توبه ودي اخر نوبه :@

[hassanin_lada]

النهارده اتخبط في دماخي وقلت اروح اغسل العربيه لان ليها فتره كبيره المتور بتاعها ماتغسلش..المهم بعد ماتغسلت وبقت عروسه قضيت كام مشوار قولت بالمره عشان انشف اي ميه عليها..روحت ركنت العربيه الساعه1 الظهر..جيت اصلي العصر !! فوجئت


لا لا بجد فوجئت

لقيت المروحه لسا شغاله واللي يخنق اكتر الراجل اللي في الصيدليه يقولي هي شغاله من بدري بس احنا مش عارفين نعمل ايه؟؟ اقول ايه بس حسبي الله ونعم الوكيل..المهم فصلت الفيشه وقمت مركبه تاني قمت فوجئت مره تالته لقيت المروحه ماشتغلتش ..طبعا خد العربيه ورحت لعم سمير..قال ده الترموثتات باظ..هاتلي واحد 68 ايطالي وركبه والحمدلله اشتغلت زي الفـــــــــــــل



نصيحه: لا تقربو المشاحم

[Elawany13]

معتقدتش ان الغسيل يبوظ تريموستات المروحة

[mohammedabdallh]

الى انا اعرف بحبش اغسل المتور ابدا بميه
له فوم كدا وبيتمسح باى فوطه
اما بميه حرمت واسال مجرب

[hassanin_lada]

Elawany13 خلاص يبقي انا اللي اكلت الجبنه :D..اصل العربيه كانت سليمه ايه اللي هيبوظها غير قفلت ميه

mohammedabdallh ماهو ده اللي انا عرفته بردو بس بعد ماتلسعت

[Elawany13]

elawany13 خلاص يبقي انا اللي اكلت الجبنه :d..اصل العربيه كانت سليمه ايه اللي هيبوظها غير قفلت ميه

mohammedabdallh ماهو ده اللي انا عرفته بردو بس بعد ماتلسعت

ههههههههههه
انت مش صايم ولا ايه !!!

انا بترعب من فكرة غسيل ماتور العربية بالمياه
رغم ان التكنولوجيا عندنا بسيطة جدا فى عربياتنا
بس اخطر حاجه بيتخاف عليها من المياه هى الاسبراتير ومشط الاسبراتير
غير كده عادى

علشان كده مبروحش المشحمة إلا مرة فى السنة فى بداية دخول الصيف
علشان تتغسل من تحت كويس وتتشحم

غير كده بغسلها طول السنة بنفسى

[MEKAWY2000]

ياباشا غسيل الموتور مزاج مش بنزينه وضغط مياه
اول حاجه 2لتر بنزين وبخاخه ب1وربع جنيه وترش الموتور بالبنزين وبعد كده جردل مياه وصابون وفرشه صغيره وتمد ايدك فى كل حته بالفرشه وبعد ماتخلص تجيب شويه ميه نضاف وفوطه وتبل الفوطه وتغسل على شان تنزل الصابون وتسيب الكبوت مفتوح شويه وتدور السياره بس الجاى اهم انك كل يومين فوطه وتمشيهه على الاماكن الى توسخت حاجه بسيطه وسهله واوفر وارخص من ان مياه تيجى على علبه الفيوز او الاسبراتير الخ

[waelfarid]

محدش بيتعلم بالساهل ولا ببلاش
مقروص برضه مرة مبكية اكتر من ساعتين لما ربنا كرم ودارت تاني المازدا كان بالليل هوووف الله لا يعيدها مرة
الموتور بطينه وشغال ولا غسيل البرك

[hassanin_lada]

Elawany13 هههههه لا بفطر بعد العصر مش بستحمل


MEKAWY2000 الله ينور استاذ مكاوي بس المشكله انه كان عندي ترسيبات زيت كتير وكنت حاسس ان العربيه جالها جرب غير ان كنت عاوز اغسل العبشه والشنطه كانت زريبت بهايم بمعني الكلمه ثوم وبصل ورز وسكر علي شحم علي بنزين مكبوب ده غير جراكن الزيت وقطع الغيار القديم فاكان لازم اعمل عملية ابده للحاجات دي كلها وطبعا مش هقدر اعمل ده لوحدي عشان الصيام


waelfarid اها واللهي محدش بيتعلم بالساهل



بعد اذنك استاذ مكاوي بالنسبه لرقم الترموستات اللي هو 68 ايطالي كويس ولا ؟؟اصل عم سمير قالي انه اقل من اللي موجود في العربيه عشان اي سخونه تشتغل المروحه والتبريد هيبقي افضل..وتنصحني بايه في حكاية الميه الزرقه او الخضره وايه افضل نوع بس ياريت يكون متوفر بالنسبه ليا

[mirra]

كل مرة اغسل المكنة لازم تحصل مشكلة و اخر حاجة اكتشفت ان اندفاع مسدس المية بيسبب شرخ و كسر فى كباية زيت الدبرياج و الفرامل و دة اللى حصل معايا.

