سعر ماتولا لادا استيراد

[joseph661]

يا جماعة انا كنت عايز سعر ماتور لادا استيراد بكام بالفتيس وبدون ؟؟

واية احسن مكان اجيبه منه ويارييت لو فيه ارقام اكلمهم بخصوص الموتور وهل هو هيبقى كويس ولا لا ؟؟

وشكراً جدا بجد

[tom_gr]

انا لسه ساله عليه فى اسكندرية
1500 سير 3300
1500 كاتينه 2900

نصيحتى لو ماعندكش ميكانيكى تثق فيه وبتتعامل معاه من زماااااااااااان مالكش دعوة بالاستيراد لانه التجار منهم لله بياخدوا الخليع بتاع التكسيات ويبعوه على انه استيراد - وبيجيبوا مواتير استيراد فعلا من بره انما بتكون ميته فا بيكون انت وحظك

اعمل عمره كاملة احسن

[lad]

هجبلك نمرة واحد من عزبة شلبى

[MEKAWY2000]

hulg اعمل عمره على ايدك احسن من الاستيراد فى الوقت الحالى لان ممكن تشترى الاستيراد وبعد6 شهور يفتح عليك شغل كتير يبقى العمره احسن ومش مكلفه فى حوالى 2000 لما تكون عمره صح وكل شئ جديد وتبقى عارف عربيتك فيها ايه انما اشترى موتور 2500او3000 وييجى بعدكده اصرف عليه حتى 1000 يبقى بتاجر فى الخساره اشترى موتور لو فى حاجه كبيره لا قدر الله

[asaeed]

كلام الأخوة صحيح 100%... دلوأتي العمرة أحسن بكتييير بس يكون الميكانيكي عنده ضميييير... والأهم من الميكانيكي الخراط.... والمثل بيقول العمرة 75% منها خراط... والميكانيكي 25%... لأنه بيقفل ويظبط الشغل

[MEKAWY2000]

تمام الكلام العمره افضل بكتير

[velkouf]

ممكن تاخد معاك ميكانيكى كويس يكشف على الموتور و يدور على الارض ويقدر يعرف حالتة من البوجيهات أو العادم و السعر حوالى 2000 بعد الفصال فى عزبة شلبى بس تكون واثق من الميكانيكى وسيبة يتكلم فى السعر
انا كنت شارى موتور بالفتيس فى العربية القديمة ومغيرتش طقم الكهربا ولا فتحت الموتور لحد مابعت العربية
بس خلى بالك اللعبة هناك انة ممكن يبيعلك موتور 1200cc ويقولك دة 1500cc ويكتب اللى هو عاوزة فى الافراج الجمركى اهم حاجة رقم الموتور
الموتور ال 1200 بيبقى مكتوب علية 2105 او 2101
و الموتور ال 1300 كاتينة كاوتش
و الموتور 1500 مكتوب علية 2106
و الموتور 1600 البلوك بتاعة ازرق
الكلام دة عرفتة من التجار بعد ما اشتريت
ياريت لو حد عندة معلومات اكتر او صور للمواتير يفيدنا