تكيهات

[hassanin_lada]

السلام عليكم ياشباب

كنت جاي النهارده اسأل عن التكيهات وازاي اعرف ان العربيه عاوزه تتظبط تكيهات ؟؟

وكمان انا لما اجي ادور العربيه الصبح بدري العربيه بتدور علي طول لكن لما بتبقي سخنه لازم وانا بدور ادوس بنزين هل ده ليه علاقه بالتكيهات ولا دي كهربة متور ولا ايه ؟؟

منتظر ردودكم ويارب تفيدوني والسلام ختام

اخوكم /احمد حسنين

[ahmdmagdy]

انا متابع معاك عشان انا عندي العربيه بتعمل نفس الحركه لما تبقي بارده بتدور هوا لما تبقي سخنه لازم سنه بنزين او ممكن تدور بس بتطول شويه

[hassanin_lada]

منور ياريس :d

[ahmed_gamal777]

مكاوى تخصص تكهيات واحسن واحد يفيدك
من علامات التكهيات الى مش مظبوط - سخونة المكنة - واستهلاك اعلى فى البنزين - وعدم وجود سحب

[hassanin_lada]

ههههههههههههههه ده انا عندي عكس كده خالص .. المكنه بتسخن بالعافيه والسحب ولا اتخنها عربيها زيرو اقل سنة بنزين بتلاقي العربيه بتفلك :d بس الاستهلاك مش عارف

وفي انتظار استاذنا الكبير مكاوي

[MEKAWY2000]

مكاوى تخصص تكهيات واحسن واحد يفيدك
من علامات التكهيات الى مش مظبوط - سخونة المكنة - واستهلاك اعلى فى البنزين - وعدم وجود سحب

من بعض ماعندكم تكرم بس انا متعلم منك يابو جمال دانت مدرسه اقصد موسوعه علم بالصور
بس مشاكل التكيهات هى سخونه الموتور لو التكيهات مغلقه زياده واستهلاك بنزين ولو مفتوحه تسمع دوشه عاليه ورزعوخبط والزى منه على السرانسيه اما الشكوى دى سرعه الدوران الصبح وتاخير والسياره سخنه ودى طبعا عيب كهرباء ابتداء من الموبينه او الابلاتين وعاده هتلاقى الكهرباء ماخره سنه ودى مشكله بسيطه هيروح للميكانيكى يبص على الابلاتين ويفتح الابلاتين من الصنيه سنه والافضل انه يركب ابلاتين ريشه عريضه

[hassanin_lada]

من بعض ماعندكم تكرم بس انا متعلم منك يابو جمال دانت مدرسه اقصد موسوعه علم بالصور
بس مشاكل التكيهات هى سخونه الموتور لو التكيهات مغلقه زياده واستهلاك بنزين ولو مفتوحه تسمع دوشه عاليه ورزعوخبط والزى منه على السرانسيه اما الشكوى دى سرعه الدوران الصبح وتاخير والسياره سخنه ودى طبعا عيب كهرباء ابتداء من الموبينه او الابلاتين وعاده هتلاقى الكهرباء ماخره سنه ودى مشكله بسيطه هيروح للميكانيكى يبص على الابلاتين ويفتح الابلاتين من الصنيه سنه والافضل انه يركب ابلاتين ريشه عريضه

مش ممكن لما تكون مفتوحه زياده تاخد فتره عشان تسخن ؟؟

انا بتطول معايا عشان تسخن وفي عز الحر كانت مابتجيش النص ابدا


بخصوص الكهربا انا كل ماغير طقم الكهربا وبردو مافيش فرق يعني بتدور بسرعه الصبح ولما تسخن لازم ادوس بنزين قولت ستين مره للميكانيكي (هما كذا ميكانيكي ) قدملي ام الكهربا شويه وبردو زي ماهي ؟؟


الابلتين العريض ده عبارة عن ايه ؟؟ وهل في نوع بيتباع معاه فزلين موصل للكهرباء عشان يقلل لدعان الالبلتين (كنت قريت عنه قبل كده )

فالاخر مش عارف اقولك ايه ياستاذ مكاوي لان كل يوم بستفاد منك حاجه جديده

[mecynono]

اعتقد ان مشكله حضرتك فى رضاخ البنزين مش فى الكهرياء لأن لما العربيه تسخن طرمبه البنزين يتضعف ولو عايز تتأكد حتلاقى تحت الرضاخ فى دراع صغير اسحبه لفوق ودور العربيه حتلاقيها دارت معاك فى اقل من ثانيه

[MEKAWY2000]

اكشف على الموبينه موبينه التكرير ممكن تكون لما تسخن تضعف فى الكهرباء