ما هيا فائدة الزيت فى السيارة؟؟؟

[ibnelfared]

بعد أذن حضراتكم يا جماعه ما فائدة الزيت فى موتور العربية
هل ليه تأثير على السرعه ؟ صوت الموتور ؟ كفائتة؟
فعشان كدة بستأذن أخوانى الأفاضل أن يفيدونا بفوائدة والأضرار أو الأعطال التى قد تنجم عنة ردائتة أو قلتة أو مشاكلة هو شخصيا

[MEKAWY2000]

سؤال سهل بس جديد ماشى ياعمنا
بص الزيوت انواع واضافات كتير منها الى بيمشى 1000 ومنها الى بيمشى الى 1000 و15000 كمان حسب نوع الزيت ولزوجته وكل ماتسترخص فى السعر فبيكون اردء فى المنتج وكفائته فى السياره مما يتسبب فى تلف الاجزاء المتحركه فى السياره مثل البساتم والكرنك وعمود الكامه وخصوص الاجزاء المغموره فى الزيت مثل الكرنك
تبدا لزوجه الزيت من 80درجه فى انواع سيئه وتنتهى عند160 درجه فى اجود الانواع وكمان فى درجه لانهيار الزيت مثال فى بعض الزيوت تنهار عند 120 درجه حراره وزيوت تنهار عند 285 درجه حراره
فى زيوت صناعيه ومعدنيه وتخليقيه الصناعيه اقصى مده تشغيل 2000كم والمعدنى5000كم والتخليقى10000 الى 15000 لاكن الى يخص الادا منهم المعدنى او النصف تخليقى المعدنى مثل شل 20w50
او15w50فى ليكو مولى سوبر فرميولا20w50وده الزيت المناسب للادا فى الصيف والشتا
اما فايده الزيت فى السياره فهو كا المعروف لتزيت الاجزاء المتحركه فى السياره لتجعل السياره انعم وثلاثه فى العمل وكل ما كانت كفاءه الزيت احسن وبتتغير فى الاوقات المطلوبه كل ما كان اداء الموتور احسن ومحافظ على عمر الموتور
لزوجه الزيتبتحس بين الاصابع كل ماكان الزيت لزوجته عاليه كل ماكان الملمس ناعم كانك واضع شحم بين صوابعك لو عندك اى استفسار تابع الردود وياترا عملت ايه فى السياره لقيت سمكرى ولا لسه

[ahmed_gamal777]

بعد أذن حضراتكم يا جماعه ما فائدة الزيت فى موتور العربية
هل ليه تأثير على السرعه ؟ صوت الموتور ؟ كفائتة؟
فعشان كدة بستأذن أخوانى الأفاضل أن يفيدونا بفوائدة والأضرار أو الأعطال التى قد تنجم عنة ردائتة أو قلتة أو مشاكلة هو شخصيا

اى شى متحرك لابد من وجود سائل بنهما لسهولة عملية التحرك وايضا لمحوالة المحفظة على عد م التاكل

ممكن ياثر على السرعة ولكن مع عدة عوامل يعنى زيت وحش - يبقى احتكاك عالى بين الاجزاء يبقى استهلاك بنزين اعلى يبقى سخونة فى المتور - يعنى العربية بتصرخ تحت رجيللك يبقى مفيش السرعة المطلوبة فى الوقت الى انت عايز ( يعنى عامل من العوامل)
طبعا صوت المتور بيكون عالى فى حالة عدم كفائاة الزيت ودا بيعتبر موشر بنعرف بية ميعاد تغير الزيت

وباثر على كفائة الموتور - بنى ادم مش واكل كويس ومفيش مياة عايز من يجرى ازاى ما بالك المكنة

وطبعا الاستاذ / مكاوى فاد حضرتك فى انواعة

بص العربية زى البنى ادم بتاكل وبترتاح وبتخش الحمام (الشكمان) وبتتعايق (بالاكسورات ) ومتضحكش من كلامى لو قعدت تبص على العربيات وسرحت شوية هلتلاقى العربية الى بتضحك والا زعلان والا بتسب لصاحبها متستغربش
عموما قدرها تقدرك وعذرا هنها تهينك

[MEKAWY2000]

اى شى متحرك لابد من وجود سائل بنهما لسهولة عملية التحرك وايضا لمحوالة المحفظة على عد م التاكل

ممكن ياثر على السرعة ولكن مع عدة عوامل يعنى زيت وحش - يبقى احتكاك عالى بين الاجزاء يبقى استهلاك بنزين اعلى يبقى سخونة فى المتور - يعنى العربية بتصرخ تحت رجيللك يبقى مفيش السرعة المطلوبة فى الوقت الى انت عايز ( يعنى عامل من العوامل)
طبعا صوت المتور بيكون عالى فى حالة عدم كفائاة الزيت ودا بيعتبر موشر بنعرف بية ميعاد تغير الزيت

وباثر على كفائة الموتور - بنى ادم مش واكل كويس ومفيش مياة عايز من يجرى ازاى ما بالك المكنة

وطبعا الاستاذ / مكاوى فاد حضرتك فى انواعة

بص العربية زى البنى ادم بتاكل وبترتاح وبتخش الحمام (الشكمان) وبتتعايق (بالاكسورات ) ومتضحكش من كلامى لو قعدت تبص على العربيات وسرحت شوية هلتلاقى العربية الى بتضحك والا زعلان والا بتسب لصاحبها متستغربش
عموما قدرها تقدرك وعذرا هنها تهينك

