ما هى عيوب اللادا 2107 ؟

[wael6]

السلام عليكم ورحمة الله
ما هى عيوب اللادا 2107 ؟
1- وما هى حالة التكيف والباور ومدى كفائته ؟
ولا زى قلتهم مقارنتاً بالفيرنا مثلا
2- وهل كرسي القيادة غير مريح ام مريح ؟
خصوصا انى عاوز اجيبها كتاكسي باذن الله ؟
3- وهل الدبرياج تقيل ولا معقول ؟
4- هل الكربراتير منها افضل من الانجيكشن من حيث الاعطال والصيانة والاعتمادية ولا لا ؟
5- مدىكفاءة الغاز عليها هل بيبرجل السيارة ولا لا ؟
6- هل يوجد موديل 2012 وهل روسي ولا تقفيل مصري ولا ايه مصدر صناعته وتقيله من فضلكم ؟
او غير ذلك من ملاحظات ؟؟؟
ارجو اتساع صدركم لكثرة الاستفسارات
وشكرا جزيلا

[a7madramadan]

ما هى عيوب اللادا 2107 ؟
رفاهية قليلة (قابلة للتطوير طبعا بفلوسك) تكنولوجيا قديمة ولكن اعتمادية جدا جدا وصيانتها و قطع غيارها عند البقال زي مابيتقال .. بتحتاج منك عناية مستمرة زيها زي أي عربية عشان ماتتعبهاش وتقول دي لادا يا عم الحاج :d يعني تاكسي طرفين صبح وبالليل على الأقل تربيط كل أسبوعين وعناية بكل سوائل التشغيل زيوت بقى وخلافة .. اعتني بالعربية هتعيش معاك 10 سنين تاكسي 24 ساعة ... اتعبها هتتعبك زي أي عربية
1- وما هى حالة التكيف والباور ومدى كفائته ؟
التكييف ضعيف و الباور سيء على الطرق السريعة لانه مابيفصلش بشكل تدريجي ولكن بيفصل فصلة واحدة كده من بعد 100 كم/س تقريبا او يمكن أكتر وقبل كده الدريكسيون بيبقى زي الي عايم في زيت وقلق غير طبيعي ولازم تكلبش فالدريكسيون . والي منغير باور فيها علبة رومانبلي ممتازة جدا بتخلي الدريكسيون معقول جدا جوة المدينة والركنة يومين وهتاخد عليه في يومين وهتلاقيه بسيط خالص وخفيف .. التكييف معقول بس العزل الحراري للصالون سيء جدا فبيضيع كتير من كفائة التكييف مالآخر هتدفع أكتر ما هتاخد .. هاتها منغير تكييف ولا باور أو بالكتير هاتها تكييف

ولا زى قلتهم مقارنتاً بالفيرنا مثلا
الفيرنا مش عربية شغل وخفيفة جدا على الطريق وماتتحملش تبقى تاكسي نهائيا .. رفاهية جدا عن اللادا بس ماتقارنهاش وانت بتتكلم عن تاكسي غير بقى فرق اسعار قطع الغيار وسهولة الصيانة وخلافه
2- وهل كرسي القيادة غير مريح ام مريح ؟
جدا جدا :) مش هتفرق كتير عن الفيرنا يعني ده عشان جيبت سيرتها
خصوصا انى عاوز اجيبها كتاكسي باذن الله ؟
3- وهل الدبرياج تقيل ولا معقول ؟
معقول وقابل للتعديل يعني مش حكاية :)
4- هل الكربراتير منها افضل من الانجيكشن من حيث الاعطال والصيانة والاعتمادية ولا لا ؟
الانجيكشن عيوب أقل واستهلاك أقل بس لازم بنزين 90 عشان مايعملش مشاكل .. بيتهيقلي محتاج تسأل حد جايب انجيكشن وبيحط 80 بس على حد علمي بيبوظ الانجيكشن واسأل فالموضوع ده برضه والكاربيراتير بيحتاج صيانة وتظبيطات بس صيانته سهلة يعني جدا بس محتاج تكون عارف واحد محترم وفاهم كاربيراتير لادا وحافظه
5- مدىكفاءة الغاز عليها هل بيبرجل السيارة ولا لا ؟
الغاز طول عمره في أي عربية بيشغلها بكفائة أقل وبيهلك الموتور بس تكلفة دورية رخيصة لان الغاز رخيص بس لومافيش محطات تموين غاز عندك هتحتاس وهتضطر تحط بنزين وهتبقى دافع فلوس عالفاضي..
6- هل يوجد موديل 2012 وهل روسي ولا تقفيل مصري ولا ايه مصدر صناعته وتقيله من فضلكم ؟ الموجود أكيد مصري والتقفيل أقل جودة بكتييييير من الروسي انزل توكيل الأمل الأقرب ليك واسأل عن الروسي واسأل فالشركة الهندسية برضه (بتاعة الشاهين) بيجيبوها روسي برضه ولو اتقالك استنى شهرين على الروسي مافيش مشاكل تستحق الانتظار الحقيقة :)

