هل ليها حل !!

[hassanin_lada]

دلوقت من كام يوم كنت ببص تحت العربيه لقيت فوق الكرونه زيت علي الصاج نفسه .. ركت للميكانيكي قالي ده ظرف الكرونه ( اوسي كرونه ) قلتلها ماحنا لسا مغيرينه من شهرين قالي هو كده كل اللي في السوق بايظ وبردو هنغيرو وهيبوظ تاني وقالي انه مالهوش حل غير انك كل فتره تبص تحت العربيه عشان لو في زيت تيجي نغيره

دلوقت هل كلام الميكانيكي ده صح ولا ايه ؟ وياريت الحل لو سمحتم واكون شاكر ليكم

[elnakshabandy]

لا طبعا شوف ايل سيل كويس والاحسن تسأل على ميكا نيكى كويس

[ahmed_gamal777]

دا عيب خطير جدا موجود من زمان فى الادا والشاهين - وملوش حل الا متابعة الزيت فى بطن العربية
و لا قدر الله لو ضرب والزيت اتصفى - علية العوض فى الكرونة- فى حل ولكن مكلف شوية - تغير الكرونة كلها بالكردان يبانى - انعم فى الاداء وانسى الاولسية - ونصيحة برضة وانت بتغيرة استنضف الالوسية - عملتها معايا
وحمد ربنا ان الكرونة قعدت اسبوع ومجراش حاجة ولكن دا من عند ربنا - كل فترة لازم و ضرورى تبص على اولسية الكرونة

[mohamed_e36]

كان عندي نفس المشكله دي بالظبط وكان الزيت مبهدل الدنيا بس غيرت البلي بناع العجل والاويلسيل مع بعض لان البلي عندي كان بايظ بس في اعتقادي لو رمان البلي عندك بايظ هوه اللي هيبوظ الاويلسيل كل شويه لانه هيخلي الاكس اللي بيوصل الحركه من ترس الكرونه للعجله يبقى حر الحركه شويه وبالتالي هيبوظ الاويلسيل

الصوره دي توضيح لكلامي
وبرضه مش شرط يكون العيب من رومان البلي ممكن يكون فعلانوع الاولسيه مش كويس
ملحوظه انا مغير البليه والالسيه من حوالي سنتين فمفيش حاجه اسمها تيجي تغيره كل شويه

[hassanin_lada]

اووووووووووووووووووف انا اتخنقت .. شفولي حل واتفقو عليه عشان اعمله ومايكونش مكلف

[mohamed_e36]

اووووووووووووووووووف انا اتخنقت .. شفولي حل واتفقو عليه عشان اعمله ومايكونش مكلف

يا باشا اهدى كده وكل حاجه ليها حل
انته تخلي الميكانيكي يفكل الالسي ويبص على البليه لقاها بايظه غيرها , مش بايظه اشتري اولسي بس استنضف نوع يكون كويس ومفيش حل تاني غير كده
ربنا معاك

[hassanin_lada]

يعني السبب من البليه دي يعني ؟؟ والبليه دي فين طيب ؟؟

[hassanin_lada]

+111111111111111111

[hassanin_lada]

هو ليه مابقاش في مشاركه مع ان بلاقي مشاهده كتير !!

[hassanin_lada]

يا جماعه الحقوني الكرونه جابت زيت تاني وانا لسا مغير الاويل سي من اسبوع !!

[MEKAWY2000]

انت متاكد ان الميكانيكى غيره ؟؟؟؟ بص فك الكوبلن وشوف هل فى صجه فيه كبيره لوفى صجه يبقى كلام الاخ مظبوط لو مفيش روح لحد تانى متخصص او على القل ميكانيكى عنده زمه شويه وانزل بنفسك شارع شبرا واشترى اول سيل المانى مع انه موجود فى كل حته وموجود الوحش والكويس وكمان صعب حبتين تكون بليه شغاله فى الزيت وتبوظ وممكن يكون العيب من نوع الزيت المفروض زيت الفتيس والكرونه هاىبود جير او بالبلدى فالفلين زيت تقيلاسئل على زيت 85w90بتاع الفتيس وموجود منه ليكوى مولىممتاز انت بتروح البنزينه ومش عارف ايه الزيت الى اتغير وكام كيلو معلومه لكل مالكى الادا الكرونه بتاخد 1كيلو والفتيس بياخد 1.5 كيلو ولو جابت زيت تانى اتصل بى على الخاص
مع تحياتى

[hassanin_lada]

الف شكر ليك استاذ مكاوي انا فعلا غير الميكانيكي وقالي هو كل اللي في السوق واحد هاتلي اي واحد انت بس ومتقلقش رحت جبتلو واحد وغيرو وحط عليه سيلكون مش عارف ليه .. وغسل الكرونه وكده وقالي انشألله مش هتضرب تاني .. وخليك متابع ليها يعني لو لاحظت اي زيت هتهالي بس هو كان بيتكلم بثقه انها مش هتبوظ وطبعا كل اعتماد علي ربنا .. اما بالنسبه لانواع الزيت انا سئلة علي ليكو مولي في اسيوط كلها محدش يعرف عنه اي حاجه وطبعا بضر اغير الزيت عند اي حد بتاع زيوت واي بنزينه وطبعا ولا اعرف نوعه ولا لزوجته بس غالبا اسيوط كلها كده ومحظم الصنيعه جاهلين يعني لو سئلتو عن رقم الزيت هيقولي هااا ؟!

[ahmed_gamal777]

طيب هحاول يا بلدياتى اجبيلك تليفون ميكانيكى محترم فى اسيوط
ولو عايز زيت ليكو مولى - كلم مكاوى بية على الخاص وممكن يرسالة ليك

[hassanin_lada]

ياريت ياستاذ احمد جمال وانا متابع مع حضرتك عموما هي منعت زيت لحد دلوقت وربنا يكرم .. اما بالنسبه للزيت انا يبقي كده هقعد علي شهر ابعت للاستاذ مكاوي وانا مابستحبش اني اتقل علي حد .. انا امشي بالزيوت اللي عندنا وربنا يكرمنا لحد ما اي حد ياخد توكيل ليكو مولي في اسيوط .. وبعدين استاذ امكاوي كان زكر عدد كبير من فروع ليكو مولي في القاهره .. طيب ليه هما مايبدأوش يدخلو علي باقي المحافظات وكده .. وبكرر شكري ليكو جميعا