هل هناك طريقة لأختبار البطارية الجافة

[ibnelfared]

عندى لما بشغل النور الأمامى سواء العالى أو الواطى أو لما بدوس على المفتاح يضعف النور بس ما ينورش اللمبة .
وتنور لما أطفى المفتاح وأمشى بالعربية شوية وبعدها تنور معايا زى الفل لو طفتها ما تنورش تانى ؟
الأول عايز أعرف دة عطل أيه ؟
الثانى أنا لو معلومة أو حاجة ليا أذاى أختبر البطارية وأعرف أنها جيدة ما فيهاش مشاكل.
وشكرا ليكم جدا لأنكم بتساعدونى المساعدات دى كلها جزاكم الله كل خير

[MohammedAladel]

تقيسها بالأفوميتر أو تشوف حد بتاع بطارايات وأنا متاااااابع

[limo81]

تقيسها بالأفوميتر أو تشوف حد بتاع بطارايات وأنا متاااااابع

أو

يوجد أنواع من البطاريات الجافه بيكون فيها مؤشر لجوده البطاريه condtion gauge
وهى عباره عن دائره شفافه بداخلها لون يدل على حاله البطاريه مثلاً أخضر= جيده , أسود= أعاده الشحن ,
أبيض= تغيير البطاريه
انا كان عندى بطاريه جافه نوعها AC DELCO كان فيها كده ........مش عارف عندك ايه؟؟

[abokoko]

بتاع البطاريات عمل التالى
العربيه مش شغاله
ينور جميع الانوار والاشارات وكل شيئ يشتغل على البطارية
ينتظر فتره ( 10 دقايق مثلا )
لو اشاره البطارية ادت ابيض = البطارية عايزه تتغير
لو اشاره البطارية ادت اسود = البطارية عايزة شحن

[SGH]

تتقاس بالافو لو اقل من 15 يتم تغييرها

[MohammedAladel]

أو

يوجد أنواع من البطاريات الجافه بيكون فيها مؤشر لجوده البطاريه condtion gauge
وهى عباره عن دائره شفافه بداخلها لون يدل على حاله البطاريه مثلاً أخضر= جيده , أسود= أعاده الشحن ,
أبيض= تغيير البطاريه
انا كان عندى بطاريه جافه نوعها ac delco كان فيها كده ........مش عارف عندك ايه؟؟

دى غالبا موجودة فى كل البطاريات الجافة

[ibnelfared]

أو

يوجد أنواع من البطاريات الجافه بيكون فيها مؤشر لجوده البطاريه condtion gauge
وهى عباره عن دائره شفافه بداخلها لون يدل على حاله البطاريه مثلاً أخضر= جيده , أسود= أعاده الشحن ,
أبيض= تغيير البطاريه
انا كان عندى بطاريه جافه نوعها ac delco كان فيها كده ........مش عارف عندك ايه؟؟

هيا فعلا البطارية دى عندى وبصيت فى العدسة مالاقيتش نور خالص ممكن حضرتك توضحلى أكتر معلش

[ahmed_gamal777]

مش نور علامة بالون محدد - اخضر - ابيض- اسود وغالبا هتلاقى الكرم دا على كتالوج البطارية

[El Prince]

علامة بلون معين يا عزيزى و ليس نو او اضائه هاتلاقيها على و ش البطارية بس انت نضف وش البطارية كويس هاتلاقى العدسة الشفافه دى و ليها لون زى ما الاخوة قالولك

[ibnelfared]

تسلموا شباب

[hassanin_lada]

طب انا لما اشغل كل الانوار لمدة 10 دقايق مانا هفضي البطريه

انت بتروح لبتاع البطريات وبيركب جهاز علي البطريه وبتشغل العربيه وبتزود لو العربيه مابين 11 الي 14 لما بتزود يبقي كده كله تمام لو عدة ال 15 يبقي في مشكله في الدنمو وكده الشحن زايد وخطر علي البطريه لو اقل يبقي البطريه عاوزه تتشحن او تطلع بيها علي طريق سريع تعملها مشوار محترم

[MEKAWY2000]

فضلت عندى البطاريه 3سنين المبه سودا لاكن ماشيه وبدور الصبح والنور عادى المشكله كده بتقول فى حاجه غلط عندك فى الشحن او دايره الكهرباء لو البطاريه بدور معاك الصبح عادى يبقى الشحن كويس والبطاريه كويسه ودى مشكله فى دايره النور او المفتاح راجع الكهربائى فى الموضوع

[m_adeleid]

تتقاس بالافو لو اقل من 15 يتم تغييرها

اختلف مع سيادتك
15 كتير قوي
احنا بنقيس البطاريه لوحدها و هيا 12 فولت اصلا
في كتالوج الصيانه عندي بيقول انك تقيس البطاريه بالافو ولحد 12.4 فولت تبقي كده 10/10
اقل من كده تبقي عاوزه شحن
ولو علطول بتبقي اقل تبقي عاوزه تغيير

[MohammedAladel]

والعربية دايرة أكيد يختلف الأمر لأن البطارية لو 12 فولت لازم عشان تشحن يدخلها شحن أعلى من 12 فولت

[عكشا]

متابع