أنا شكلى عملت حاجه غلط _ أرجو المساعده

[Zing0]

السلام عليكم
معلش أنا عارف إن إسئلتى كتير بس و الله غصب عنى, نفسى بجد أفيد زى مابستفيد, معلش لسه خواجه خالص فى العربيات
أنا كانت العربية عندى واطية شويه ( ده كلام الميكانيكى لأنها كانت بتدور و تفصل لواحدها) و قاللى محتاجه تنظيف كربراتير
المهم واحد زميلى قاللى يا عم الحاج إفتح الغطاء بتاع الشبكة اللى قدام و إنفخ فى قربة المياه جامد هتلاقى المياه القديمة خرجت و نظفت كل حاجه و بعدين حط مياه جديده من الحنفيه
المهم عملت كده بس لاقيت المياه اللى نزلت خضراء ( لونها أخضر)
أستغربت و سألت واحد قريبى قاللى شكلك عملت حاجه غلط , أنت لعبت فى الكربراتير و لا الرداتير؟؟؟ المياه الخضرا دى بفلوس مش من الحنفيه !!!!!!!
أنا خايف و عاوز رد منكم , و رفعت صورة توضح اللى عملته

http://im12.gulfup.com/2012-06-15/133977497691.jpg

[ahmedesmat1987]

ههههههههههههههههه الميكانيكى يقولك نظف الكربيراتير تنفخ فى الريداتير ....................... مش اى حد مش فاهم اوى يقولك حاجه تعملها ....الكربيراتير ملوش اى علاقه بالريداتير .........ثانيا انت عندك مياه خضرة يعنى مش محتاج تنظيف ريداتير ...........اما بالنسبه للكربيراتير بتروح لواحد متخصص بيفكهولك حته حته وينظفهولك..........انا عن نفسى انا بعمل القصه دى لوحدى بس صعب اوى اشرحالك وصعب انى اقولك اعملها....... وابقى حط مياه تانى مكان اللى نفختها عشان العربيه متسخنش منك

[wera]

ههههههههههههههههه الميكانيكى يقولك نظف الكربيراتير تنفخ فى الريداتير ....................... مش اى حد مش فاهم اوى يقولك حاجه تعملها ....الكربيراتير ملوش اى علاقه بالريداتير .........ثانيا انت عندك مياه خضرة يعنى مش محتاج تنظيف ريداتير ...........اما بالنسبه للكربيراتير بتروح لواحد متخصص بيفكهولك حته حته وينظفهولك..........انا عن نفسى انا بعمل القصه دى لوحدى بس صعب اوى اشرحالك وصعب انى اقولك اعملها....... وابقى حط مياه تانى مكان اللى نفختها عشان العربيه متسخنش منك

كلام مظبوط

[chiko]

بص ياا استاذي لو مش عيز تروح لميكانيكي .. اعمل اللي هقولك عليه .. بخصوص الوساخه اللي في الكربرتير .. هتشيل سلك البوجيه رقم اتنين و تلاته و تحط السلك رقم اتنين في بوجيه تلاته و تحط سلك رقم تلاته في بوجيه رقم اتنين طبعآ الكلام ده و العربيه مبطله .. و بعدي تدورها و تدوس بنزين و تسيب و تدوس و تسيب هتلقي العربيه تعمل مدافع .. هتعمل الموضوع ده لمدة بسيطه 5 ثواني يعني تدوس و تسيب تلت مرات .. و بعده اتبطل العربيه و ترجع سلك البوجيه زي ما كان .. و يفضل قبل ما تشيله تلصق عليه ورقه برقم كل واحد عشان لما تشيله متتلغبطش و تنسي مكانهم ...

لو تقدر تعمل الموضوع ده .. مشكلته هتتحل بامر الله .. بس زي ما قولتك دوس وسيب .. اوعي تدوس جامد ..يعني دوس ربع دوسه بنزين و سيب و دوس و سيب

اما بخصوص المايه زودها عادي جدآ و حط مايه عاديه و ابعد عن المايه الخضره عشان بتاكل وش السلندر

[a7madramadan]

بلاش موضوع الفرقعة ده .. نظفه عند حد متخصص أحسنلك ... وبالنسبة للمية اشتري جركن مية خضراء وزود تاني علشان مية الحنفية بتسخن وبتتبخر بسرعة وهتلاقي نفسك كل شوية بتزود والمية تنقص بسرعة قوي قوي ... وغير ان المية العادية بتعمل صدأ وانسدادات فالرادياتير ... خدها مني نصيحة بلاش مية عادية علشان شوفت بنفسي آثارها على عربية زي عربيتي بنفس عمر عربيتي بس اتزودلها مية حنفية ...

