حكايتي مع اللادا الكالينا بتاعتي (^_^)

[aghour1111]

بسم الله الرحمن الرحيم

علي فكرة دي اول حاجة اعملها في المنتدي الهااااااااااااااااااااااااااااااااااااااااا اايل دا انا اسمي ابراهيم من القاهرة (( شبراااااااااااااااااوي ))

بجد ادارة هايلة و اعضاء جامدين جدا شباب و رجالة محترمين ناس زي الفل كدا .... مش هطول عليكم
هبتدي بقصة حلوة كدا عن الادا ( منقوووووووووووووولة )
و هي
قصة الحي الهندي.......

جدي فيلسوف قديم...قلتله : ياجدي احكيلي حكاية الحادثة بتاعة اللادا....

قالى: لازم تعرف الاول يا ابني ان الادا ده اسم تمويهي ل لامبرجيني بس الروسي....و كان بيركبها جيمسوف بوندوف (النسخة الروسي لجيمس بوند)

وكان بيستعملها في الحرب ضد الصين...كان بيكسرلهوم عربياتهم بيها...

نرجع للحادثة,,,في يوم ماطلعلوش شمس...كنت بجري على صلاح سالم و سرحت...و هب!!!لقيتني رشقت في عربية صيني من اياهم,,

من اللي عاملين عليها دوشة اليومين دول ,,المهم نزلت ابص على العربية و منه لله..كسرلي وش الفانوس ابو 10 جنيه!!

رحت ادور على السواق بتاع الاسبنز (وده اللى كان فاضل من اسمها)لقييته يا عيني 100 حتة

صعب عليا الصراحة لانه دفع كل الفلوس دي في عربية كلها بلاستيك و كلبسات !! و استعوضت ربنا في 10 جنيه!!

انا:و الله طول عمرك كريم يا جدو!!!!!!!!!!!!!!!! (( منقووووول ))

يتبع ....

[aghour1111]

المهم سيبكوا من الواد دا و جدو بتاع جيمسوف بوندوف دا و من هنا تبتدي (( حكااايتي مع الكالييينا ))

في يوم من الايام بعت عربيتي الميجان 2006 بانوراما2 كانت خيااال يا جدعاان , و قعدت من غير عربية لمدة اسبوووعين لحد ما جه اليوم الموعوود . كنت ساعتها في اسوان عشان كنت في الاكاديمية البحرية هناك و لقيت و والدي كان في القاهرة داخل عليا و ايدة مش فاضية كالعادة بالمفاجئة ... عربية غريبة اول مرة اشوفها ومن ساعتها و هي مش عايزة تسيبني .

المهم نزلت اجرب العربية و كانت المفاجئة (( جاااااااااااااااااااامدة ))
بس هي حاجة و الميجان حاجة تانية خااالص اكييد

من 2007 لحد 2010 رايح جاي من القاهرة اسوان كل اسبوعين و الله اكبر عليها ببقي حاطط 170 180 كمان علي الطريق يعني اكتر من 2000 كيلو كل اسبوعين ( اي نعم كانت ساعات بتتجنن عليا و بتعمل حاجات غريبة محدش بيفهمها بس كنت بسيبها شوية و ارجعلها الاقيها بقت تمام )
حبتها و حبتني و طلعت عيني و طلعت عنيها و راضيين ببعض و دايما حتي لو حصل فيها حاجة علي الصحراوي بتفضل اصيلة لحد ما اوصل القاهرة او ارجع اسوان . ( اصيلة يا ام رحاب

[aghour1111]

لحد ما جه اليوم الموعوود من سنتيييين ( و الحمد لله ربنا سترها )

الحمد لله اتقلبت بالعربية و نزلت في ترعة بس ربنا سترها و حصلت المعجزة و طلعت سليم مبقاش في حد مصدق من الناس اني انا اللي كنت جوااها و كمان واقف بطلعها معاهم .
المهم التكيف باظ و السنتر و الباور و شوية حبشتكنااااااات كدة علي رأي والدي . سبتها و سافرت برة مصر خالص حتي انتهاء فترة العلاج و الاستجمام .
لما رجعت كانوا ظبتواهالي كدة كويس و عشت بيها من ساعتها عادي . لحد ما زهقت من التوكيل و العفشة و الحساسات و الفوانيس و المرايات عشان اتكسروا تاني ( المرايات الاتنين ب 900 ج )
و الفانوس الواحد ب 800 ج و الباب ب 6000 جنية و الاسكترا 5000 ج من غير علبة الباور ب 2800 ج ( احمد يا عمر بقي )
مع انا مكنتش عايز باب اصلا ولا اسكترا بس انا بقولكوا عشان بس دمي محرووق بسبب الاسعار
بس مفروض مش اتضايق عشان احنا قلنا ان لادا ده اسم تمويهي ل لامبرجيني بس الروسي فالاسعار دي الي حد ما رخيييصة ( أحبيبتي يا لامبو * لامبورجيني يعني * )
فضلت ماشي بيها لحد رمضان الي فات ده و كان شكلها بقي مش تمام
( بهدلة يا عم الحاج )


قلت بقي مبدهااش ياد يا ابراهيم وقفها شوية بقي و فكرلها و عيش بالعربية التانية ( صني2011 )
سحبتها علي السمكري بتاعي و ابتدت رحلتي مع شد و تجديد العربية و قلت هعمل فيها كل حاجة
.....
انتوا زهقتوا شكلكوا
بقولوووكوا ايييه انا هرحمكم مني و من العربية دي
لو عايزين نكمل نبقي نكمل مع بعض بقي , و بعدين اصلا مفيييش اي صوره عايزة تترفع ولا في الموضووع ولا في المرفقات . هحاول تاني مع الصور حتي اصل لاحد الحلول

وللحكاية بقية .................

