أيهما أفضل البيض الألمانى ولا البلغارى

[MEKAWY2000]

متابع

[ibnelfared]

متابع

ماشى يا أستاذ مكاوى بقيت تبخل علينا بمعلوماتكك وخبرتك وردجودك كلها على المواضيع متابع يارب ما أكونش عملت حاجة أو صدر منى شىء زعلك منى كدة .
كل سنة وأنت طيب

[mirra]

[QUOTE=ibnelfared;3874486953]

طيب ممكن أذا سمحتلى تقلى عن تجربة حصل معاك منة أيه بعد تأكيدك نعومة الدريكسيون ؟
وهل أطلب منة الأربع بيضات ألى تحت ولا مش هايرضى ؟ وأعرفهم أذاى أنهم ألى بيركبوا تحت

بص يا باشا...طبعا انت حتحس بفرق كبير فى نعومة الدريكسيون بس مش حتكون زى البور يعنى....اما بالنسبة لموضوع البيض التحتانى خد رأى العفشجى اللى حيركبة اما البياع فمعندوش مانع انة يبيع الطقم كلة تحتانى و لعلة خير ان شاء اللة.

[ahmed_gamal777]

بيض تحت اية الى بتسال علية
البيض الى فوق بيلف يمين وشمال بس
والى تحت بيلف بطريقة محورية
ممكن الى تحت يركب فوق
ولكن الى فوق استحالة يركب تحت
الى تحت بيملص عشان الحركة دائرية - الى فوق لا عشان الحركة فى اتجهاين فقط
وخلى باللك البيضة مش هتملص لوحدة من غير انذار - هتتيدك صوت طقة - وبعد كدة تقل فى الدريكسيون - وساعات كمان عضة فى ناحية لف الدريكسيون يمين او شمال
هات طقم بيض تركى من الاخر وركبة - وبعد فترة لا قدر الله واستخدام غير جيد لسيارة وخاصة فى المطبات
فك الى تحت لو كان تعبان - او لو بتغيرهما خوفا من الملص فى اى وقت - وكمان معاكش فلوس الطقم كامل
وركبهما فوق - لحد مايكون معاك فلوس
انا ذكرت البيض الى تحت - عشان اوضح الملص - مش عشان تقلق
يبقى تجيب طقم - وتركبة - وتدعيلى
وبعد كدة بفترة كبيرة ( توفيق ربنا قبل كل شءى - وبعد ذللك محافظتك على العربية ) واحتاجتجت بيض او 2 هاتهم فردانى تحت مسالنا - وتتعامل - ومتقالش من حاجة - والله الموفق

[abokoko]

عليك وعلي اليوغسلافي

سعره كام حاليا
وهو بمشحمه ولا من غير مشحمه
لانى بفضل اللى من غير مشحمه رغم ان عمره اقل - بس بشترى دماغى

[samehamer84]

أنها ردة نزلت التوفيقية عشان أشترى بيض لعفشة اللادا ولاقيت الأتى :

بيض ألمانى 210 .
بيض بلغارى ب 200 .
بيض تركى 165.
بيض روسى 165.
بيض أيطالى 185.
بيض يوغلافى 145.
دى أسعار المحلات ألى مكتوب عليها قطع غيار لادا .

فى محل الكيلانى البيض ألمانى فقط ب 245 جنية فقط أسمة مانى .
فى توكيل ريجاتا وفيات لاقيت البيض الأيطالى ومدح فيه جدا جدا ب 185 .
فى محلات أخرى وزباينها كتيير جدا لاقيت :-
البيض الروسى 120.
البيض البلغارى 185 .
البيض الأوربى ب 145.

المصبة أن كل واحد بيمدح فى الخامات ألى عندة وبيشكك فى الماركات التانية يعنى زى أن الألمانى مش أصلى ؟ والبلغارى مش أصلى وهكذا .

أيه رأى حضراتكم لأ ن عندى اللبيض عايز يتغير والعربية لاقيت فيها حاجة أنى من بعد ما أخدتها من عند الميكانيكى بعد اللعمرة بتحدف شمال والدريكسيون بتقل ناحية اليمين .
لولا قيت العلاية اليمن مقطوعه ؟
أيه رأيكم فى كل الكلام دة وهل فرق الأسعار يستاهل لأن الصنايعى عايز يجيب روسى أستيراد وأنا رافض المستعمل فى العفشة .

البيض التركى انا مركبه امن

[abokoko]

التركى انواع
وفى منه بمشاحم وفى من غير مشاحم
حضرتك ركبت اى نوع وبكام

[besokate]

التركى كويس

معلش سؤال هو الطقم اللي ب ٢٠٠ ده شامل الاربع بيضات

[abokoko]

الطقم دايما بيتقال على ال 4 بيضات
ولاحظ ان ال4 مقسومين 2 و 2
2علوى
2 سفلى
والسفلي هما الاهم

[mohammed dodda]

ابعد عن الروسى الاستيراد - و مع العلم ان الاستيراد لا يذيد عن 15 ج لبيضة
تسمع نصيحة منى - ومستغربش - هات التركى - وسعر مش هيتعدى 140 ج
ايوة 140 ج -دى اسعار من حوالى 6 اشهر
دا اخر طقم بيض جبتة وكان محترم جدا
خاصة انة كدة كدة تركى -يعنى مش هيكون مضروب
وخاصة ان الالمانى اخر مرة اشتراة جارى من سنة - كان ب 275 ج -من شبرا
التركى حلو - وحافظ علية هيعيش معاك
الدريكسيون بيحدف شمال - اظبط زوايا
بيعض يمين - ممكن يكون بيض-
العالية - المقطوعة غيرها وانت بتغير البيض - ب 5 ج
الواحدة
ودا رائى وكل واحد حرة فى رائية - وهتسمع كتير - ولكن انا نقلت ليك التجربة بامانة
على فكرة ان جربت -الاستيراد - والروسى -والبلغارى- والتركى -وكلة سواسية
التركى اكتر حاجة عاشت معايا
وان ازنقت -بتباع بالواحدة -اهم حاجة البيض الى تحت -هو الى بينطر
وربنا يوافك

....على فكرة انت كلامك مظبوط100 % والتركى من الاخر فعلا بس استفسار بسيط: التركى بيتزل بمشحمة(مسمار مربوط عالبيضة لتشحيمها من جوه) ولا لأ؟؟؟ طيب انهى الافضل اللى بمشحمة ولا اللى من غيرها ؟؟؟

[hassanin_lada]

....على فكرة انت كلامك مظبوط100 % والتركى من الاخر فعلا بس استفسار بسيط: التركى بيتزل بمشحمة(مسمار مربوط عالبيضة لتشحيمها من جوه) ولا لأ؟؟؟ طيب انهى الافضل اللى بمشحمة ولا اللى من غيرها ؟؟؟

خليك في اللي من غير مشاحم

[ahmed_gamal777]

التركى مبينزلش بمشحمة وملهاش لازم شحم بلدة احسن

[nossir]

انا رأى البيض البلدى كويس هههههههه
بهذر معاكم اوعو حد يزعل انا اصلا معرفش اية البيض دة اصلا