[chiko]

مع كامل تقديري لحضرتك .. المايه الخضره اخطر علي الماتور من المايه العاديه ... لانها بتاكل مجر المايه في وش السلندر و بتاكل مواسير الردرتير و بالنسبه للفرقعه .. لو قدر يعملها .. مشكلته هتتحل ... و احسن من انه يروح لوحد يفكله الكربرتير .. و يبوظه ... و ما اكثر الصنيعيه اللي بتزود المشكله .. مش بتحلها ..

[wera]

ايه يا جماعه موضوع ان المايه الخضراء بتاكل المواسيل والمجر دى انا اول مره اسمع الكلام ده ياريت لو حد يعرف الموضوع بالتفصيل يشرحهولنا لانى مع احترامى لكل الى قال كده انا مش مقتنع بالكلام ده بمجرد انه معلومه كده وخلاص انا جربتها لقيت الفايده الوحيده منها انها مش بتعمل صدأ لكن ملهاش تأثير على السخونه ولا بالايجاب ولا بالسلب

[chiko]

شوف ياا فندم المياه الخضره هي مركب كميائي بيعمل علي ازالة الصدء .. بالتاكل يعني ..

مع الوقت بيكون من الطبيعي ان مواسير الرترادير تاكسد و بالتالي سمكها يقل و بالتالي يحصل تاكل ..

اما بخصوص راس السلندر .. في داخل راس السلندر زي ما كلنا عرفين فيه مجر مايه و راس السلندر في اغلب الاحوالي مصنوع من الالتمونيه .. بيحصل فيه اكسده و تاكل من التكيبه الكميائه الموجود في المايه الخضراء ..

الحل الامثل للموضوع ده هو انك تحطط بحد ادني لتر و نص مايه خضره و بحد اقصي 2 لتر و نص و الباقي مايه عاديه عشان الماده الكاويه الموجوده متاثرش علي جسم راس السلندر و لا الردراتير .. لو مش مقتنع ممكن تروح عند ميكانيكي فاهم و هو هيشرحلك ...

انا اشتغلت في باجيرو و كان فيها مشكله انها بتخرج مايه من الشكمان .. مايه جامده حنفيه يعني ..

و مكونتش متخيل ان عربيه زي ده ممكن يكون فيها تاكل خصوصآ انها لسه مشتغلتش ..

المهم فكينها الوشين و في اعتقداتي اني هلقي كسر في الوش او البلوك .. لكن اكتشفت حاجه تانيه خالص .. مجر المايه سارحه و بترمي فوق البستم .. و لما سالت صاحبها .. قالي انها من اول ما اشتراها بيتستعمل مايه خضراء بس بدون مايه عاديه ...

وده صور الوش

[besokate]

انا عن نفسي بستعمل طول عمري مياه عاديه ومفيش اي مشكله حصلت من الموضوع ده غير اني كل يومين او تلاته بزود مياه في القربه ونصيحه بلاش حد يلعب في غطا الريداتير نفسه عشان بيبوظ شفه الريداتير وبيخلي المياه تنزل منه وبالتالي المياه هتقل علي طول في القربه
الصح انك تطمن ان الغطا سليم او تشتري واحد ب خمسه جنيه وتربطه كويس بحيث مايسربش مياه وبعدين تملي القربه وكل يومين تبص علي مستوي المياه في القربه والعربيه هتمشي معاك زي الفل
اما موضوع الكاربراتير انا بشك في خرطوم الهواء اتاكد انه مش مقطوع في الجزء الللي داخل علي الكاربراتير لانها حصلت معايا قبل كده وقطعت جزء منه وركبته اشتغل عادي وبطل يبطل العربيه
اما انا عندي مشكله تانيه في الكاربراتير ومش عارف حلها ان العربيه بتسحب بنزين كتير من ساعه ماوديت الكاربراتير لواحد ينضفهولي وللاسف كنت سعتها في محافظه تانيه ومش هقدر ارجعله تاني
وشكرا

