Tweet
سلام عليكم ،،،
من فترة كان عندي صوت تزييق في العجلة الشمال و أنا بألف فروحت للميكانيكي قاللي طقم البيض عاوز يتغير و نزل يبص شوية تحت العربية قاللي هنحتاج كمان دراع مناول و جلب مقصات و كاوتش معرفش ايه كده .. المهم روحت جبتهم و سيبت له العربية ركبهم و جيت استلمت منه تاني يوم و قاللي العربية خلصت بس عاوزة ظبط زوايا .. المهم أخدتها و رحت ظبطت زوايا و الصوت كان راح و العربية عفشتها بقت احسن كتير بس المشكلة بقى ان اللفة بتاعة العربية بقت واسعة جداً !!
يعني لما آجي آخد يوتيرن مثلاً كسرة الدريكسيوت بقت ترميني في نص الشارع .. زمان كنت بألف جنب الرصيف على طول دلوقتي الوضع بقى كارثي جداً .. المهم رحت تاني للميكانيكي و الراجل فضل مصر انه شغله تمام و العيب في الراجل اللي ظبط زوايا .. رحت عند واحد غيره أظبط زوايا قاللي الزوايا عندك زي الفل !!
رحت لميكانيكي تاني قاللي دراع المناول اللي ركبته ده قصير فهو اللي مضيق اللفه .. دلوقتي أنا مش عارف هل الكلام ده صح ولا غلط ؟ و دراع المناول ده بيعمل ايه أصلاً ؟ و لو عاوز دراع مناول زي الأصلي اللي كان فيها أجيبه منين ؟ .. و حد يعرف يوصف لي عفشجي كويس يعمل الحكاية دي يكون في محيط أكتوبر - الدقي - المهندسين ؟
العربية لادا 2107 مصري 2008
من فترة كان عندي صوت تزييق في العجلة الشمال و أنا بألف فروحت للميكانيكي قاللي طقم البيض عاوز يتغير و نزل يبص شوية تحت العربية قاللي هنحتاج كمان دراع مناول و جلب مقصات و كاوتش معرفش ايه كده .. المهم روحت جبتهم و سيبت له العربية ركبهم و جيت استلمت منه تاني يوم و قاللي العربية خلصت بس عاوزة ظبط زوايا .. المهم أخدتها و رحت ظبطت زوايا و الصوت كان راح و العربية عفشتها بقت احسن كتير بس المشكلة بقى ان اللفة بتاعة العربية بقت واسعة جداً !!
يعني لما آجي آخد يوتيرن مثلاً كسرة الدريكسيوت بقت ترميني في نص الشارع .. زمان كنت بألف جنب الرصيف على طول دلوقتي الوضع بقى كارثي جداً .. المهم رحت تاني للميكانيكي و الراجل فضل مصر انه شغله تمام و العيب في الراجل اللي ظبط زوايا .. رحت عند واحد غيره أظبط زوايا قاللي الزوايا عندك زي الفل !!
رحت لميكانيكي تاني قاللي دراع المناول اللي ركبته ده قصير فهو اللي مضيق اللفه .. دلوقتي أنا مش عارف هل الكلام ده صح ولا غلط ؟ و دراع المناول ده بيعمل ايه أصلاً ؟ و لو عاوز دراع مناول زي الأصلي اللي كان فيها أجيبه منين ؟ .. و حد يعرف يوصف لي عفشجي كويس يعمل الحكاية دي يكون في محيط أكتوبر - الدقي - المهندسين ؟
العربية لادا 2107 مصري 2008
Comment