نقول من تاني

[hassanin_lada]

دلوقت كان زمان في موضوع عن الاسبراتير الاكتروني بس تقريبا ماحدش عرف يوصل اذا كان افضل من العادي ولا لا من حيث استهلاك البنزين والعمر الافتراضي وبالصدفه كنت راكب مع سواق تاكس وكان بيحكي ويقولي ان الاكتروني افضل بكتير فهل فعلا هو افضل ولو في حد جربه يحكيلنا التجربه وسعره والاستهلاك ايه ؟؟

وبالمره لو حد يعرف نوع لمبات فانوس كويسه وتكون قويه واهم شئ يكون متوافر في السوق ياريت يشرفنا بأسم اللمبه وربنا يكرمنا ونوصل لنتجيه في موضوع الاسبراتير

[ahmed_gamal777]

بص يا واد عمى
الاسبراتيرا الكترونى - موجود فى مصر- عند واحد بجانب مكاوى اسمة جمال لادا و ب حوالى 300 جندى
ولكن الفكرة لو عطل عندك - هل من وجود حدا بيصلحة - انا وصلت لحد الناس الى مركباة - وكان مريحهم
ولكن التعليق الغريب كان بيقولى كل شهرين بغير سلوك البوجيهات - مش عارف لية
المبتين - ممكن تجيب لمبتين المانى - ب 40 ج الجوز 200/260 وكاتوتات - وسلك - وقاعدة لمبة بالمرة عشان الى عندك ما تسحش - وهتظبط معاك انا شاء الله

[hassanin_lada]

انا بعد ماقريت كتير في الموضوع ده كانت المشكله ان في حاجه اسمها المشط هي اللي بتبوظ ودي بتتغير عادي مافيش منها مشكله لكن حكاية تغير سلك البوجيهات دي اول مره اسمع عنها

بالنسبه للمبتين هل اي نوع الماني وخلاص ولا في نوع معين وبعدين هل 200/260 دي w ولا pc ؟؟

لاني شفت كذا لمبه مكتوب 90 /140 w وبعدين مكتوب 200/260 pc ولما سألت عن معني pc طلع ان ده قوة اللمبة علي الفرش في الارض

وهل فعلا في لمبة 200 /260 w ??

وبجد مش عارف اقولك ايه يابو جمال ياعثل لاني كل تعليق بحترمك اكتر واكتر

[ahmed_gamal777]

انا بعد ماقريت كتير في الموضوع ده كانت المشكله ان في حاجه اسمها المشط هي اللي بتبوظ ودي بتتغير عادي مافيش منها مشكله لكن حكاية تغير سلك البوجيهات دي اول مره اسمع عنها

بالنسبه للمبتين هل اي نوع الماني وخلاص ولا في نوع معين وبعدين هل 200/260 دي w ولا pc ؟؟

لاني شفت كذا لمبه مكتوب 90 /140 w وبعدين مكتوب 200/260 pc ولما سألت عن معني pc طلع ان ده قوة اللمبة علي الفرش في الارض

وهل فعلا في لمبة 200 /260 w ??

وبجد مش عارف اقولك ايه يابو جمال ياعثل لاني كل تعليق بحترمك اكتر واكتر

بص المشط دا مخ الشرارة والطبيعى انة يبوظ بعد فترة - الاستهلاك العادى - بينى وبينك مش عايز اخوش كتير فى المقارنات - عشان موضوع شائك قليل
لا ياباشا مفيش لمبة 200/260 w
دى موجود فى البيت بص - مش فى العربية - انا مش فاكر المبتين كانوا ماركة اية - ولكن كانوة فى علبة ابيض فى اخضر معفنة كدة من قلبك يحبها - وطبعا بتاع الاكسورات بيقولى المانى - وانا بعمل عبيط واقولة طبعا طبعا
بص بصراحة كانوا 10/10
وعندى فى التمبرا عليت الاضائة برضة ولكن عملت ناصح وجبتهما 2 كورى لقطة كانوا ب 50 جندى
ولكن حاسس ان التنين كانوا احسن
اهم حاجة - القمرة الى جوة تكون تمام - عشان هى اهم من المبة - والبنورة تكون نظيفة - جوة وبرة
وربنا يوافقك

[hassanin_lada]

معلش هتقل عليك .. ايه هي القمره ؟؟

وبالنسبه للبنوره لو محتاج انظفها في طريقه سهله ولا لازم افك الوش ؟؟

[hassanin_lada]

