لادا 2110 كل ما تحب معرفته عنها....

[emad_S_D]

السلام عليكم
فيه اخبار عن اللادا 110
انا بافكر اشتريها باذن الله و لو فيه حد ينصحني لوجه الله ياريت
المميزات
العيوب
قطع الغيار
الصيانه و الصنايعيه
الموديلات اللي فيها مشاكل
الفرق بين الروسي و المصري
ال 8 صباب و ال 16 صباب
و جزاكم الله خيرا

[devoelgendy]

العربيه كويسه لو معاك حد فاهم فيها وقطع الغيار موجوده فى التوفيقيه

[magic18]

يا جماعة انا ناوي اشتري 2110 بس حابب اتأكد ان قطع الغيار موجودة كامله ف اسكندريه ودي اكتر حاجه مقلقاني كمان لو حد ينصحني لو 2110 افضل ولا كالينا 2115؟

[Ahmed Tarek 00]

عريبة مقرفة ف صيانتها وقطع غيارها , وبتجيب دسك واسطوالنة ع طول

[magic18]

عريبة مقرفة ف صيانتها وقطع غيارها , وبتجيب دسك واسطوالنة ع طول

يعني رأي حضرتك ابعد عنها؟
طيب ترشحلي ايه في نفس السعر؟

[eslam ezzat]

فين يا جماعه التفاعل من ملاك العربيه
لازم نساعد بعض علشان نستفيد كلنا

[emad_S_D]

انا باضم صوتي لصوت اسلام

محتاجين نتفاعل و كل واحد يقول تجربته مع العربية

بكده هنقدر نوفر علي بعض كتيييير

ياريت التفاعل يا ساده يا كرام

[eslam ezzat]

انا حصلت عندي مشكله ف الكبالن وقررت اغيرها احسن
الهم انا من حلوان وقعدت ادور علي كبالن لادا 110 لغايه مادوخت مالاقيتش
وف الاخر العفشجي بتاعي قالي اروح لواحد بيصلح الكبالن مشهور عندنا
روحتله اول ماشاف الكوبلن عرفه وقالي ده بتاع لادا 110 وصدمني لما قالي انه مش بيتصلح ولازم يتغير المهم لما لقاني قلبت وشي قالي طبعا دورت ومش لاقيت قولتله اه طبعا لازم مشوار للتوفيقيه
ضحك وقالي عيب عليك روح هاتلي راسين كوبلن سكودا وتعالا انا استغربت ولما استفسرت جابلي كوبلن اسكودا قديم من عنده وركبه وتمام فروح اشتريت الراسين كاملين بحاجتهم التركي ب 120 الواحد وكان في صيني نضيف ب 80 جنيه وركبهم وتمام التمام
ف حبيت اشارككم الحاجه دي لعل الناس تستفيد
بعض قطع الغيار التانيه الي قابلتني
طرمبه البنزين كامله 750 المركز الروسي و850 سيد نصار
الفوانيس الاماميه 350 المركز الروسي و400 سيد نصار من غير الاشارات
خرطوم الفرامل بتاع العجل 30 المركز الروسي و40 سيد نصار
السوست الخلفيه نسيت سعرها بس انا رايح تاني دلوقتي هعرف وابقي اقولكم انشاء الله
وياريت الناس تتفاعل بقي شويه ونفيد بعض

[emad_S_D]

السلام عليكم

استاذ اسلام اخبارك ايه

عذرا كنت مسافر ولسه راجع

استكمالا للمشاركة
انا غيرت كوبلن خارجي التايواني ب 200 ج سيد نصار
حد زميلي نصحني بشراء الالماني لكني لم اجده للاسف

نصيحه ف شغل العفشه

لازم عفشجي بيفهم

الله يسامحه الاسطي محمد ابو علاء الحي 12 اكتوبر

غرمني كتيييير قوي ف العفشه غير جديد تقريبا العفشه كلها
وللاسف بيقفل غلط و مازلت اعاني