[hassanin_lada]

النهارده نزلت اوصل اخويا المحطه وانا راجع لقيت العربيه بتقطع ومش واخده بنزين ولاول مره العربيه وقفت بيا..بصيت علي البوجيهات لقيت بوجيه رقم واحد عليه ماده غريبه لونها مزرق كده حاولت انظفه بقدر الامكان بس بردو مافيش اي فايده وادي العربيه مركونه تحت وقرفان اوديها للميكانيكي :@

[MEKAWY2000]

elawany13 هههههه لا بفطر بعد العصر مش بستحمل


mekawy2000 الله ينور استاذ مكاوي بس المشكله انه كان عندي ترسيبات زيت كتير وكنت حاسس ان العربيه جالها جرب غير ان كنت عاوز اغسل العبشه والشنطه كانت زريبت بهايم بمعني الكلمه ثوم وبصل ورز وسكر علي شحم علي بنزين مكبوب ده غير جراكن الزيت وقطع الغيار القديم فاكان لازم اعمل عملية ابده للحاجات دي كلها وطبعا مش هقدر اعمل ده لوحدي عشان الصيام


waelfarid اها واللهي محدش بيتعلم بالساهل



بعد اذنك استاذ مكاوي بالنسبه لرقم الترموستات اللي هو 68 ايطالي كويس ولا ؟؟اصل عم سمير قالي انه اقل من اللي موجود في العربيه عشان اي سخونه تشتغل المروحه والتبريد هيبقي افضل..وتنصحني بايه في حكاية الميه الزرقه او الخضره وايه افضل نوع بس ياريت يكون متوفر بالنسبه ليا

ياباشا الترموستاد 68 ده يمشى شتوى لانه لو ركب فى الصيف هيشغل المروحه على طول مع ان لسه امامك 20درجه لسه على ماتوصل لل90 يبقى هلك بطاريه ومروحه وبرده هترفع درجه الحراره الى 90 يبقى الترموستاد 86/92 افضل واحد للادا
بص فى انواع كتير للمياه فى السوق منها المريكى والسعودى والمصرى الخ افضل شئ كنت بستعمله من سنتين هو شل مياه شل وكل واحد حسب اعتقاده لاكن اى مياه سوفت او مقطره ماشى من يوم ماجربت ليكو مولى والمياه بتاعتها فعلا افضل بكتير التر بيتخفف على 6لتر مياه وسعره 45 جم وبرده المياه اعتقاد زى الاسبرين انت معتقد انه بيشيل الصداع بتاخده وبيجيب نتيجه

[hassanin_lada]

الف شكر ليك استاذ مكاوي..بس اعتقد ان والعربيه ماشيه البطريه بتشحن يعني مافيش تحميل قوي علي البطريه..عموما انا كده كده مشاويري صغيره يعني بكتيره تلت ساعه

[Elawany13]

الصح فعلا يكون التريموستات يكون زى الأصلى
90 درجة الحرارة المثالية فى حرق البنزين وعندها السحب بيكون أفضل ما يكون
غير كده بيكون تحميل على البطارية والمروحة بتستهلك بسرعة لإنها شغاله على طول
وكمان الماتور بيتأثر من البرودة الزائدة بالذات لو فى الشتاء وعلى الطرق السريعة
استهلاك البنزين بيزيد

[hassanin_lada]

بدأت اقتنع..بس خلاص بقي لما نجي علي الشتاء ابقي اغيره بأذن الله

[hassanin_lada]

بعد تغير الترموثتات وطقم الكهربا اداء العربيه مش عاجبني وسحبها كمان مش حلو ومش زي الاول رجعت للمكانيكي قالي ده عشان التكيهات عاوزه تتظبط..ايه رأيكو ؟؟ اظبط ولا اعمل ايه مع المكانيكي ده ؟؟