نصائح لتقليل استهلاك البنزين

[MEKAWY2000]

كل مالك سيارة يريد أن يصل باستهلاك
البنزين في سيارته الي المعدل المثالي المكتوب في كتيب ارشادات استخدام
السيارة (الكتالوج) أو حتي يصل الي معدل استهلاك قريب من هذا المعدل،
ولتحقيق ذلك يجب اتباع مجموعة من النصائح المهمة :



• تغيير الزيت في الأوقات المحددة لذلك. فهناك زيوت عمرها في المحرك 3000
كيلو متر وهناك 5000 كيلو متر وهناك 10000 كيلومتر ، وكلما حافظ صاحب
السيارة علي تغيير الزيت في الوقت المحدد فانه يحافظ علي عمر محرك سيارته
مما يوفر في استهلاك البنزين.
• ضبط ضغط الهواء داخل اطارات السيارة،
لأنه اذا قل ضغط الهواء يكون الاطار غير مستدير بالكامل (فردة الكاوتش
مهوية) وبالتالي يزيد احتكاك الاطار بالارض مما يزيد من استهلاك البنزين .
• يجب تغيير فلتر الهواء في الوقت المحدد لذلك وتنظيفة من آن لآخر(بنفخة
بكمبريسور الهواء) لأنه اذا كان متسخا فسوف تقل كمية الهواء التي تصل من
خلاله الي غرفة الاحتراق بالمحرك والتي تختلط بالبنزين لتصلها في نفس
الوقت شرارة فيحدث الاحتراق الذي يولد الطاقة التي تتحول الي حركة تسيّر
السيارة مما يزيد من استهلاك البنزين.. الفلتر بالنسبة للسيارة مثل الرئة
في الانسان .. كلما كان الفلتر نظيفا زادت كمية الهواء التي تدخل الي
المحرك وبالتالي تزيد كمية الاكسجين وبالتالي الاحتراق والطاقة الناتجة
منه.
• يجب تغيير فلتر البنزين اذا كان متسخا لأن ذلك يزيد من الاستهلاك .
• تغيير شمعات الاحتراق (البوجيهات) في موعدها أمر ضروري جدا لتوفير
الشرارة التي تصل الي غرفة الاحتراق بالمحرك بانتظام وبالكمية المطلوبة.
• بالنسبة للسيارات التي تعمل بنظام حقن الوقود (الانجكشن) يجب من آن لآخر
تنظيف بوابة الانجكشن باسبراي التنظيف ويراعي ان يكون نوعا جيدا.. أما
السيارات التي تعمل بمنظم خلط البنزين بالهواء (الكاربراتير) فانه يجب
تنظيفه أيضا باسبراي التنظيف اذا كانت هناك مشكلة كبيرة في استهلاك
البنزين ويراعي أن يتم ذلك عند مركز خدمة معتمد أو عند ميكانيكي ذو خبرة
كبيرة.
• طريقة القيادة عامل مؤثر جدا في استهلاك البنزين .. هناك القيادة
العنيفة التي يقوم فيها السائق بالنقل من غيار الي التالي له مباشرة علي
3500 لفة في الدقيقة (rpm) أو أعلي من ذلك، فمثلا بعض الشباب يقوم بالنقل
من الأول الي الثاني أو من الثاني الي الثالث علي 5000 لفة في الدقيقة مما
يؤدي الي زيادة استهلاك البنزين بشكل ملحوظ.. أما القيادة الاقتصادية أو
الهادئة التي توفر في استهلاك البنزين فهي القيادة التي يقوم السائق فيها
بالنقل من 2000 الي 3000 (rpm).
وعلي الطرق السريعة فان أنسب سرعة للقيادة تحقق أقصي معدل توفير للبنزين
هي سرعة 90 أو 100 كيلو مترا في الساعة وتكون علي الغيار الخامس (أو
الرابع في السيارات التي لايوجد بها غيار خامس)
• تجنب القيادة بتسارع كبير علي أي غيار (أن تصل من الصفر الي أي سرعة في
أقصر وقت ممكن وذلك بالظغط علي دواسة البنزين ظغطة كاملة).
• القيادة العنيفة ثم التوقف العنيف يزيد من استهلاك البنزين.

