تربيط العفشه

[ahmdmagdy]

السلام عليكم
كنت عاوز اعرف امتي اروح اربط علي عفشه العربيه يعني ايه اللي بيحصل يخليني اروح لبتاع العفشه يربطها

كمان فيه استفسار الغيار الاولاني ساعات كتير بيعلق معايا بضطر اطلع ع التاني يا تري ايه السبب

وياريت ايه اللي عنده معلومات يشارك بيها و شكرا لكم

[mirra]

تربيط العفشة يستحسن انة يكون بشكل دورى يعنى فى المتوسط كل 3 شهور و دة احسن حاجة.

[hassanin_lada]

الغيار الاول ممكن يكون مسمار الفتيس بيتظبط من تحت بواسطة الميكانيكي طبعا .. لو ماتظبتش جهزلك قرشين حلوين

[ahmdmagdy]

الغيار الاول ممكن يكون مسمار الفتيس بيتظبط من تحت بواسطة الميكانيكي طبعا .. لو ماتظبتش جهزلك قرشين حلوين

ايه مسمار الفتيس ده بيعمل ايه

[hassanin_lada]

بص عشان ماكدبش عليه انا ماعرفش بس انا دايما لما بيبقي الفتيس بيعمل معايا كده اروح للميكانيكي يقولي ده المسمار غالبا كل غيار ليه مسمار بيتظبط منه و الله اعلم

[tifa55555]

يمكن مسمار الرجلاش بتاع الدبرياش
يعنى الدبرياش عاوز يوطى شويه
ولكن الافضل ان الغيار يكون فيه عضه خفيفه كده مش ييجى بسهوله علشان تحافظ على الاسطوانه
يعنى ما تقلقش من الحكايه دى
والله اعلم

[hassanin_lada]

لا مش تعلي الدبرياش ده بيتظبط تحت الفتيس مش في الحوض

[abokoko]

انا عندى المرشدير ( الخلفى ) اللى هو سوسته احيانا مش بيجي معايا ابدا
فبضطر امور وبعدين اجيب الاول وبعد كده بيقبله
ومعرفش السبب
بس اتعودت على كده

[hassanin_lada]

اقولك انا تعمل ايه بس ماتقولش لحد .. يوم مايعقل معاك المارشدير تديها الخامس وترجع طوال زي مابتدي التالت وبعدين الرابع هتلاقيه جه معاك زي الحلاوة وادعيلي

[abokoko]

اقولك انا تعمل ايه بس ماتقولش لحد .. يوم مايعقل معاك المارشدير تديها الخامس وترجع طوال زي مابتدي التالت وبعدين الرابع هتلاقيه جه معاك زي الحلاوة وادعيلي

هجرب وادعي لك يا باشا
بس ده معناه انه حاجة عادية وموجوده فى فتيس ال لادا
؟؟-- ولا عندى وعندك وبس

[hassanin_lada]

لا موجوده في كل الادا حتي موديل 2010 .. بصراحه كده انا مش عارف ومش لاقي اي ميزه في الادا بكونها منتشره في مصر اللي يقولك متانتها وقوة تحملها .. انا عندي البلونيز الف مره احسن من الادا قطع غيار رخيصه وناعمه فالسحب وصوتها هادي وعبشتها متينها اقله مش بتملص ولا بتسخن

[MEKAWY2000]

تربيط العفشه مهم جدا على الاقل 3مرات او 4مرات فى السنه بالنسبه للادا اما بالنسبه للغيار الاول راجع ضبط الدبرياج عند الميكانيكى وده مهم على شان متحملشى على الاسطوانه والدسك