قطع غيار لادا كالينا يا جدعااااااان

[aghour1111]

لو سمحتوا يا رجاله
انا لفيت مصر كلها علي قطع غيار لادا كالينا زي الفوانيس امامي و خلفي و المرايات بتاعت الابواب و الصالون و عصايه الفتيس و اسكتره الدركسيون و حاجة العفشه كلها ( مساعدين امامي و خلفي و بلي عجل ) .
انا لفيت شبرا و عزبة شلبي و التوفيقية دا في القاهرة , و في اسكندرية رحت شارع 30 و السيوف و كرموز كمان و مش لاقي حد عنده حاجتها من غير تعب .
بعد اذن الجميع اي حد يعرف اي حد بتاع لادا كالينا و متأكد من وجودة يرد عليا و لو حد عنده حلول بديله و متأكد منها يبقي يقولي .

[aghour1111]

طب اروح اككتب الموضوع في منتدي المرسيدس ولا ايه !!!
ايه يا رجاله هو انا بدور في صحرا ولا ايه ؟؟؟

[wera]

انت روحت لحمدى لادا فى شارع دمشق ؟؟؟
او التوكيل ؟؟؟؟؟
عموما ممكن تصلح الفوانيس اذا كان الوش الخارجى بس مكسور اما بالنسبة للمرايات انت ممكن تدور وتشوف ايه اقرب شبهه مرايا لها من اى سيارة اخرى المهم قواعد المرايا تكون متشابهه اما بالنسبة للعفشه اعتقد انها نفس حاجة لادا 2110 عموما علشان متدوخش نفسك لو ينفع تفك الحاجة وتوريها لاى حد بيبيع قطع غيار لادا وقوله عايز زى دى علشان عن خبرة فى ناس كتير بتاعت قطع غيار مش عارفه ايه الى عندها او مش عارفه ان قطعة الغيار دى تنفع لعربيات ايه ده عن تجربة

[aghour1111]

رحت لحمدي لادا و فهد لادا في شارع دمشق , و عزبة شلبي من اصغر لاكبر محل , حتي نزلت اسكندريه عندي لملوووووك اللادا عند احمد النونو في صلاح الدين و شارع تلاتين من شارع القاهره . برضو مفيش .
بس خلاص انا هعدل العربيه بالكامل و هغير اللون و هعدل العفشه و هشد كله بإذن الله الاسبوع اللي جاي .
و شكرا علي رد

[ahmed_gamal777]

رحت لحمدي لادا و فهد لادا في شارع دمشق , و عزبة شلبي من اصغر لاكبر محل , حتي نزلت اسكندريه عندي لملوووووك اللادا عند احمد النونو في صلاح الدين و شارع تلاتين من شارع القاهره . برضو مفيش .
بس خلاص انا هعدل العربيه بالكامل و هغير اللون و هعدل العفشه و هشد كله بإذن الله الاسبوع اللي جاي .
و شكرا علي رد

ربنا يوفقك وتلاقى الى انت عايزة
وممكن تسال برضة فى شركة الامل -الوكيل فى مصر
ولو عدلت صور الحاجة وارفعها فى موضوع
عشان تفيد الناس وربنا يجعلة فى ميزان حسناتك

[wera]

بس خلاص انا هعدل العربيه بالكامل و هغير اللون و هعدل العفشه

نصيحة بلاش تغيير لون العربية علشان اعادة البيع سعرها هينزل بتاع 3 او4 الاف غير مصاريف رشها هيبقى خساره من كله ؟؟؟
وخلى بالك من تعديل العفشه اوعى تلعب فيه لان ممكن العربيه تطلع معاك مش مظبوطه بعد ما تعدل حاول تفك الحاجه وتروح تقارنها باى قطعه ثانيه تكون متشابهه والكلام ده عن تجربه
كان معايا لادا 2104 وعلشان دركسيونها تقيل اقترح عليا ميكانييكى انه يغير علبة الدركيسون باسكاترة فيات 131 وقالى هتبقى حلوه ومظبوطه وكله تمام وعملى كده فعلا وكانت النتيجة انى ندمت لان العربيه كانت بتعوم على السرعات العاليه الى فوق الـ 100 وقعدت اروحله كذا مره واشتكيلة من الموضوع ده و اقوله يبص عليها تانى يمكن فى حاجه غلط ويقولى لا كله تمام انت بس بيتهيألك علشان مش متعود على دركسيون خفيف المهم روحت لكذا ميكانيكى غيره يبص عليها ويشوف المشكلة دى سببها ايه كلهم قالولى انها مفهاش مشكله وان الميكانيكى الى عملى الموضوع ده فنان وقعدوا يشكروا فى صنعته المهم خلاصة المووضوع كان العيب مش عيب ميكانيكى كان عيب اللعب فى ااساس العربية انى ركبتلها حاجة مش بتاعتها
فاحترس من انك تلعب فى العفشة بدون معرفة النتيجة

[aghour1111]

ahmed_gamal777
شكرا علي ردك الجميل و بإذن الله انا هصور العربيه قبل الشغل اللي هعمله و بعد ما اخلص و هرفع الصور هنا ان شاء الله

[aghour1111]

wera
يا باشا موضوع التعديل او تغيير اللون دا سهل و مش متعب بالنسبه ليا , عشان انا مش هبيع دلوقتي خالص انا بعدل و بغير ملامح العربيه عشان تقعد علي الاقل 10 سنين كمان . و بعدين انا هرش بره بس و العربيه فبريكه من جوه مش فيها خربوش . و موضوع العفشه دا مش اي حد يشتغل فيه طبعا زي ما انت بتقول عندك حق عشان ليه حسبته طبعا . باذن الله هخلص و متابع معاكوا كل حاجة بعملها
.

[mero55]

انا لقيت كل حاجه تخص الكالينا عند واحد بس بالاسكندريه اسمه هوب موتورز موجود في فلمنج على الترام وياريت تتابع معانا وتقولنا عملت ايه في العمره واخبار الكالينا ايه بعد التعديل

[aghour1111]

انا لقيت كل حاجه تخص الكالينا عند واحد بس بالاسكندريه اسمه هوب موتورز موجود في فلمنج على الترام وياريت تتابع معانا وتقولنا عملت ايه في العمره واخبار الكالينا ايه بعد التعديل

mero55
ممكن تقولي هو فين بالضبط و لقيت عندة حاجات زي ايييه و اخبار الاسعار و لو معاك لرقم تليفووونة ؟؟؟؟