وبالنسبه للاسبراتير محتاج واحد قلبو ميت عشان يجيبو ويجربه واعتقد ان استاذ مكاوي عنده علم بيه وربنا يسهل ويدخل و يقولنا القول الفصل فيه

[MEKAWY2000]

الالكترونى جميل هدوء فى الصوت
فى غايه الرزاله عند العطل وخلى بالك المشط عمره الافتراضى سنتين ومش بيدى انذار عند العطل يعنى ممكن تبقى مسافر ويعملها معاك او تقوم تنزل من بيتك مستعجل ومدرش معاك لاكن الاسبرتير والموبينه والشغل البلدى سهل ابلاتين لدع هنصنفره كندنسر قطع هنركب واحد اضافى على مانروح نغيره وده رائى انا كنت نويت اركبه بس رجعت خوف من العطل المفاجئ
اما المبات كورى ازرق بتدى اضاءه زى الزينون بس فعلا لازم القمره تبقى نظيفه النوع سيمنس كورى علبه زرقاء والله اما لاحسد 3سنين ومفيش مشاكل فيهم

[hassanin_lada]

طب اشمعنا سنتين مع ان ناس قالت انه مابيتغيرش غير مره او مرتين علي مدي عمر العربيه !!

بالنسبه للقمره ؟ هي عباره عن ايه بالظبط ؟ ياريت توضيح اكتر استاذ مكاوي

[ahmed_gamal777]

القمرة يا جميل
حطتت البتاعة الى عامل زى الطبق المسلطح دى
ايوووووووووووووووووووووة
الى لونها فضى

[SHNORY]

انا عندي العربيه اسبراتير اليكتروني مقدرش احكم علي مزاياه عن العادي لاني عمري ما جربت العادي
بس المشاكل اللي حصلت معايا تتلخص في الاتي
مره المشط ضرب علشان كان فيه طرف سلك ارضي هربان منه وتقريبا عمل قفله فيه فالمشط طار
وسعره من 90 ل120 وهو نفسه مشط الجولف ال5 او 6 طرف
الاسبراتير فيه جزء مره عطل جواه تقريبا وظيفته زي الكوندينسر في الاسبراتير العادي
مره غيرته ب40 جنيه
والمره التانيه ملاقيتهوش فغيرت اسبراتير
بس الاولاني اللي غيرته دا كان في الموتور القديم
والتاني الي ضرب كان في الموتور الجديد وضرب بعد سنتين من تركيبه
فانت تعمل الاليكتروني
وتشتري مشط والكوندينسر ده وتخليهم معاك احتياطي في العربيه لو قلقان من اي اعطال

[hassanin_lada]

انا عندي العربيه اسبراتير اليكتروني مقدرش احكم علي مزاياه عن العادي لاني عمري ما جربت العادي
بس المشاكل اللي حصلت معايا تتلخص في الاتي
مره المشط ضرب علشان كان فيه طرف سلك ارضي هربان منه وتقريبا عمل قفله فيه فالمشط طار
وسعره من 90 ل120 وهو نفسه مشط الجولف ال5 او 6 طرف
الاسبراتير فيه جزء مره عطل جواه تقريبا وظيفته زي الكوندينسر في الاسبراتير العادي
مره غيرته ب40 جنيه
والمره التانيه ملاقيتهوش فغيرت اسبراتير
بس الاولاني اللي غيرته دا كان في الموتور القديم
والتاني الي ضرب كان في الموتور الجديد وضرب بعد سنتين من تركيبه
فانت تعمل الاليكتروني
وتشتري مشط والكوندينسر ده وتخليهم معاك احتياطي في العربيه لو قلقان من اي اعطال

طيب وايه اخبار استهلاك البنزين جوه البلد وبره ؟؟

[SHNORY]

طيب وايه اخبار استهلاك البنزين جوه البلد وبره ؟؟

في احسن حالات العربيه في السفر عملت معايا 500 كيلوا ب35 لتر
وفي ارخم حالاتها عملت 300 كيلوا ب40 لتر
ومن فتره كنت مخلي الميكانيكي يخليها متسقفش عملت 560 كيلوا ب50 لتر
جوه البلد ممكن اعمل 200 كيلوا ب20 لتر
وممكن 150 كيلوا ب20 لتر
كله علي حسب ظبطه الكربراتير وملهوش علاقه الاسبراتير

[hassanin_lada]

مش مريحني بردو