لو في اي استفسارات تانية اتفضل

[wael6]

ما هى عيوب اللادا 2107 ؟
رفاهية قليلة (قابلة للتطوير طبعا بفلوسك) تكنولوجيا قديمة ولكن اعتمادية جدا جدا وصيانتها و قطع غيارها عند البقال زي مابيتقال .. بتحتاج منك عناية مستمرة زيها زي أي عربية عشان ماتتعبهاش وتقول دي لادا يا عم الحاج

متشكر جدا لاهتمام حضرتك
وافادتك القيمه جدا
جزاكم الله خيرا

ياترى تطوير رفاهيتها ازاى مثلا وممكن يتكلف ايه ؟

وشكرا جزيلا

[MEKAWY2000]

الله ينور

[a7madramadan]

تطوير الرفاهية = صالون جلد أو حتى تغيير الصالون كله كراسي قدام في خيارات كتير من المريح لحد الثابت الناشف الرياضي و فرش جلد للأرضية وده مهم جدا .. تطوير ال Door Panels الي هو فرش الباب يعني ممكن يتغير او يتظبط حتى لو في دماغك حاجة ضخمة يعني عند بتاع فايبر محترم .. كوفر custom للدريكسيون جلد عند سروجي كويس ... عدة الصوت وممكن فيديو و GPS لو حابب يعني مش عارف في دماغك ايه .. تطوير للاضائة بلمبات أقوى أو حتى تغير وش الفوانيس لوش كريستال وتعمل فوانيس عند واحد متخصص عدسات وزينون وليدات ... ممكن تركب الي انت عاوزه على حسب احتياجاتك .. انا مش عارف ميزانيتك قد ايه أساسا للكماليات ومدى احتياجك ليها لاني سبق واتكلمت ان الحاجة الي تجيبها لو مش عشان نفسك فيها بزوقك يعني تبقى على الأقل cost efficient يعني تدفع قد الي تاخده وعلى الأساس ده قولتلك بلاش تجيبها مكيفة هتدفع فلوس تكييف أكتر بكتير مما هتاخده وإلا بقى لو طالبة هتعمل عزل حراري كامل للعربية كصاج الدواخل كلها مش غالي ممكن حوالي 300-400 لو حد محترم قوي يعني و عازل حراري للقزاز وده غالي مش أقل من 2000 جنيه ... الموضوع اني مش عارف ايه الي يناسبك وايه احتياجاتك أساسا من العربية وطريقة سواقتك وذوقك أساسا فالعربيات :) لو حابب تقول ايه احتياجاتك وعاوز مشورة الاخوة فالمنتدى كلهم ان شاء الله يقدروا يفيدوك

[fellacd]

طب من فضلك إيه موضوع السخونة .. و ضرورة تغيير الراداتيير؟؟؟؟

[wael6]

تطوير الرفاهية = صالون جلد أو حتى تغيير الصالون كله كراسي قدام في خيارات كتير من المريح لحد الثابت الناشف الرياضي و فرش جلد للأرضية وده مهم جدا .. تطوير ال door panels الي هو فرش الباب يعني ممكن يتغير او يتظبط حتى لو في دماغك حاجة ضخمة يعني عند بتاع فايبر محترم .. كوفر custom للدريكسيون جلد عند سروجي كويس ... عدة الصوت وممكن فيديو و gps لو حابب يعني مش عارف في دماغك ايه .. تطوير للاضائة بلمبات أقوى أو حتى تغير وش الفوانيس لوش كريستال وتعمل فوانيس عند واحد متخصص عدسات وزينون وليدات ... ممكن تركب الي انت عاوزه على حسب احتياجاتك .. انا مش عارف ميزانيتك قد ايه أساسا للكماليات ومدى احتياجك ليها لاني سبق واتكلمت ان الحاجة الي تجيبها لو مش عشان نفسك فيها بزوقك يعني تبقى على الأقل cost efficient يعني تدفع قد الي تاخده وعلى الأساس ده قولتلك بلاش تجيبها مكيفة هتدفع فلوس تكييف أكتر بكتير مما هتاخده وإلا بقى لو طالبة هتعمل عزل حراري كامل للعربية كصاج الدواخل كلها مش غالي ممكن حوالي 300-400 لو حد محترم قوي يعني و عازل حراري للقزاز وده غالي مش أقل من 2000 جنيه ... الموضوع اني مش عارف ايه الي يناسبك وايه احتياجاتك أساسا من العربية وطريقة سواقتك وذوقك أساسا فالعربيات :) لو حابب تقول ايه احتياجاتك وعاوز مشورة الاخوة فالمنتدى كلهم ان شاء الله يقدروا يفيدوك

