العربيه بتدور بمزاجها

[husam169]

السلام عليكم ورحمة الله وبركاته
لو سمحتوا يا جماعه انا عندي مشكله غريبه ف العربيه
لادا 2107 2004 مصري
العربيه مش بتدور الصبح كانك بتدور علي الفاضي او كان العربيه مفيهاش بنزين وبعد الضهر او اما الجو يحرر شويه تدور عادي من اول مره ولا كأن فيها مشكله
ياتري ايه السببب الميكانيكي غير البوجيهات ولسه نفس المشكله
اللي يعرف ايه المشكله يقولي من فضلكم
وشكرااااا

[maio_do]

اتاكد من البطارية يا معلم

[hassanin_lada]

ممكن تكون الطرومبه بتاعت البنزين

[MEKAWY2000]

راجع الاول طلمبه البنزين بس ده ضعيف شويه لان الكاربرتير بيبقى محضر بنزين لاكن الاساس كله بيكون طقم الكهرباء

[husam169]

الفكره زي مبقول لحضراتكم انها اما بتسخن مع الجو وبتدور عادي ولا كأن فيها مشكله
انا محتار بصراحه

[OussamaShaaban]

انا كنت سامع من واحد انك بتغير شكل العمه اللى فوق المتور فى اتجاة معين زى ال 128

يعنى العمة دى لها وضع معين للصيف و وضع معين للشتاء

ده اللى اعرفة

[hassanin_lada]

ماهي الفكره ان الصبح الطرومبه بتبقي بارده فامش شغاله كويس ومش بتحضر معاك كويس عشان كده مش بتدو لكن لما بتمشي بيها شويه بتسخن وبتبدا تشتغل كويس

[husam169]

مبمشيش بيها ولا حاجه هي اما الشمس بتطلع عليها شويه بتشتغل لواحدها

[hassanin_lada]

مممممممممممممممممممممم لا دي بقي تعملها زار :d

[husam169]

هههههههههههههههههه راكبها عفريت باين انا مش عارف هي اصلا الساعتين في الشمس دول مش هيسخونها غري حاجه بسيطه جدااااا...ممكن يكون سبب ايه تاني غير السخونه

[husam169]

اخر حاجه عملتها ف العربيه قبل الموضوع ده باسبوع الميكانيكي فك الكربراتير وغير البيكات كانو 112و125 بقوا115و 120 وربط الباب التاني لغاه يعني

[husam169]

تم حل المشكله بفضل الله .غيرت حاجه اسمها موبينة الكهربا ب90 جنيه وبقت بتدور الصبح عادي

[ahmed_gamal777]

تمام وربنا يبارك ليك - افهم من كدة انها بوبينة الكترونى ؟

[MEKAWY2000]

ولو الموبينه الكوز ياحمد باشا هو نفس الكلام الى دار بينا من فتره عمليه تاخير الدواره والسياره سخنه بس الحمد الله ان الواحد تقريبا ممكن يفتح ورشه بقى ايه رايك ههههههههههههه

[MEKAWY2000]

ماهي الفكره ان الصبح الطرومبه بتبقي بارده فامش شغاله كويس ومش بتحضر معاك كويس عشان كده مش بتدو لكن لما بتمشي بيها شويه بتسخن وبتبدا تشتغل كويس

الطلمبه على رداخ وليس لها علاقه وعطل الطلمبه ضعف الرداخ او ثقب فيه