مصنعيه العفشجى

[ahmedalramy]

يا جماعه هى مصنعيه العفشجى كام لو هيغير جلب المقاصات و يربط العفشه
اصلى حاسس انه استعبطنى النهارده مع انى شغال معاه و اسعاره كانت تمااااام قوى بس مش عارف ايه اللى حصله النهارده
.
.
.
.
.
.
.
.
.
.
.
.
.
.
خد مصنعيه 100 جنييييييييييييييييييييييييييييييييييه

[help4me]

لا طبعا متهياللى كتير
كان كفاية 50 او 70 جنيه
معلهش ربنا يعوض علينا جميعا و يخلف بالخير

[bedos]

جلب وتربيط عفشه انا بديله 25 جنيه في عربيه دايو
وشغل نضيف جدا

[hassanin_lada]

بعد اذنكم ياجماعه

حضرتك انت غيرت جلب مقصات فوق وتحت ولا فوق بس ؟


لو فوق بس يبقي غالي طبعا لكن لو فوق وتحت يبقي تمام اوووووووووي لانه كده يعتبر فك العبشه كلها

[ahmedalramy]

لا هو غير الجلب اللى تحت و قالى اللى فوق حالتهم كويسه و خساره يتغيروا لأنهم الفبريكه بتوع العربيه مع انى جبت الطقم كامل فوق و تحت و الصراحه هو فك العفشه كلها و المقصات كان فيها مسامير مفوته شلهم و غيرهم
يعنى خد شغل حوالى ساعتين و نص

[hassanin_lada]

لا لا يبقي معقوله .. اصل كمان مش معقول نقول انه كسل انو يركب اللي فوق لانهم مش هياخدو معاه ربع ساعه .. مبروك علي جلب المقصات وتدوبهم في عرق العافيه ياباشا

[ahmed_gamal777]

مصنعية كويسة على الشغل
من 80 الى 120ج

[ahmedalramy]

طيب كده الواحد ارتاح شويه شكرا على المشاركه

[MEKAWY2000]

هو التسعيره هنا فى مصر فك الجنب الواحد 40جم يبقى الجنبين80 وتربيط عفشه كده معقول فى القاهره هو السعر ده الى ماشى بسى فى راحه السياره مش مهم المهم انك تحس ان السياره واقفه صح الف مبروك وربنا يكفيك شرها