أذاى أعرف أن العمرة ناجحة أم فاشلة

[ibnelfared]

عايز أعرف أذاى عمرتى نجحت ولا لأ أيه هيا الأختبارات والأمور ألى بيها اتأكد من سلامة العمر سمعت من البعض قال يلف عمود الكرنك ولازم تسمع فرقعة ؟؟؟ رأيكم يا أهل الخبرة

[wsamir]

بص يا باشا انا لما عملت عمرة لعربيتى القديمة فرقت جدا فى استهلاك البنزين كمان لما كنت ادور العربية الصبح بدرى تلاقى نقط ميه نازلة من الشكمان و ده يدل على ان الموتور مظبوط و الحرق بتاع العربية تمام

[Karim Ibiza]

هيبان معاك فى السحب وصوت الموتور بس اهم حاجة تلين صح عشان يعيش معاك

[houras1010]

الزيت مبينقصش البوجيهات كلها مفيش عليها زيت مفيش دخنه بيضه او زرقا من الشكمان مفيش صوت ترزيع او خبط والعربيه دايره يبقى تمام واى حاجه تانيه غير كده يبقى ظبط من بره

[hassanin_lada]

وانت بتلين العربيه علي الواقف هتلاقيها بتجيب ميه مش الجاكمان ...دي اضمن طريقه تعرف بيها وكمان من غير ماتلعب في اي حاجه فالعربيه

[ibnelfared]

هيبان معاك فى السحب وصوت الموتور بس اهم حاجة تلين صح عشان يعيش معاك

ممكن حضرتك تفيدنى فى جزئية التليين دى يعنى تحرق وهيا واقفة كام وتمشى كام ؟ والطرق ألى هامشى عليها لازم يبقى طوالى ولا ممكن يكون فيها مطالع بسيطة لأنك عارف لازم ولابد المطالع فى شوارعنا بمصر أفيدنى أكتر أعزك الله

[ibnelfared]

حتة التعريق دى ممكن حد يفهمنى الظرية بتاعتها لأنى مش فاهمها

[wsamir]

انا بعد العمرة العربية حرقت صفيحة بنزين و هى واقفة واول 1000 كيلو مكنتش بقرص على العربية اخرى 80 و بعدين عادى

[wsamir]

العربية كانت ريجاتا و منكتش بشغل التكييف بعد الالف عادى ممكن تزود السرعة وربنا يستر طريقك

[Karim Ibiza]

ممكن حضرتك تفيدنى فى جزئية التليين دى يعنى تحرق وهيا واقفة كام وتمشى كام ؟ والطرق ألى هامشى عليها لازم يبقى طوالى ولا ممكن يكون فيها مطالع بسيطة لأنك عارف لازم ولابد المطالع فى شوارعنا بمصر أفيدنى أكتر أعزك الله

اقرأ الموضوع ده هيفيدك

http://www.nilemotors.net/Nile/126220-a.html