دفتر متابعة اللادا

[sniper2010]

دا عبارة عن نوتة صغيرة عملتها عشان أتابع كل حاجة في العربية
يعني مثلا الصفحة الأولى فيها جدول متابعة الزيت مكتوب فيه تاريخ آخر تغيير و نوع الزيت وفترة التشغيل وقراءة العداد عند التغيير والقراءة المتوقعة عند التغيير في المرة القادمة
أما الصفحة الثانية فيها متابعة البنزين ثم متابعة البطارية والكاوتش والفلاتر و سير الكاتينة و أيضا جدول لما تم عمله من إصلاحات
وطبعا أنا سايب النوتة دي في العربية مع قلم جاف فرنساوي :) لزوم الشغل
و ده بيسهل عليا متابعة الحاجات دي
يا ريت الزملاء اللاداوية يجربوا الحكاية دي
بجد بجد هتفيدكوا

[mohamed2002]

دا عبارة عن نوتة صغيرة عملتها عشان أتابع كل حاجة في العربية
يعني مثلا الصفحة الأولى فيها جدول متابعة الزيت مكتوب فيه تاريخ آخر تغيير و نوع الزيت وفترة التشغيل وقراءة العداد عند التغيير والقراءة المتوقعة عند التغيير في المرة القادمة
أما الصفحة الثانية فيها متابعة البنزين ثم متابعة البطارية والكاوتش والفلاتر و سير الكاتينة و أيضا جدول لما تم عمله من إصلاحات
وطبعا أنا سايب النوتة دي في العربية مع قلم جاف فرنساوي :) لزوم الشغل
و ده بيسهل عليا متابعة الحاجات دي
يا ريت الزملاء اللاداوية يجربوا الحكاية دي
بجد بجد هتفيدكوا

فعلا انا عامل اجنده زي اللي حضرتك عاملها وسايبها في التابلوة عشان اشوف استهلاك البنزين ,ميعاد تغيير الزيت ,الحاجات اللي بغيرها فيها وتاريخها ,شكرا للنصيحة

[cobraa2008]

بصراحة هي فكرة لذيذة بس انا موش ممكن اطبقها ياعني استهلاك البنزين بتاعي موش محتاج اسجله خحالص علشان انا ساعات رجلي تقيلة وساعات براحتي
غير كده لو حاجة بازت بغيرها وخلاص وكل 5 الاف كيلو بغير المطلوب

ملحوظة :
اصل انا لو عملت التوته ده وابويا شفها ها يحرمني من ركوب العربيات تاااني بجميع انواعها

[mohamed2002]

بصراحة هي فكرة لذيذة بس انا موش ممكن اطبقها ياعني استهلاك البنزين بتاعي موش محتاج اسجله خحالص علشان انا ساعات رجلي تقيلة وساعات براحتي
غير كده لو حاجة بازت بغيرها وخلاص وكل 5 الاف كيلو بغير المطلوب

ملحوظة :
اصل انا لو عملت التوته ده وابويا شفها ها يحرمني من ركوب العربيات تاااني بجميع انواعها

ههههه,بس هية مفيدةعشان تعرف معدل الاستهلاك بتاعك عالي واية سببه وتعالج سبب الزيادة

[cobraa2008]

لا اصل انا حيانا بعمل 100 كيلو في الفل ساعات بعمل 400 وساعات بينهم اصل العملية حسب المزااااااااااج

[zicooo2008]

جزاك الله خيرا اخى و فكرة تستحق التجربة والتنفيذ

[sniper2010]

إليكم بيانات الدفتر كاملة عشان لو حد حب يجرب
صفحة 1 البنزين: التاريخ _قراءة العداد_ الكمية باللتر_ السعر

صفحة2 الزيت: سبق شرحه

صفحة3 الفلاتر: نوع الفلتر _تاريخ التغيير_ قراءة العداد
ملحوظة يمكن تخصيص صفحة لفلتر الزيت

صفحة4 سير الكاتينة: التاريخ _قراءة العداد _ القراءة المتوقعة عند التغيير القادم

صفحة5 البطارية

صفحة6 الكاوتش

صفحة 7 البوجيهات

صفحة 8 الصيانة و التغييرات: شاملة حاجات الصيانة العامة زي التشحيم وأيضا لو حاجة اتغيرت زي الفانوس مثلا

صفحة9 الإصلاحات: شاملة الحاجات اللي اتصلحت عشان عطلت مش عشان صيانة

ويا ريت لو حد عنده حاجة زيادة يقولنا عشان الكل يستفيد
بس بلاش حد يقول تزويد مياة الرادياتير :)

[H.ibrahim]

انا كمان عملت النوتة و حاطتها فى الشماسة الخاصة بالسائق مع القلم طبعا و احب اضيف حاجة كمان و هى متابعة زيت الكروونة و زيت الفتيس من حيث التزويد او التغيير او عمل التشيك فقط و الله الموفق

[Dr_Medschool]

دا عبارة عن نوتة صغيرة عملتها عشان أتابع كل حاجة في العربية
ا

باشا يا ابني و الله من يومك
دايما اقٌول عليك منظم و دقيق
:laugh:

[sniper2010]

باشا يا ابني و الله من يومك
دايما اقٌول عليك منظم و دقيق
:laugh:

واحنا هنيجي إيه بس جنبك دا انت معروف بالدقة على مستوى ميري قتالي عالي أوي :p