عاوز كوتش اعيد بيه

[hassanin_lada]

كل سنه والمنتدي وحضراتكم بخير

بفكر اغير فردين كوتش اللي قدام عشان جابو اخرهم ومنه اعيد علي مونيكا

اعرفكو بمونيكا لادا 2107 مود 2006

فاقولت عليا وعلي نايل موتورز هما اللي هيسعدوني اني اختار احسن نوع ويكون المعقول ولا غالي خالص ولا رخيص عشان اعرف اعيد انا كمان

المقاس 13 /70/175 ولو في اعرض من كده يبقي افضل وياريت كمان الاسعار

[El Prince]

متابع معاك

[drmagieed]

جي تي إندونيسي بس يفضل ما يكونش سرعات

[hassanin_lada]

ده عامل كام ؟


ومتابع باقي الاعضاء

[drmagieed]

تقريبا في رينج من 300-350

[hassanin_lada]

الاسعار غلية تاني ولا ايه ؟؟

انا من شهرين جبت برجستون ب 300 للفرده

وبعدين ماهو مش عشان اعيد علي مونيكا يتنكد عليا انا ومعيدش ..انا عاوز حاجه في حدود 250/270

[yoyo2015]

ارجوك لو لقيت حاجة انا بردوا محتاج فردتين متنسنيييييييييييييييييييييييييييييييش
بصراحة انا تهت فى الاسماء الكتييييير والانواع استقر على نوع وقولى علية ومش هكلم فية انا بردوا ابو زمل لادا بس 2105
وبالتوفيق بأذن الله
وكل سنة وحضرتك طيب

[hassanin_lada]

وانت طيب ياباشا حاضر بأذن الله .. وانا بردو بفكر في طقم كوتش بجنوط اسبور مستعملين

واللي فيه الخير يقدمو ربنا بس الفكره ان معظم الانواع كويسه بس المشكله في النقشه يعني عاوز ثبات علي ارض ناشفه او في الميه ..الصوت .. النعومه

ياريت اللي دخل يقول علي افضل حاجه بالنسبه لاراضي مصر الناشفه مش مبلله لاني من الصعيد ومفيش مطره عندنا

[MEKAWY2000]

والله ياجماعه من كتره انواع الكاوتش الى تعدت انواع السمنا الواحد مش عارف يستعمل ايه بس انا مركز مع نوع واحد تركى اسمه لاسا من ساعه ماجبته وانا مطلق البريد جستون والكل بيشكر فيه مش انا بس وسعره فى مصر والقاهره بالذات 350 لاكن انا بنزل اجيبه من عند واحد حبيبى من الشرقيه 300 مانا شرقاوى وبحب انفعه ويرحنى فى السعر هههههه

[hassanin_lada]

ازاي !! انا لسا جايب برجستون لدايو لانوس ب 320 جنيه يعني برجستون بيبقي اغلي من الباقي بكتير

[Mohamedmaree91]

هات ديستون تايلاندى وبيشكروا فيه وسعره 270 جنيه

[ahmed_gamal777]

والله ياجماعه من كتره انواع الكاوتش الى تعدت انواع السمنا الواحد مش عارف يستعمل ايه بس انا مركز مع نوع واحد تركى اسمه لاسا من ساعه ماجبته وانا مطلق البريد جستون والكل بيشكر فيه مش انا بس وسعره فى مصر والقاهره بالذات 350 لاكن انا بنزل اجيبه من عند واحد حبيبى من الشرقيه 300 مانا شرقاوى وبحب انفعه ويرحنى فى السعر هههههه

الاسا محترم جدا -على قديموا يا ابو حمادة

انا شايف الماكسس برضة كويس - والبريللى بينزل مع العربية من التوكيل والاتنين محترمين
متابع
ولو حدا عايز يعيد على مريم -ب - 4 فرد كوتش 14 يبقى صحبى وكفاءة
مريم دا الجديد
الله يرحمك يا سوسن -الادا القديم
وحشتينا يا غالية -يالا كنت مقاربنا دايما لمنتدى

[hassanin_lada]

وحشني يا أستاذ احمد جمال كده تقطع بينا بردو :d ده ملاك الادا غلابه بردو

ماكسس محترمه فعلا وسعرها حنين بردو