[aghour1111]

دي صورة للرايق اخويا الصغير تاني يوم للعربية تحت البيت

(( خدنا اية احنا من وشك عشان تدييينا الــــــــــــــــــــــــ
الشنطة ))

صوره من البلكونة و الشبح بيغسلها ( الله يباركلة غسلها و هي مركونة تحت الشمس في عز
الصيف في اسوان و الزجاج اتشرخ و كنت هقتلة . بجد زعلني بس عادي بقي فداك يا شبح )

[Elawany13]

http://www.nilemotors.net/Nile/270992-o-oo-oo-o.html

[aghour1111]

نورت موضووعي بجد ,
بس انا نزلت الصور خلاص . شكرا يا ريت تتابع الموضوع معايا و تقولي رأيك

[aghour1111]

بالنسبة لصور الحادثة




و زي ما قلت سافرت و رحعت و صورها كانت كدا قبل رمضان اللي فات دا و قررت اركنها و اظبطها

و حتة كدا بانوراااااما بقـــــــــــــــي

و من رمضان و انا بظبطها كل ما افوق شوية اعمل حاجة فيها .

و للحكــــــاية بقــية .....

[Elawany13]

الله يكرمك ياباشا
أنا أول مرة اشوف اللاد ديه
فيها شبه من سكودا فابيا

[aghour1111]

لادا كالينا 2007 مش موجوود منها كتييير في مصر و نصيبي وقعت فواحده منها . بس بجد عربية محترمة و جباررة 4 سنين رايح جاي اسوان كل اسبووعين و راحت كل حتة في مصر و علي الطريق لحد 180 مش بتزعلني و متيييييييينة جدا ( علي رأي البعض الرووسي معروووف انه زلطه , و هي فعلا عربية متييينة جدا و صاجها قوووي ) بس مشكلتها التزكيل الزباااالة بجد هما اللي خربوا سوق العربية دي . و عملت مشاكل معاهم كام مرة

[aghour1111]

ابتدت رحلة تظبيط العربية و طبعا اول مشكلة كانت الفوانيس , مش موجوودة فمصر كلها . التوكيل و عزبة شلبي و التوفيقية عند سيد نصار و حمدي لادا دا في القاهرة و في اسكندرية شارع صلاح الدين و الساعة . لحد ما زهقت .

قررت اعدل و ابتديت بالفوانيس قلت اعدل فوانيس تكوون كويسة و شكملها مناسب و تكون رخيصة و موجوودة وقت ما احتاجها . و اتفقنا انا و السمكري علي فوانيس النيسان الصني 2008

و دا شكل العربية الاصلي و شكلها و هي في مرحلة التعديل و بعد الانتهاء

[aghour1111]

هي كانت من قدام متبهدلة خالص فظبطنا الدنيا تمام من قدام و خدناها حنة حتة كدا براحتنا . كنت هنفخ الرفارف بس رجعت فكلامي و اكتفيييت بتركيب العتب و تثبيتة كويس




و بعدين المرايات زهقت منها برضو و عدلنا مرايات اجناب نيسان صني 2008 كهربا تفتح و تقفل مع الكونتاكت و بالزرار بتاعهم من جوا . و لما جيت اظبط الاكصدام بتاعها مركبش علي العربية و مش هينفع يتعدل فايبر ( رمييتة و ريحت نفسي ) ركبنا اكصدام مازدا و تم التثبيت حتي تفصيل اكصدام جديد امامي بكساحات و هوايات و عمل شبكة محترمه مع الاكصدام و تعديل الخلفي كمان و ان شاء الله علي اخر الشهر دا هيكونوا ركبوا .

[medododo]

متابع ربنا معاك
اسلوبك هايل

[aghour1111]

medododo باشا
شكرا لزوووقك منور الدنيا كلها .
بحاول والله مبقاش رخم في الاسلووب عشان الكلام كتييييييييير . يا رب بس متزهقوووش مني

[drmagieed]

إحنا كسبنا عضو جديد وحمد لله علي السلامة وعايزين نشوف صور للعربية قبل التعديل (زيرو) وبعد التعديل علشان نعرف عظمة الصنايعي المصري رغم ما يقوله البعض عنه

[aghour1111]

إحنا كسبنا عضو جديد وحمد لله علي السلامة وعايزين نشوف صور للعربية قبل التعديل (زيرو) وبعد التعديل علشان نعرف عظمة الصنايعي المصري رغم ما يقوله البعض عنه

drmagieed
يا باشا انا اللي اتشرفت بحضرتك
و متقلقش من الصنايعي , عفريييييييييييييييت بمعني الكلمة . انا العربية بتترش انهاردة في الكابينة و هستلمها بلونها الجديد و ان شاء الله هصورها و ارفع الصور لحضراتكوا