فتح السيارة بسهوله وسرق الكاسيت

[bassoma]

الحمد لله على كل حال .
بس ازاى يفتح العربيه بالسهوله دى وما فيش خربوش فى الطبله واخد الكاسيت ونسى ياخد الريموت وبهدل التابلوه مكان الكاسيت ووكسر حروف مدخل الكاسيت ... وللاسف مش مركب انذار المهم

ايه الحل فى طبله الباب هل فى طبله فى السوق صعب فتحها ثانيا اعمل ايه فى مكان الكاسيت اللى باظ

اشكركم على المتابعه بس اللى عنده معلومات تفيد بخصوص هذا الموضوع يا ريت يفيدنا بها واشكركم ؟؟؟

[akmm]

لاإلله إلاالله ..... وحسبنا الله ونعم الوكيل .

[exact]

هو اساسا ميكونش فتحها من الكالون
هم بيجيبوا سلك صلب زي اللي موحود في مساحات العربية وبيبقى تاني طرفه
وبيوارب الباب بمفك كبير ويشد السقاطة ودور في قوايم وحروف الابواب غالبا هتلاقي أثرها وقد لا تجد أثر لأن الموقف ده حصل معانا قبل كده في لادا نسينا المفتاح جوه وجه فتحها ولا كأنه بيفتحها بمفتاحها

[Ahmed_selmy]

قدر الله وما شاء فعل.

[ahmed_gamal777]

عليك وعلى جهاز الانذار بيتباع الولف بى 145 ج جديد بالضمان- فى الحرفين عند محل ايسمة نوفا لقطع الغيار
وتوكيل ولف فى سوق القنال بجسر السويس - وطمنى عليك

[bassoma]

اشكركم جميعا على الردود والاهتمام

بس بجد هل الباب بيتفتح بسهوله من الطبله غيرالطريقة اللى قال عليها السيد exact
وان شاء الله هركب سنتر وانذار .... لو فى ماركه حلوه عرفونى ومنين ..... فى الاسكندرية

[Ahmed_BYD_F0]

بسم الله الرحمن الرحيم

قدر الله وما شاء فعل

لكن بالنسبة لجهاز الانذار ما اضنش ينفع معايا عشان انا بركن عربيتى فى جراج فى الشارع اللى قبلى ومش حسمع الانذار

يا ترى فى جهاز انذار يبلغنى وانا بعيد عن العربية المسافة الكبيرة دى

[mirra]

لا حول و لا قوة الا باللة....انا كمان لسة غطا عربيتى مسروق.الانذار حيفيدك لانة حيخلى الحرامى يفكر الف مرة قبل ما يفتح العربية و لو ان ولاد التييت دول مش بتغلب معاهم حاجة.

[bassoma]

فكرة والله بس فيييييييييييييييييييين ؟؟؟؟

[Elawany13]

بسم الله الرحمن الرحيم

قدر الله وما شاء فعل

لكن بالنسبة لجهاز الانذار ما اضنش ينفع معايا عشان انا بركن عربيتى فى جراج فى الشارع اللى قبلى ومش حسمع الانذار

يا ترى فى جهاز انذار يبلغنى وانا بعيد عن العربية المسافة الكبيرة دى

فيه طبعا

http://www.nilemotors.net/Nile/236015-a.html

[MEKAWY2000]

ربنا يعوض عليك