لكن باذن الله ادور علي حد ف الشرقيه ( بلبيس او الزقازيق )

ياريت لو حد يعرف عفشجي كويس يفيدنا

مع اني حاسس اننا بنكلم بعض فقط يا اسلام

ربنا ييسر الخير للجميع

مع الشكر

[عاشق البحر]

السلام عليكم ورحمة الله وبركاته
انا عايز رأيكم ضروووووورى يا جماعه دى اول مشاركه ليا ومحتاج رأيكم
معروض عليا عربيه لادا 2110 موديل 2006 روسى سودا وحالتها حلوه جداااااا وماشيه 50 الف كيلو مش محتاجه اى حاجه وصاحبها انا اعرفه كويس وواثق فيه وانا عايز اعرف كذا حاجه منكم
1- رينج السعر بتاعها يبقى كام عشان مش عايز اظلمه ولا يظلمنى ؟؟؟
2-العربيه حلوه ولا لا خصوصا ان دى اول عربيه حركبها وكمان انا مش ناوى اغيرها ناو خالص؟

[naruto]

ليه مفيش تفاعل ف الموضوع ده
ياريت كلنا اللى معاه نفس العربيه نتشارك خبراتنا ونعرف بعض عشان نفيد بعض

[q&q]

اليوم عطلت معى العربية مرة واحده ومش عاوزه تدوز
زئيتها لحد كهربائى وطلع طلمبة البنزين ضعفت
واليوم الأحد فأتصل بواحد يعرفه جبلينا واحده كورى
زى الى كانت راكبة ثمنها 125
وثمن الكشف والتركيب 100
وطبعاً كنت مطر
ومن كام يوم كانت بتنزل زيت كثير
وفى الأخر طلع حساس الزيت ضارب وبيرشح
غيارته وغسلت الموتور أمبارح تمام طلعلى عملية الطلمبة بتاعت البنزين
الحمد الله
وبكره أنشاء الله رايح للبشمهندس /محمد طلبة الميكانيكى
فى أمبابة لأن العربية بتتأخر فى الدواره
وربنا يساهل
وهكتبلكم حصل أيه معيا

[q&q]

اليوم تم ضبط الزوايا وترصيص الكاوتش الأمامى
وتم تفريغ الكوتش من الهواء
وأعادة التعبئه بلنيتروجين
وبعد التجربة على ال 130
لم أجد رعشه أو هزه
الزوايا =100
الترصيص =30
النيتروجين (للكاوتيش الواحد )=10*4 =40

[hazemsherif2000]

العربية دى فيها تكييف و لا لا ؟؟؟؟؟
و تنصحونى بيها و لا لا ؟؟؟؟؟
ناس تقولى سيبك منها علشان قطع الغيار مش موجوده ؟؟؟
انصحونى ؟؟؟ رايكم اه

[محمد رضا جاد]

انا اشتريت اليوم سياره لادا 2110
2006
مخنوق جدا جدا اقول تجربه اول يوم

اولا الفتيس
الغيار الثاني بالتحديد بغيره بصعوبه عاليه دايما بتاخد الرابع مكان الثاني

ثانيا وان بدور بتغيب مع ان البوجيهات جديده او مش عارف هيا نظامها كده ولا ايه

ثالثا روحت بيها مشوار مشيت حوالي 100 كيلو فله بصيت لقيت الماتور اتخنق وقفت شويه وبطلت ودورت تاني مكتوم دوست بنزين والحمد لله راحت الخنقه
عايز اعرف الماتور بياخد قد ايه زيت ف الغيار والفتيس قد ايه وهيا تكييف بس الكباس متشال لسه مركبتوش مافيش باور ممكن يتركبلها باور وانا من البحيره اشتريه منين وممكن اسكندريه واقول باور لادا 2110
عايز حد يفيدني بالله عليكم الفتيس بالتحديد