فينك ياملك التمبرا

[Ahmed_BYD_F0]

يا جماعة ايه رايكوا فى زيت كالتيكس
ويا ترى اعرف منين ان العربية محتاجة تغير زيت
مع العلم بان عداد الكيلومترات مش غال عندى

[ahmed_gamal777]

يا جماعة ايه رايكوا فى زيت كالتيكس
ويا ترى اعرف منين ان العربية محتاجة تغير زيت
مع العلم بان عداد الكيلومترات مش غال عندى

موضوع نوع الزيت موضوع نسبى يختلف من واحد الى واحد - اقوللك عامل زى معطر السيارة
واحد بيحب اليمون - واحد بيحب الياسمين - واحد بيحب التفاحة
ولكن
فى قواعد ثابت - ممكن تقر فيها مقالات وكتب
بص من الاخر لو المكنة قديمة شوية - او مكنة خشنة زى الادا اختار الزيت الى مكتوب علية sكذا w كذا ( دى معنى معين مش عايز اتوهك فيها زى s10w5 او s20w10)

طيب لو المكنة جديدة او ناعمة (فرنساوى مثالا -او ايطالى )

او اى مكنة اخرة
لم تجيب زيت دور على الجركن على حرفين مهمين اوى اوى
الاول حرف s
يعنى مخصص لمكنة بتشتغل ب البنزين
والحرف التانى من الابجدية الانجليزية زى
sf
sj
sl
sm
بص يا سيدى ( مش قصدى انتقصاء العلم بالمثل ولكن اقصد الراجل البسيط الى مش متعلم حروف الابجدية الانجليزية )
امسك الموبيل تلاقى حرف f الموجود على رقم 3
انزل شوية على رقم 5
تلاقى حرف j
ودا احسن من الى قبلة (يعنى sj احسن من ال sf(
وبالمثل (ال sm اعلى من sL)
يعنى كلما نزلن بالابجدية الانجليزية من على الحروف الموجود بجهاز الموبيل بيكون الزيت احسن
احسن ازاى يعنى - لزوجة اعلى - تعدد درجات احسن - كيلومترات اعلى
لزوجة اعلى - يعنى الزيت زى المية بتحول من صلب الى سائل الى غاز ( بيستحمل الطحن ودرجات الحرارة العالية )
تعدد درجات يعنى ( كفائة كويس و هو مجمد - يعنى درجة حرارة قليلة - وكفائة كويس وهو سخن -درجة حرارة مرتفعة)
كيلومتر اعلى ( يعنى بيعيش اطول -وبيداى اداء اعلى مع الوقت مش بيفد خواصة بسرعة )

المكنة دى (الموتور) عامل زى معدة البنى ادام (لم تكون صايم او صاحى من النوم واكلت حاجة ساقعة اوى او سخنة اوى اكيد معدتك ه تتعبك)

طيب على قد ما قدرت ممكن اطمن عليك فى اختيار ترتيب الزيت وانواعة حسب الميزانية

النقطة التانية - ياريت وانت بتغير زيت و انا بنصح بكدة - تغير فلتر بالمرة
الفلتر دا عامل زى المصفة بينضف الزيت اول با اول تحافظ علية نظيف بتغيرة
ومش معقول تكون جايب اقل جركن زيت فى السوق ب 60 لحلوح وتستخسر 15 لحلوح
فى الفلتر(طبعا الكلام دا على الفلتر الغلبانة الى بنستخدمها )



السوال المحورى عندك الى خلنى اجواب عليك الاجابة الطويلة دى كلها
ازاى اعرف ميعاد تغير الزيت من غير عداد

يتبع

[ahmed_gamal777]

بص 3 حاجات انت ممكن تخاف من 1 منهم لكن مش هتخاف من ال 2 التنين
نستخدم حواس البشر
الشم
الاحساس
الطعم
( مجنون انا صح )
طيب الاول الزيت الوحش بيقى ريحة سيائة وشايط ( زى ريحة الحاجة المحروقة )
الطعم ( الى فاقد حاسة الشم زى كدة ممكن يلمس الزيت القديم بطرف لسانة هيلقى برضة شايط زى الحمة المحروقة )

الطعم دا لى قصة معاياة اتعلمتها من واحد حبيبى قالى ازاى تعرفة جودة زيت الباكم (بتاع الدبرياج والفرامل)
قولتة من العلبة - بص الاجابة انا مش مقنع بيها
قالى دوقة بطرف لسانك - وعلى فكرة دوقتوا
لية الزيت المضروب بيقى مسكر
والزيت التمام بيقى لاذع وبلسع لسعة بسيطة فى السان

وعلى فكرة انا بقوللك دوق مش كل ( لا تقول الراجل قالى كول الله يسمحة - ويام الشعب المصرى كل طعمية مقلية فى زيت السيارات ههههههههههههههه مش بقول زى السيارات مفيد ههههههههههههه)

الاهم وهو اختبار المس
الزيت الكويس تحط نقطة منة بين صوابع وتفتح صوابعك حاجة بسيط (زى ما تكون لابانة لزقة بين صوابعك)
تلاقى خيوط رفيعة كد معناه زيت لزوجة كويسة واما تلاقية زى المية يبقى الزيت فستك


بص تغير الزيت بعتمد اكثر حاجة على مدى احساسك بالمشوير الى انت قطعتها وعلى مدى احساسك بعلو صوت المكنة ونعومتها
ارجوا انى اكون فد حضرتك - واستحملونى للاطالة