[besokate]

ما رايكم

[ahmed_gamal777]

السلام عليكم
معلش أنا عارف إن إسئلتى كتير بس و الله غصب عنى, نفسى بجد أفيد زى مابستفيد, معلش لسه خواجه خالص فى العربيات
أنا كانت العربية عندى واطية شويه ( ده كلام الميكانيكى لأنها كانت بتدور و تفصل لواحدها) و قاللى محتاجه تنظيف كربراتير
المهم واحد زميلى قاللى يا عم الحاج إفتح الغطاء بتاع الشبكة اللى قدام و إنفخ فى قربة المياه جامد هتلاقى المياه القديمة خرجت و نظفت كل حاجه و بعدين حط مياه جديده من الحنفيه
المهم عملت كده بس لاقيت المياه اللى نزلت خضراء ( لونها أخضر)
أستغربت و سألت واحد قريبى قاللى شكلك عملت حاجه غلط , أنت لعبت فى الكربراتير و لا الرداتير؟؟؟ المياه الخضرا دى بفلوس مش من الحنفيه !!!!!!!
أنا خايف و عاوز رد منكم , و رفعت صورة توضح اللى عملته

http://im12.gulfup.com/2012-06-15/133977497691.jpg

يا حبيبى والا يهمك خالص كلنا بنتعلم فى الدنيا لحد ما نموت واعرف مفيش علاام فى الدنيا من غير ما تدفع (امبارح بتعلم انا وصحبى فى لوحة عربية ديجتل - التابلوة ولع واحنا شاغلين -قدر الله ما شاء فعل )

فى فرق ما بين الرداتير والكربراتير
الكربيراتير علمة بكلمة كاربون -
والرادتير -كدة باقى اسهل فى التفريق
الكر بر اتير -عملية الاحتراق (خلاط بين الهوا والبنزين -عشان نشغل العربية )
الرادتيرا -بيبرد المكنة (يدخل المياة السخنة ويخرج مياة بردة )
روح نظف الكربيراتيرا -وراقب الراجل وهو بيفك واتعلم ومرة على مرة هتفك لوحدك
مبدائيا ممكن يكون بيك السلانسية عندك مسدود(بيك السلانسية يبرجل المكنة ويخليها تبطل )
ودا بيك بسيط بيتفك بمفك عادة ويتنفخ فيها وينضف (بيسد ب البنزين ال 80)
وغير الفلتر (الفلتر عندك 2 معدلة من الى اشتريت منة العربية -قبل الطرمبة -وبعد الطرمبة )
ودا انا شفتة من الصور
والله اكبر عربية حوضها محترم ربنا يبارك ليك فيها
واى حاجة تعوذها كلنا اخوتك وتحت امرك

[Zing0]

10000000000 شكر لكل الإعضاء على ردودهم , جزاكم الله عنا خير
الأخ الغالى ahmed_gamal777 , ممكن يكون فعلاً بك السلانسيه, اللى باعهالى قاللى عليه, رغم أنه كان شغال على بنزين 92, و أكيد أنا زيه برضه علشان الأزمه اللى منغير لازمه بتاعة البنزين.
على فكرة الصورة مش لعربيتى و لا ده حوضها بس أنا شرحت عليها للتوضيح

[Zing0]

10000000000 شكر لكل الإعضاء على ردودهم , جزاكم الله عنا خير
الأخ الغالى ahmed_gamal777 , ممكن يكون فعلاً بك السلانسيه, اللى باعهالى قاللى عليه, رغم أنه كان شغال على بنزين 92, و أكيد أنا زيه برضه علشان الأزمه اللى منغير لازمه بتاعة البنزين.
على فكرة الصورة مش لعربيتى و لا ده حوضها بس أنا شرحت عليها للتوضيح

[ahmed_gamal777]

عادى جدا من فترة الى اخرة تحس العربية مخنوقة فكة ونظفة بنفسك -وغير فلتر البنزين حتس العربية فايقة

[Zing0]

بارك الله فيك و فى مالك و صحتك و أهلك و وقتك