فرش جديد لعربيتي السمارا من جينز كار (نسخه لقسم لادا)

[SHNORY]

السلام عليكم ورحمه الله وبركاته
شكر خاص للحج احمد مشعل رئيس مجلس ادارة شركة جينز كار
على تكريمه لى ولكثير من المنسقين يوم عيد ميلاد المنتدى
فقد فاجأنا بتقديمه شهادات تقدير
والمفاجئه الاكبر انه اعلن عن قيامه باهدائي فرش لعربيتي
فقررت شد الرحال يوم الخميس 31-5-2012 علي القاهره والذهاب للحاج احمد مشعل
تفاصيل اليوم حتكون في تقرير تاني لان الموضوع ده عباره عن شكر خاص ليه
اول ما وصلت عنده بمساعده اخي وحبيبي احمد اسماعيل
استقبلنا استقبال الفاتحين
بكرم اخلاقه وطيبته وهدوئه
وطبعا عربيتي زي ما انتم عارفين من حفريات التاريخ
واكرمه الله تنازل وقبل انه يشتغل فيها وانا مش متخيل انها ممكن يتعمل فيها حاجه
بدا اليوم وبدات الصحبه الجميله تتجمع عند الحاج احمد

الحاج احمد مشعل -تامر محمد - محمد الشنوري - احمد سامي - احمد اسماعيل

احمد سامي بيهدد تامر محمد وبيقوله مشوفكش في المنتدي تاني

الحاج احمد مشعل وهو زهقان مننا ههههههههه

وتوالي وصول الاعضاء
احمد مصطفي وحسين سونا ستيل وعمرو اكسيل
ومن بين اقداح الشاي والبيبسي اللي توالت علينا من الحاج احمد
وقيامه باحلي عزومه غدا علي شرف حضوري وتواجدي عنده
وبصراحه كان احلي اكل اكلته في حياتي بالصحبه الطيبه
وبعد الغدا جالنا حبايبنا بسام حافظ وهاني عبد الفتاح وسمير الشهاوي
بس محضروش حصه المساحه وقياس الاطوال اللي كانت مفتوحه
وكل واحد عمال يقيس البلاطه بالشبر للاجابه عن اعظم اساله التاريخ
والسؤال كان بيقول
هما ال13 سنتي يبقوا كام متر ههههههههههههههه
====================================
قبل توالي وصول الاحباب
قعدت انا واحمد اسماعيل مع الحاج احمد في المكتب لاختيار لون الجلد
وبصراحه مبقيتش عارف اختار ايه ولا ايه لحد ما كان الراي بالاجماع في الاخر علي اسود في نبيتي
وطبعا علشان العربيه عدت السن القانوني فكانت حاله الكراسي (اتخيلوها انتم بقي انا مش ححكي )
وسيبت العربيه للحاج احمد وانا مشفق عليه بصراحه من منظرها وسط العربيات اللي واقفه هناك هههههههههههههه
فقولت اهي الناس تتريق وانا مش موجود بدل ما يتتريقوا وانا قاعد واهي التريقه مبتلزقش
وبلاد تشيلني وبلاد تحطني وروحت مقابله دايو وحبايب السيده واحمد ميدو استضافني في بيته وروح فرح غازي
وكل ده حتكلم عنه بالتفصيل في موضوع تاني
ولظروف اتاخرت عن الحاج احمد وانا كلي خجل وروحت استلمت العربيه وهو مش موجود ومقدرتش اشكره وجها لوجه
بس حسيبكم مع الصور وتشوفوا
كرم الحاج احمد وخبرته حولت عربيتي لايه
فرش عمري ما تخيلت انه ممكن يركب فيها
وارضيه جلد

مش عارف اوصف بصراحه ولا اقول ايه لاني تنحت اول ما شوفت العربيه

وكان فيه كيس محطوط علي الكنبه

فتحت الكيس لقيت كرم فوق الكرم

معطرات - حامل سيديهات - كفر دركسوين - دباديب - فرشاه - شماسه - فوط (احمدك يارب)
ودلايه جميله عليها ايه الكرسي

في النهايه بجد مش لاقي كلام اوفيه حقه ولا كرمه
هداياه فوق مقدره ان الواحد يقدر يشكره عليها مش حتي انه يردهاله
بجد انا مهما قولت او عملت
مش حقدر اسدد او اوفي نقطه في بحر كرم الحاج احمد او حسن استقباله
بكل الحب كل الشكر والتقدير لحضرتك على كرمك البالغ
وبشكر نايل موتورز لانه كان السبب اننا اتعرفنا بحضرتك

[mazher_m]