شكرا جزيلا لتوضيحات حضرتك القيمه
انا محتاج العربيه ان شاءا لله كتاكسي
فهل فى اعطال ممكن تستمر او تتكر معايا تضايقنى مع استعمالى للسيارة المستمر مثلا عكس الملاكى ؟

طب من فضلك إيه موضوع السخونة .. و ضرورة تغيير الراداتيير؟؟؟؟

متابع حضراتكم
وشكرا جزيلا

[wael6]

السلام عليكم ورحمة الله
معلش نسيت اسال عن الفتيس
بيكون كام غيار ودرجة نعومته ايه ؟
1- هل بيربي عضلات زى ال 128 كانت معايا قبل كده وكان تقيل اوى
2- والدبرياج هل بيكون تقيل وخشن ولا معقول ؟

3- وصوت الموتور هل عالى لدرجه مزعجه ؟

4- هل سخونية الموتور بتخش جوه الكابينه زى ال 128 مثلا

اسف للاطاله
و شكرا جزيلا

[MEKAWY2000]

متابع

[a7madramadan]

بيكون كام غيار ودرجة نعومته ايه ؟
الفتيس الجديد كله 5 غيارات و واحد خلفي و لبعض الناس بتقول ان الدبرياج تقيل سنة صغيرة بس هتاخد عليه عادي يعني والنقلات نفسها مافيهاش عيوب خالص ان شاء الله وأحيانا الاستخدام المفرط للدبرياج بيخليك تجيب اسطوانة وديسك وتغييرهم سهل منغير فك الفتيس نفسه يعني وحاجة الصنايعية المحترمين حافظينها :)
1- هل بيربي عضلات زى ال 128 كانت معايا قبل كده وكان تقيل اوى
لو بتتكلم عن دواسة الدبرياج هية ثقيلة سنة صغيرة بس مش حاجة مؤثرة يعني ولو بتتكلم عن الدريكسيون لو هو باور سبق اتكلمت عنه ولو لأ هيبقى معقول جدا جدا فالوقفة لانه على علبة رومانبلي
2- والدبرياج هل بيكون تقيل وخشن ولا معقول ؟
done
3- وصوت الموتور هل عالى لدرجه مزعجه ؟
لأ عادي
4- هل سخونية الموتور بتخش جوه الكابينه زى ال 128 مثلا
الهوايات تقدر تخليها تدخل الهواء وهيخش من تحت عند رجلك وممكن تقفلة وبيتقفل خالص ماتقلقش مش هيدخل هواء سخن من الحوض بس تاخد بالك العربية مش معزولة حراريا كويس فهتاخد سخونية السقف والأبواب شوية لجوة وده العيب الي مابيخليش التكييف يشتغل كويس أساسا بس طالما فاتح شباكك مافيش مشاكل

[hassanin_lada]

هو بالنسبه للعازل بتاع الزجاج انا سألت عليه هنا ومحدش افدني..ده عباره عن ايه؟؟وليه تكلفته ممكن توصل ل 2000 جنيه؟؟هو تقريبا كده عامل زي الفاميه بس شفاف مش كده؟؟

[wael6]

بيكون كام غيار ودرجة نعومته ايه ؟
الفتيس الجديد كله 5 غيارات و واحد خلفي و لبعض الناس بتقول ان الدبرياج تقيل سنة صغيرة بس هتاخد عليه عادي يعني والنقلات نفسها مافيهاش عيوب خالص ان شاء الله وأحيانا الاستخدام المفرط للدبرياج بيخليك تجيب اسطوانة وديسك وتغييرهم سهل منغير فك الفتيس نفسه يعني وحاجة الصنايعية المحترمين حافظينها :)
1- هل بيربي عضلات زى ال 128 كانت معايا قبل كده وكان تقيل اوى
لو بتتكلم عن دواسة الدبرياج هية ثقيلة سنة صغيرة بس مش حاجة مؤثرة يعني ولو بتتكلم عن الدريكسيون لو هو باور سبق اتكلمت عنه ولو لأ هيبقى معقول جدا جدا فالوقفة لانه على علبة رومانبلي
2- والدبرياج هل بيكون تقيل وخشن ولا معقول ؟
done
3- وصوت الموتور هل عالى لدرجه مزعجه ؟
لأ عادي
4- هل سخونية الموتور بتخش جوه الكابينه زى ال 128 مثلا
الهوايات تقدر تخليها تدخل الهواء وهيخش من تحت عند رجلك وممكن تقفلة وبيتقفل خالص ماتقلقش مش هيدخل هواء سخن من الحوض بس تاخد بالك العربية مش معزولة حراريا كويس فهتاخد سخونية السقف والأبواب شوية لجوة وده العيب الي مابيخليش التكييف يشتغل كويس أساسا بس طالما فاتح شباكك مافيش مشاكل