[mona_881]

جزاك الله خيرا علي النصائح القيمة وعلي مجهودك المشكور في نقل الموضوع وتعميم الاستفاده يا أخي الكريم

[hassanin_lada]

موضوع اكثر من رائع بس انا حاولت اطبق النصائح دي كتير والفرق بسيط جدا

كان بس عندي كام استفسار :
1- ايه هو بيك الكاهربه اللي في الكاربرتير ومعظم الصنيعيه بيغيروه بواحد عادي ؟؟
2- بيك السرنسيه في لادا 2107.. 110 ولا 115 ولا 105 ؟؟
3_تغير البوجيهات يفضل كل كام كيلو ؟؟

والف شكر ليك علي نصائحك الهامه دي

[S O P H O S]

مشكوررر يا باشا ..

[MEKAWY2000]

هو فى بعض المودلات فيها بيك الهواء يعمل بالكهرباء ولاكن مالوش لازمه فى مصر لاكن فى كهربا وصله الى الكاربرتير وده اسمه وصله كافارنر للتكييف فى حاله لو ركبت تكييف ودى عملها ضعيف المفروض لما تشغل التكييف ترفع لك rpm شويه تعويض لعزم التكييف
اما البوجيهات او شمعه الاحتراق ممكن كل 5000 او حسب نوعيه البوجيه وضبط المحرك او الاسبرتير والكاربرتير ان كان حريق الموتور جيد هيعيش مده اطول

[hassanin_lada]

واللهي بجد مش عارف اقولك ايه !! كل يوم بستفاد منك اكتر واكتر بس حضرتك في سؤال ماجوبتش عليه اللي هو بيك السرنسيه المفروض يبقي كام ؟؟ وهل يأثر علي استهلاك البنزين ؟!

[ibnelfared]

أستاذنا طول عمرك يا عم مكاوى تسلم أيدك

[MEKAWY2000]

واللهي بجد مش عارف اقولك ايه !! كل يوم بستفاد منك اكتر واكتر بس حضرتك في سؤال ماجوبتش عليه اللي هو بيك السرنسيه المفروض يبقي كام ؟؟ وهل يأثر علي استهلاك البنزين ؟!

ياباشا اولا انت قلت بيك السرنسيه وبك السرنسيه ده قطعتين عباره عن بلف صغير به 2فتحه ومسمار للضبط وعمله هو والموتور على السرنسيه بيدى خليط الهواء مع البنزين فى سرعه 500 الى 1000 لفه فقط

[hassanin_lada]

ياباشا اولا انت قلت بيك السرنسيه وبك السرنسيه ده قطعتين عباره عن بلف صغير به 2فتحه ومسمار للضبط وعمله هو والموتور على السرنسيه بيدى خليط الهواء مع البنزين فى سرعه 500 الى 1000 لفه فقط

بمعني

[MEKAWY2000]

بمعنى ان دوره بينتهى بعد ماتمشى بالسياره او تدوس بنزين
فى بعض الاوقات والسياره دايره على السرنسيه وانت مثلا بتسخن بتبقى عايزه سنه بنزين وبعد كده بتسند نفسها او ممكن تبطل منك وانت فى اشاره وترجع تدور مرش تدور واول ماتشيل رجللك تبطل تروح للميكانيكى يفكه وينفخ فيه المفروض عدت عليك الحركات دى

[hassanin_lada]

هههههه المشكله اني فاهم انا عاوز مقاسه كام .. لان في الاول كان فيها واحد 110 وبعدين الراجل خلاه 115 بقت بتاكل بنزين راح رجع ال 110 فابقوله طيب مانحطلها 105 عشان الاستهلاك يقل قالي كده هتتخنق !! هل كلامه صح ولا ايه؟