تكيييف لادا 2107 الروسى

[totaman]

السلام عليكم ازيكم يا شباب

طبعا كلنا بنعانى من موضوع السخونية اللى جوة الكابينه او مقصورة العربية

طبعا بعد ما اتشويت وصبرى نفد فكرت انى اركب تكييف انا جبت العربية زيرو روسى 2011

عايز اعرف اذا كان حد جرب ركبه

التكلفة كام تقريبا ؟؟؟ ( ناس رشحت التوكيل وبيقولوا بيكلف 3000 ج )

هل بعد التكيييف الفرق يستاهل انك تدفع المبلغ ده ؟؟؟

ولما يركب هل التوزيع بيبقى من فتحات التابلوه كلها ؟؟؟ زى العربيات الحديثه يعنى ؟؟

واخيرا هل بياثر على سحب العربية جامد مع العلم انى مش بتاع شد وجرى الا للضرورة لو موقف محتاج

انى اخطف بضطر اقرص علشان اعدى لا غير ...

اتمنى نتناقش فى الموضوع ده ونوصل لحل مع بعض اكيد كلنا بنعانى :)

[lad]

تكيفها مش كويس

[totaman]

تكيفها مش كويس

طيب نتفاهم ياباشا هههههههههههه

على طول كدة وش تكييفها وحش

[hassanin_lada]

هههههههه مقارنه بالعربيات التانيه مش كويس ..كان قبل كده اتفضل احد الاخوه الكرام وقال ان المشكله في تقفيل السياره يعني انت بعد ماتركب التكيف تروح عند واحد سروجي نضيف يقل العربيه من اول وجديد يعني جلد الابواب يتمم عليه صدر العربيه لانه مصدر السخونه كلها بعوزازل وبردو الببان عشان سخونة الصاج ماتدخلش الكبينه ..تقريبا التكلفه مش هتزيد عن 300 جنيه او 350 حسب الشغل اللي عندك ..بس بعد الكلام ده اه مش هيبقي زي العربيات الحديثه بس الواحد في عز الحرمابيصدق اي نسمة هوا تجيلو وبردو اشار انه في السفر يفضل انك ماتشغلهوش عشان سخونة العربيه وافضل استخدام ليه وسط البلد وكده ..بالنسبه للسحب وكده انا مش عارف بس اللي اعرفه ان التكيف بياخد حوالي 300cc من عزم العربيه ومستنين باقي الردود

[Domestix007]

أنا مركبه في المصري موديل 2008 و ماشي كويس بس مشكلته إنه بيقلل سحب العربية جامد و لو إنت ماشي في الزحمة العربية هتتعبك جامد و هترعش منك و كهربتها تنزل أوي .. بس في السريع بيبقى زي الفل معاك و لما بتشغله المراوح بتاعته متركبة على وش الرادياتير فهتلاقي أمبير الحرارة نزل معاك و دي ميزة حلوة و سيبك من اللي هيقولك بيسخن العربية و الله العظيم أنا لما عربيتي بتسخن في الحر بأشغله عشان و بينزل الأمبير جامد .. لو هتركبه ركبه في التوكيل بتاعها أو ممكن يقولولك على إسم الورشة اللي بيودوا عندها زي ما عملوا معايا هي ورشة في جسر السويس بس مش فاكر إسمها حالياً للأسف و ربنا يوفقك :)

[hassanin_lada]

طيب والتكلفه كام ؟؟ واخبار العزل معاك ايه ؟؟

[Mohamedmaree91]

طيب ممكن نعرف اسم الورشه دى فين واسمها ايه لو سمحت للضروره

[Mohamedmaree91]

ممكن تليفون حضرتك لو سمحت علشان اكلمك

[ahmed_gamal777]

كبر دماغك من موضوع التكيف - وخليك فاكر انى قولتك بلاش - من فيلم محمد هنيدى - فول الصين العظيم

[Domestix007]

طيب والتكلفه كام ؟؟ واخبار العزل معاك ايه ؟؟

كان بحوالي 3500 مش فاكر بالظبط أوي لأني مركبه من سنتين و العزل مغيرتش فيه أي حاجة سايبه عالفابريكة بتاعته و شغال كويس

[Domestix007]

طيب ممكن نعرف اسم الورشه دى فين واسمها ايه لو سمحت للضروره

مش فاكر والله للأسف إسم الورشة .. هأقلب في الورق عندي جايز ألاقي الفاتورة ولا حاجة .. لو لقيت الإسم أو إفتكرته هأقولكم .. عموماً ممكن تسألوا في التوكيل و هما هيدلوكم عليها .. هي في جسر السويس و لو سيبت العربية للتوكيل كل اللي بيعملوه إنهم بيودوا العربية الورشة دي تركب التكييف و يرجعوهالك تاني .. فالأحسن إنك تروح الورشة من نفسك على طول

[MEKAWY2000]

التكييف انت ونصيبك انا مركبه اول ماجبت السياره فى2007 وفعلا قابلنى مشاكل بس التحدى عندى سهل كنت بعانى من دخول الحراره فى الكابينه بس الحمد الله ربنا وفقنى وعزلت السياره صح كلفتنى 150جم بس والتكييف لما بيشتغل بينزل حراره الموتور فعلا وشغله فى وسط البلد احلى من السريع كمان واهم شئ الفنى الى بيركبه يكون كويس وتركب كباس يبانى واكسبنشن يبانى ومروحه 3000 لفه 25 سم على السربنتينه وان شاء الله خير انا بقى عندى التكييف تلاجه وكويس وبيحقق نتيجه حتى لو السياره واقفه فى الشمس 4سعات بعد 5 دقائق بيبرد السياره اتكل على الله ومتنساش ان الشتا داخل وممكن تركبه ارخص على شهر 10 وممكن تعمل تجربه واحد معرفه اشترى الحاجات مستعمله من عند سوسو فى فيصل وفضل يبدل معاه كلفه 1750 وشغال معاه كويس