا مش غبي لدرجة انه هيقولك الشاسيه معوج وعاوز زرجينه وهو مش شايف حاجة غلط عامة اشتري دماغك وروح لواحد تاني .. و عامة الزرجينة دي بتعملها لو لا قدر الله العربية عملت حادثة وسمعت فالشاسيه وممكن يكون بعد الحادثة فالتصليح السمكري استسهل وعمل شغل أي كلام منغير زرجينه فلسه موجود عندك تعويج فالشاسيه عامة اتأكد برضه عند واحد تاني وان شاء الله خير