هتجنن بجد و محتار جامد ساعدونى

[manuel_jose]

دلوقتى يا جماعه انا عايز اجيب عربية لادا 2107 زيرو بس للاسف كل ماخش منتدى او سايت الاقى الناس كلها بتسب وتلعن فى اللادا حتى اللى معاهم العربية ذات نفسهم فخوفت جدا مع انى بشوفها منتشرة جدا فى عربيات الجيش والتاكسيات مش عارف بس من كتر مالناس بتشتم فيها خوفت فا تنصحونى اجيبها ولا لا ولو مجبهاش اجيب ايه فتمنها زيرو يعنى العربية اللى تساوى تمنها وتنصحونى بيها وشكرا

[khaledamin]

لو مصمم اشترى الصناعة الروسى و ليس المصرى .

[aboomar22]

بص فى الاخر دا قرار حضرتك بس انا راىء ابعد عن اللادا ليه من راىء شكلها قديم ومفيش اى لمسات جمال الصالون فقر جدا والطابلوه كانه بتاع عربية فى السبعينات صوت الموتور عالى متحسش انك راكب عربية جديدة التكييف ضعيف والباور سيىء مميزاتها رخيصة السعر قطع غيار رخيصة جدا كل الناس بتشتغل فيها وفى الاخر جرب اركب تاكسى لادا روح بيه مشوار وجرب تركب تاكسى byd او فيرنا وروح بيهم مشوار وشوف الفرق كده

[manuel_jose]

شكرا على ردكم طبعا لا انا مش مصمم والله ولا حاجه بس على اد اللى معايا وبالنسبة لابو عمر انا اقتنعت بكلامك وشايف انه صح بس الفكرة اجيب ايه طيب غير اللادا الزيرو تكون مستعمله وفنفس السعر ده وتكون حاجه نضيفة

[exact]

اللي معاك ده يجيب لك لانوس كويسة جدل

[aboomar22]

لانوس - فيرنا -نوبيرا

[ahmdmagdy]

انا لو مكانك و عاوز اشتري زيرو عمري ما هفكر في اللادا هي عربيه حلو علي قد سعرها و الحمدلله ماشيه معايه زي الفل بس في الصيف بتبقي سونا

[lad]

لالالالالالالالالالالالالالالالالالالالا

[manuel_jose]

طيب بما انك يا ابو عمر اقنعتنى وانا صرفت نظر عن اللادا وطبعا بقية الاعضاء مشكورين اقتنعت بكلامهم بس دلوقتى انهو احسن فى التلاته اللى قولت عليهم لانوس ولا فيرنا ولا نوبيرا وتكون برده اقتصادية فى البنزين يعنى ايه مميزاتهم وعيوبهم مع العلم ملحوظة بسيطه مش بطيق شكل اللانوس دى لله فى لله معرفش شكلها مفيش بينى وبينه عمار بس هتعبك معايا شوية مقارنات بسيطه بين التلاته وانهو احسن فى وجهه نظرك

[aboomar22]

الفيرنا :عربية عملية 1600 سى سى موتور قوى وسحبه سريع قطع غيار رخيصة ومتوفرة كل الناس شغالة فيها تكييف قوى سهلة قوى فى اعادة البيع العيوب اسمع انى الفرامل ضعيفة بعض الشيىء لكن لما ركبتها كانت كويسة بالنسبة ليه -العزل بتاعها مش قد كده يعنى وانت مقفل العربية بتسمع صوت الشارع (فى المجمل عربية جيدة ومناسبة )
اللانوس :مش هتختلف عن الفيرنا كتير بس موتور الفيرنا سحبه احسن وتكيفها اقوى
النوبيرا :عربية اوسع من الاثنين وقطع غيار رخيصة ومتوفرة قد يكون استهلاك البنزين اعلى والعفشة يقال انها بتحتاج تغير مقصات اسرع ولكن لو بتغير لنوع مقصات اظن اسبانى بتبقى كويسة وبيقولوا ان المانيوال احسن من الاتوماتيك
عموما هى اذواق يعنى انا بحب شكل النوبيرا -واحب اداء الفيرنا
وبص ادخل اقسام الدايو والهيونداى هات معلومات اكثر واكيد هتلاقى كل اللى انت عايزة

[manuel_jose]

تسلم يا باشا على معلوماتك يبقى انا دلوقتى هقارن بين الفيرنا والنوبيرا لان اللانوس بره حساباتى بس انا سمعت ان الفيرنا سفاحة بنزين هل ده حقيقى ولا لا بتاكل فعلا بنزين كتير ولا اللى سمعته ده مش صح وعموما متشكر على نصيحتك وخلاص المقارنة هتنحصر بين الاتنين دول

[Hobgoblin]

Verna