مبروك يا محمد بك
وربنا يديم الود والمحبه بين اهل نايل موتورز كلهم
لان ده هو الكنز الحقيقي
وتقبل مروري

[medoghaly]

مبروك يا شنوري علي الفرش الجديد العربية بامانة بقي اسمها عربية بس كويس انها وصلت مصر الحاج احمد شخصية جامدة و كريمة اوي اول اما شوفت الموضوع في قسم الادا حسيت مليون في المية ان انت من قبل اما افتحة و فعلا طلع شنورى باشا ههههههههههههههههههه

[asaeed]

ياباشا مبروك عليك إحساسك الجديد بالعربية وجمالها... ربنا يديك خيرها ويكفيك شرها

[hassanin_lada]

الفرش روعه بجد بسم الله ماشاء الله..ربنا يكفيك شرها

[nomel3aeb2]

الف مبروك يا باشا على الفرش الجديد

[ahmed_gamal777]

الف مبروك وربنا يباركلك فيها
وشكر خاص جدا لجينز كار

[i_Am_Legend]

ياباشا مبرووك الفرش..بجد تحفففففففففة...ماشاء الله...انا كمان ان شاء الله هاروح اعمل فرش عند جينز كار لعربيتي...بس قولى هو اتكلف كام تقريبا....

[احمد عاطف2012]

الله ينور فعلا فرش شكله جميل واكيد خامته جميلة برضة وربنا يباركلك فى العربية ويحميك من كل شر

[SHNORY]

مبروك يا محمد بك
وربنا يديم الود والمحبه بين اهل نايل موتورز كلهم
لان ده هو الكنز الحقيقي
وتقبل مروري

حبيبي مظهر بيه
بجد الواحد عرف ناس في المنتدي استحاله كان حيقدر يعرفهم في الحقيقه
ربنا يديم الود والمعروف بيننا دايما

مبروك يا شنوري علي الفرش الجديد العربية بامانة بقي اسمها عربية بس كويس انها وصلت مصر الحاج احمد شخصية جامدة و كريمة اوي اول اما شوفت الموضوع في قسم الادا حسيت مليون في المية ان انت من قبل اما افتحة و فعلا طلع شنورى باشا ههههههههههههههههههه

والله كانت عربيه يا باشا وكان فرشها بقاله سنه ونص هههههههههه
واصلا عربيتي مش بتحرك بيها كتير الا لو مسافر
بس بعد الفرش الجديد اختلفت كليا من جوه
والله يبارك فيك يا كبير

ياباشا مبروك عليك إحساسك الجديد بالعربية وجمالها... ربنا يديك خيرها ويكفيك شرها

الله يبارك فيك يا باشا

الفرش روعه بجد بسم الله ماشاء الله..ربنا يكفيك شرها

الحمد لله انا مكنتش متوقع ان العربيه حيكون منظرها بالجمال ده بعد التركيب والحمد لله

الف مبروك يا باشا على الفرش الجديد

الله يبارك فيك يا باشا

الف مبروك وربنا يباركلك فيها
وشكر خاص جدا لجينز كار

الله يبارك فيك يا احمد باشا
وبجد مش عارف اشكرهم ازاي

ياباشا مبرووك الفرش..بجد تحفففففففففة...ماشاء الله...انا كمان ان شاء الله هاروح اعمل فرش عند جينز كار لعربيتي...بس قولى هو اتكلف كام تقريبا....

الله يبارك فيك يا ايمن بيك
والله هو الفرش كان هديه من الحاج احمد مشعل كجزء من تكريمي واعلن عنه في مقابله عيد ميلاد المنتدي

[SHNORY]

الله ينور فعلا فرش شكله جميل واكيد خامته جميلة برضة وربنا يباركلك فى العربية ويحميك من كل شر

الخامات تحفه
بسم الله ما شاء الله
وشوفت شويه خامات تحفه عند الحاج احمد منهم قماش فضلنا تشرطه بفتاحه جوابات ونحك فيه ومسابتش اي اثر فيه

[a7madramadan]

باسم الله ما شاء الله الفرش جميل جدا جدا يا شنوري :) انت بتغريني على فكرة هتخليني السنة الجاية أنزللله مخصوص من اسكندرية زيك :) ...

[mazagngi2010]

طيب ماهو بيشتغلوا فى القديم اهو !!!

[i_Am_Legend]

طيب انا عايز اعمل فرش زي دة...اسألي الحاج يتكلف كام ياشنوري...لأني ممكن اروح اعملة النهاردة او يوم الاتنين..بس ماتنسانيش ياشنوري..

[asaeed]

شنوري ياريت تقول لي الفرش ده يعمل كام لأني محتاج اظبط الفرش إللي عندي ضروري
جزاك الله خيراً