زرجينة لادا 2107

[joseph661]

دلوقتى روحت للراجل بتاع الزوايا قالى هتروح للسمكرى هتقوله العجلة اليمين ماخرة مش عارف 1.5 سم من الداحل ومش عارف العجلة الشمال 1.5 من الخارج وحاجات غريبة كدة وانا الصراحة خايف اعمل شغل فى العربية من تحت علشان ده اكيد هياثر على سعر اعادة البيع
فا انا عايز نصيحة لو حد حصل معاه الموضوع ده

مع العلم العربية فيها تعويمة خفيفة

هو انا اشترتها مستعملة ومغيرتش لسة اى حاجة فى العفشة
فايارييت تقولولى اعمل اية فى موضوع الزرجينة بتاعت السمكرى دية وهتاخد وقت قد اية وفلوس قد اية

[MEKAWY2000]

لما تروح تعمل زرجينه للسياره يبقى انت بتعدل الحدفه ومش هياثر على السياره فى شئ بتاتا لانك لما تيجى تبيع المشترى يحس بيها وهتلفت النظر لشئ خفيف مش هيعيب السياره ومش هيظهر لان الزرجينه مش بتعلم فى حاجه وتكلفتها حسب شغلها من 100الى 150

[joseph661]

هو الموضوع انا مش عارف هو بتاع الزوايا يقصد اية وبيقولى بتاع السمكرة هينزل الموتور وحاجات غريبة كدة
وقالى هو بيعمل زرجينة ب 100 جنيه بس بيقولى هتروح لبتاع السمكرة هيقدم العجلة الشمال 1.5 سم واليمين نفس الكلام او ازيد شوية مش فاكر من فوق لتحت وحاجات غريبة كدة

وبجد شكرا جدا لحضرتك

[MEKAWY2000]

متابع

[speed_magnum]

انا برضه عاوز شرح مبسط للزرجينه وطريقة عملها. لاني مش فاهمها خالص

[hassanin_lada]

اللي اعرفه

عارف لما الباب بيبقي مش مستريح في القفل فايقعد السمكري يلوح فيه حبه او يرفعه لفوق عشان القفل يستريح !!

الزرجينه كده بردو بيعلق سلبه او سلسله في المقص وبيزيح العربيه لقدام او لوره حسب ماهو عاوز بحيث يريح الوضعيه بتاعت المقص لبتاع الزوايه ويظبطها وهو مرتاح وتطلع مظبوطه ده علي حد علمي وفي انتظار راي باقي الاعضاء

بس انا مش عارف ليه هي غاليه كده !!

[joseph661]

الف شكر بجد يا جماعة بس يارييت لو حد يعرف تكلفة السمكرى وتكلفة بتاع العفشة لو عمل الزرجينة ؟؟

[hassanin_lada]

خلي بتاع الزوايا احسن عشان مايفعدش يقولك ده السمكري ماظبتهاش ولا مش عارف ايه


عشان الشغل كله يبقي بتاعه ولو في حاجه ماتظبتتش يبقي هو اللي قدامك مش يمطوحو فيك

[ahmed_gamal777]

راى 10/10

[hassanin_lada]

راى 10/10

تلميذك ياستاذ احمد