السلام عليكم ورحمة الله

لا يوجد شكر او كلمات توافي قدر اهتمام حضرتك وافادتك القيمه جدا
جزاكم الله خيرا وحفظكم الله تعالى من كل سوء

كعادتى بتقل عليك معلش

1- هل لما انزل من هيونداى الى لادا هل هواجه مشاكل فى تحمل خشونة القياده خصوصا انى فى الاول خالص كان معايا 128 وكان تقيله وخشنه ولما غيرتها وجيبت الاكسيل وصادف جيت اسوق سوزوكى سويفت مطقتهاش خالص ؟
هل دى نظرية نفسيه ذاتيه ام واقعيه ؟

2- هل صوت الموتور عالى لدرجة الملاحظة والازعاج ؟

3- هل هترزق زى السيارات الحديثه من التكاسي من وجهة نظر الزبون ؟
( يقينا انا مؤمن برزق ربنا سبحانه وتعالى بس بحاول اخد بالاسباب )

4- هل بيكون فى عيب سخونه وبيتغير الريداتير فى الادا ؟
ده كان سؤال احد زملائنا هنا فى المشاركات السابقة
وهل عند تشغيل التكييف العربيه بتسخن - ده كان راى احد ملاكها ؟

5- وايه معنى ان الباور بتاعها مبيفصلش الا بعد سرعة 100 كم ؟ فبيكون مقلق على السرعات ؟
اصل انا ان شاء الله عاوز اجيبها باور وتكييف
عشان مرجعش اعدلها بعد كده
خصوصا ان مثلا السويفت و 128 اللى جربتهم كان تقال اوى على عكس باور الهيونداى راحة وسهولة فى القياده ؟

اسف للاطاله
ومنتظر تفصيلات حضرتك المتميزة
وشكرا جزيلا لسعة صدركم
جزاكم الله خيرا

[hassanin_lada]

بص ياباشا انا هقول اللي اعرفه..ال128 علي سكتره فالدركسيون خفيف خالص بالنسبه للادا انا كان معايا 128 ولما جبت الادا واجهت صعوبه في الاول بس الحمدلله اتعود عليها..اما بالنسبه للصوت فالو انجكشن صوتها حلوه ومعقول لكن كاربرتير هيبقي عالي ..بالنسبه للتكيف في التاكس بيبقي مقرف شويه يعني فتح الباب علي طول يطير البروده وهو اصلا التكيف علي قد حاله..انا من رأي شاهين هتبقي احسن وممكن لانوس..لكن الادا عاوزه هيراكل عشان يتعامل معاها وخصوصا ان لازم صيانه علي طول يعني تربيط تشحيم وفي قطع غيار ليها كتير مش اصليه ومافيش غيرها ومش بتعمر..هي عربية شغل بس وواحد باله طويل واسف للاطاله

[wael6]

بص ياباشا انا هقول اللي اعرفه..ال128 علي سكتره فالدركسيون خفيف خالص بالنسبه للادا انا كان معايا 128 ولما جبت الادا واجهت صعوبه في الاول بس الحمدلله اتعود عليها..اما بالنسبه للصوت فالو انجكشن صوتها حلوه ومعقول لكن كاربرتير هيبقي عالي ..بالنسبه للتكيف في التاكس بيبقي مقرف شويه يعني فتح الباب علي طول يطير البروده وهو اصلا التكيف علي قد حاله..انا من رأي شاهين هتبقي احسن وممكن لانوس..لكن الادا عاوزه هيراكل عشان يتعامل معاها وخصوصا ان لازم صيانه علي طول يعني تربيط تشحيم وفي قطع غيار ليها كتير مش اصليه ومافيش غيرها ومش بتعمر..هي عربية شغل بس وواحد باله طويل واسف للاطاله

جزاكم الله خيرا

طب لو جنطت 14 او 15 هيأثر على العفشه ؟
مثلا 14/60/185 او 15/55/195
ونوع الكاوتش اللى بتنزل ايه فى الزيرو ؟



ممكن اعرف من حضراتكم مقارنتها بالشاهين ؟
من حيث الخشونه والشكل القديم والاعطال الشائعه من فضلكم ؟

لانى وقت الشاهين وكان كويسه معايا على الاقل كانت افضل من 128 واتعلمت على الشاهين السواقه اصلا

اسف للاطاله
وشكرا جزيلا

[mody3on]

اللادا متفرقش كتير عن الشاهين وحرام تجيبهم في 2012 بجد يعني
ليه تقرف نفسك بعربية من ايام السبعينات ؟ ما تجيب فيرنا ولا لانوس ولا لوجان !