عاوز ميكانيكى خبرة و أمين و مش حراق

[Zing0]

السلام عليكم
معلش يا جماعة, حد يعرف ميكانيكى متخصص لادا بس يكون (عن تجربة) صنايعى ثقه و أمانه و مش حرّاق, أى ميكانيكى أو حتى صبى ميكانيكى لو قلتله على العمرة هيعمل فيها إن هو اللى إخترع العربيه أساساً. بس أنا عاوز واحد محترم علشان أنا لسه جديد فى التعامل مع العربيات و الميكانيكيه و خايف يتعمل عليا شغل من واحد معندوش ضمير. و يااااااااااااااريت لو قريب من المعادى أو حلوان.
أرجو الأسم و العنوان أو رقم التليفون

[ahmed_gamal777]

ممكن اعرف اى المشكلة الاول الى عندك
ومين قللك عن موضوع العمرة
ارجوا الشرح باستفاضة

[Zing0]

المشكله أنى لسه مشترى عربية لادا 2105 من شهر تقريباً. و رحت للميكانيكى يفحصها قاللى عاوزة طقم شنبر. سيبته و رحت لميكانيكى تانى و كانت العربية بتبطل لوحدها أول ما أدورها ( يعنى و هيا لسه فى السلانسيه). المهم ضبط بيك السلانسية و غير طقم البوجيهات و طلع البوجيهات القديمة كلها عايمة فى الزيت. و بيطلع دخان أبيض لما بيزود عدد لفات الموتور, و فيه بخر زيت فى غطاء المحرك , قاللى نفس الكلام ( محتاج شنبر و شمايز و ...), و بدأت أحس إن العربية سحبها زى الزفت فى أى مطلع أو كوبرى,فقررت يا إما أفتح الموتور و أنا و نصيبى فى اللى هلاقيه جواه, يا إما أسقطلها واحد إستيراد, خاصة إن موعد الفحص شهر 11 اللى جاى, , بس المشكلة إن الإستيراد برضه ممكن يكون فيه عيوب , لذلك فوضت أمرى لله و أصبحت مضطر للعمرة..

جزاك الله خيراً يا أستاذ أحمد

[lad]

انت ساكن فين؟

[Zing0]

انت ساكن فين؟

المعادى. ليه حضرتك؟

[lada2010]

تعرف تجى لى صقرقريش وان اضبطك عند ميكانيكى كويس

[ahmed_gamal777]

المشكله أنى لسه مشترى عربية لادا 2105 من شهر تقريباً. و رحت للميكانيكى يفحصها قاللى عاوزة طقم شنبر. سيبته و رحت لميكانيكى تانى و كانت العربية بتبطل لوحدها أول ما أدورها ( يعنى و هيا لسه فى السلانسيه). المهم ضبط بيك السلانسية و غير طقم البوجيهات و طلع البوجيهات القديمة كلها عايمة فى الزيت. و بيطلع دخان أبيض لما بيزود عدد لفات الموتور, و فيه بخر زيت فى غطاء المحرك , قاللى نفس الكلام ( محتاج شنبر و شمايز و ...), و بدأت أحس إن العربية سحبها زى الزفت فى أى مطلع أو كوبرى,فقررت يا إما أفتح الموتور و أنا و نصيبى فى اللى هلاقيه جواه, يا إما أسقطلها واحد إستيراد, خاصة إن موعد الفحص شهر 11 اللى جاى, , بس المشكلة إن الإستيراد برضه ممكن يكون فيه عيوب , لذلك فوضت أمرى لله و أصبحت مضطر للعمرة..

جزاك الله خيراً يا أستاذ أحمد

قدر الله ومشاء فعلا
خليك مع الزميل الى قالك على ميكانيكى قريب ليكم انتوا الاثنين
وخلية يحل المكنة
محتاجة حاجة اكتر من طقم الشمبر
اتوكل وسقط مكنة استيراد -وانا شاء الله تكون تمام واحسن من العمرة
وخلى الميكانيكى يجبهالك احسن
ومتقلقش المكنة على التجربة
واعمل سيرش عن موضوع اسمة ازاى تجيب مكنة استيراد
غالبا هتلاقى على موقع تانى بتاع سيارات مشهور
وطمنى عليك عملت اية

[Zing0]

طيب أنا عاوز أعرف رأيكم فى حاجه, أنا كشفت عالمكنه عند ميكانيكى معرفوش و قولتله أنا مش هأعمل المكنه لا عندك و لا عند غيرك بس أنا عاوز أعرف كلام الميكانيكى بتاعى صح و لا لأ؟ يعنى فعلاً محتاجه شنبر و لا لأ؟
قاللى المكنه خفيفه بس أحسنلك تعمل العمرة فى الشتاء, عمرة الصيف مش حلوه. الكلام ده صحيح؟

- و 1000000 شكر للأخ الغالىLada2010 و إن شاء الله سأتابع معاك بالتليفون أول ما أجهز نفسى. جزاك الله كل الخير

[ibnelfared]

متابع