النور العالى عندى ما بينورش

[ibnelfared]

عندى لادا 2107 روحت عملتلها عمرة لكن من ساعه ما أخدتها النور العالى فاصل لكن لما بدوس على دراع النور بسمه تكة الكتاوت لكن ما فيش نور ؟
ممكن تقولولى أذاى أفحص المشكلة لأنى روحت لكذا واحد تنور وبعدين تطفى ؟

[hassanin_lada]

شوف هو بيعمل ايه وبعدها تحدد المشكله فين !!

يعني في علبة الفيوزات ولا في اللمبه ولا سلك مهزوز ولا ايه بالظبط وانشألله خير

اهم حاجه بس تقولينا ايه انطباعك عن العربيه بعد مالينتها وربنا يكفيك شرها

[ibnelfared]

شوف هو بيعمل ايه وبعدها تحدد المشكله فين !!

يعني في علبة الفيوزات ولا في اللمبه ولا سلك مهزوز ولا ايه بالظبط وانشألله خير

اهم حاجه بس تقولينا ايه انطباعك عن العربيه بعد مالينتها وربنا يكفيك شرها

ما فيش غير أنى بسمع تكة الكتاوت وما فيش نور نهائى خارج بس والكتاوت دة فى عليه الفيوزات

[hassanin_lada]

انت مش بتقول الكهربائي بيصلحه ويرجع يفصل تاني ؟؟بيعمل ايه هو بقي ؟؟


لا الكتوت ده بعيد عن العلبه

[besokate]

احتمال كبير العيب في كتاوت النور ديه هيا اللي بتعمل التكه اللي بتسمعها ممكن تفكها عادي وتشوف فيه حاجه مكسورة من جوة والجزء اللي بيتك ده ساعات بيبقي عاوز يتصنفر بصنفرة بس
احتمال تاني يكون فيوز عاوز يتغير مش اكتر وده بردة احتمال وارد

[MEKAWY2000]

راجع الكات اوت بتاع التور فى علبه الفيوز وده تالت واحد من على اليمين او ممكن تحدده عن طريق غطاء علبه الفيوز اوعن طريق صوته وانت بتوصل

[hassanmm]

نفس المشكلة كانت عندى فى لادا سمارا وغيرت كتاوت النور العالى وتم حل المشكلة . ولما فكيت الكتاوت العاطل وجدت الريشه الداخليه مكسورة .