مشكلة عوامة بنزين 2105 و أزمة البنزين

[Zing0]

السلام عليكم
الحمد لله ربنا أكرمنى و قدرت أجيب لادا 2105 موديل 82, دى أول عربية ليا و لسه بتعلم سواقه فيها و ربنا يستر...
المهم العربية محتاجه عوامة بنزين, الأخ اللى باعها لى ركّب كذا واحده و باظت ( كلهم صينى ) و كان ماشى بمعدل الإستهلاك, طبعاً أنا بالنسبالى مش هعرف أعمل الحكايه دى لأنى حتى الأن ( لسه معرفش أى إشارات فى التابلوه و لسه بتلخبط لما أشغل الإنتظار أو الإشارات أو النور العالى و الواطى.. )
و مع أزمة البنزين الحلوه دى خايف عزيزة تعملها معايا و تقولى كفايه عليك لحد كده فجأه لأن عداد البنزين عالصفر دايماً.
عاوز أعرف أيه أفضل الأنواع و أسعارها تقريباً
و عاوز دعوتين حلوين

[abokoko]

هتلاقى الروسي فى حدود ال 40-50 جنيه
وعلشان تحافظ عليها بعد ما تركبها
ابقي مون على علامه نص التنك تقريبا

[lada2010]

ربنا يكفيك شر العين واى خدمة تخص العربية احنا تحت امرك

[Zing0]

جزاكم الله خيرا
بس أنا رحت للكهربائى و قاللى مفيش روسى , الموجود هندى و تايوانى و صينى
قولتلوا طيب الأحسن أيه ؟ قاللى الهندى بـ 65 جنيه. بيعمل عليا شغل و لا أيه!
و ألاقى الروسى فين؟ معلش أنا تاعبكم معايا لأنى لسه خواجه
بس ده اللى أنا منتظره من زمايلى و إخوانى هنا, و ربنا يبارك فى وقتكم و صحتكم و مالكم و أهلكم.

[MEKAWY2000]

اشترى واحده استيراد احسن
وربنا يكفيك شر السياره ويعطيك خيرها ان شاء الله

[abokoko]

اعتقد الاستيراد فى العاوامت مش هيكون مضمون
عموما لو استيراد يبقي تشترط التجربه

[ahmed_gamal777]

جديد روسى
موجود
حمدى لادا -م الجديدة -والحرفين
احمد محرم -عين شمس
جمال لادا -فيصل
والمفروض على اخر 5 لتر الموشر ينور لمبة صفرا

[Zing0]

يسلم أيديكم اللى كتبت ردود
بالفعل ذهبت للحرفيين , بدل المحل 1000 , و الحمد لله اللادا كتير بيشتغلوا فيها
المهم لقيت عوامه روسى بـ 40 جنيه, و عوامه يوغسلافى بـ 60 جنيه, بقول للراجل يعنى بتاعة بلدها أرخص؟ !!!
قاللى اليوغسلافى معروف أنه أحسن فى العوامات و ده لكل العربيات مش اللادا بس.
لسه مشترتش, برضه عاوز أعرف رأيكم أيه الأفضل؟

[ahmed_gamal777]

هات الى قالك علية
وشوف محل اسمة الموجى او محل نوفا فى الحرفين هيجيبوا من الاخر
على فكرة الروسى مضروب كتير وبتعرفة من نقشة الخط
انا معرفش روسى لكن ممكن تميز نقش الخط سليمة والا مضروبة