زوبه بعافيه حبتين!

[A7medelfe2y]

الموضوع ببساطه ان انا عندي تاكسي لادا روسي 2107 موديل 2007 وشغال في طنطا بس استهلاك البنزين علي جدا يعني في الورديه بتاكل بنزين ب25-30 جنيه مع العلم انها كاربيراتير والورديه يعني 8 ساعات وكل ما اسأل صاحب تاكسي تاني يقولي انها بتاكل من 13-16 جنيه في الورديه وطبعا السواقين زعلانينت من الوضع دا لان البنزين عليهم هما
الي انا عايز اعرفه بقي هل الافضل اني اغير الكاربيراتير بواحد تاني ويكون جديد صيني ولا واحد استاندرد وسعره كام عندنا في طنطا ومنين؟
ولا اعمل عمره كاربيراتير وبتتكلف كام وعند مين ؟

[ibnelfared]

بص حضرتك أطلع على متخصص كويس للكربراتيرات عندكم وخليه يشوف أيه المشكلة لو قالك أن الكاربراتير ضايع خالص فهات واحد جديد أو ممكن أستيراد وتجربة .
وطبعا كلة يرجع لميزانيتك وطمنا أيه الأخبار

[hassanin_lada]

مش تتحسب كده

هي في الصفيحه بتمشي معاك كام كيلو ؟؟

وبعدين طريقة سواقتك ايه ؟ هادي ولا بتقرص ؟

اخبار مؤشر الايكون ايه علي طول علي الاحمر ولا محافظ عليه علي الاخضر ؟؟

طقم الكهربا اخر مره غيرته امتي ؟؟ هل انت مقدم الكهربا عشان السحب وكده ولا ايه ؟


حاول جاوبنا عشان نساعدك عشان لو لعبت في الكاربرتير مش هيرجع زي الاول خالص وممكن تحتاج انك تغيره وسعره في حدود 1000 جنيه

[MEKAWY2000]

شوف ورشه كاربرتير واعمل العمره مش هيكلفك 200جم كله انما لو فيه جزء فى الكاربرتير مكسور ومينفعشى يتصلح يبقى الجديد او الاستيراد الجديد بيعمل 1000جم والاستيراد انت وشطارتك ممكن 500 او 400

[A7medelfe2y]

شكرا لكل الي ردوا
وانا عملت العمره عند العمده الي عندنا في طنطا ومكانه ع طريق المعاهده والتكلفه كلها 165 جنيه مصنعيه بجوانات بكل حاجه واستهلاك العربيه بقي الحمد لله كويس جدا وبقت بتفول ب 13 جنيه وتمشي بيهم في حدود 130 كم جوه البلد لانه تاكسي طبعا بس ع الطوالي بقي لسه محسبتهاش
واي تفاصيل انا تحت امركوا

[hassanin_lada]

الف مبروك ياباشا بس انا مش عارف الاسعار عندكو عاليه ليه !!

انا عملت اكس وبابا وبكل حاجه بالمصنعيه وكلفتني 85 جنيه ولتر بنزين بس !!

[ABO MALEK]

بص حضرتك أطلع على متخصص كويس للكربراتيرات عندكم وخليه يشوف أيه المشكلة لو قالك أن الكاربراتير ضايع خالص فهات واحد جديد أو ممكن أستيراد وتجربة .
وطبعا كلة يرجع لميزانيتك وطمنا أيه الأخبار

ده كلام سليم ..هتلاقى البيكات اللى فى الكربراتير عايزة صيانة المركز هتلاقيه فاهم كده.

[MEKAWY2000]

الف مبروك وده الاستهلاك الطبيعى بتاع الادا

[hassanin_lada]

الف مبروك وده الاستهلاك الطبيعى بتاع الادا

ياما نفسي :b4_556:

[A7medelfe2y]

شكرا لمتابعتكوا
بس انا سألت عند اكتر من واحد عندنا في طنطا ولقيت السعر من 150-200 ممكن يكون في مكان تاني اقل بس في طنطا معتقدش
بس المهم ان زوبه بقت بخير والسحب بتاعها بقي كويس والاستهلاك قل ومعدتش بتتخنق والسلانسيه بقي ثابت والدخنه راحت كانها لسه معمره والاهم اني خلصت من وش السواقين بتاع كل يوم عشان استهلاك البنزين (الحمد لله)

[A7medelfe2y]

طيب بالمناسبه بقي عايز اعرف سعر الموتور والفتيس كام ومنين وسعر كل واحد لواحده كام وسعر المارش والكارونه

[A7medelfe2y]

انا كنت مغير من شهر الديسك والاسطوانه والليه والفورش وحاجه كمان جبتهم من عند شلبي ب280 جنيه ومصنعيه تركيب 60 (انا قولت افيد الاخوه بحاجه من الي عملته)