إعلان هام .... تم إنضمامي رسميا للنيفاويه ... هيصو يا ولاد

[speed demon666]

السلام عليكم ورحمة الله وبركاته

أول إمبارح إستلمت عربيتي اللادا نيفا من صاحبها و الحمد لله ربنا وفقني و عوض صبري خير و وقعت في واحده حالتها جيده جدا .... هي موديل 96 و الحمد لله مفيهاش مشاكل و الراجل كان شايل فتيس الغرز و سلمهولي مع العربيه و كوتش عريض و ممكن تقريبا مفيهاش شغل يعني لو عايز أركب على كده ممكن ... بس انا لازم أحط التتش بتاعي ... يعني حته بور على جنط على بكيتتات كده يعني أحس اني ليا دور معاها هههههه

المهم انا عايز أعرف العلبه بتاعت البور للشكل الجديد بتركب عليها ؟ و لا أجيب اللي هي 5 بليه ؟
و كنت عايز أعرف المقاس الأصلي للكاوتش علشان أعمل الحسبه بتاعته

و إدوني كده شويه أراء أعمل فيها ايه جديد

و شكرا

[ahmedesmat1987]

اى حاجه نيفا تركب عليها والخمسه بليه كويسه بس مشكلتها انها مبتعمرش ........... المشكله دلوقتى فى التعديل بتاع الغرز لانو بظهر ليه مشاكل بس مش دلوقتى ............. المهم الف مبروك ويكفيك شرها

[speed demon666]

الله يبارك فيك يا باشا ... هو بالنسبة للفتيس هو حاليا متشال بس الراجل إداهولي في حالة لو انا عايز اني أشغله ... اما بالنسبة للعلبه كده أجيبها البور بتاعت الجديدة و لا رأيك ايه ؟ طالما ان ال5 بليه مش بتعيش

[S O P H O S]

الف مبرووووك
ربنا يباركلك فيها ..

[MEKAWY2000]

الف مبروك بس الخمسه بليه شغاله زى الفل لاكن البور افضل ومكلف طبعا ويستحسن والافضل لو هتركبه يبقى التوكيل وسعره فى التوكيل 3500وبره ومش هيبقى جيد وممكن مايفصلشى عند 90 ب2500 وربنا يوفقك

[hassanin_lada]

مبروك عليك الشقا ياباشا

[speed demon666]

الف مبروك بس الخمسه بليه شغاله زى الفل لاكن البور افضل ومكلف طبعا ويستحسن والافضل لو هتركبه يبقى التوكيل وسعره فى التوكيل 3500وبره ومش هيبقى جيد وممكن مايفصلشى عند 90 ب2500 وربنا يوفقك

لو السعر كده أعتقد ان ال5 بليه أحسن ... و نأجل البور شويه

[MEKAWY2000]

طبعا اكيد انك تستنى لما تشوف السياره ناجحه معاك ولا لا

[zega332]

الف مبروك وربنا يكفيك شرها
موضوع علبة الدريكسيون لو الي فيها حالتها كويسه يبقى سيبها احسن لأن الخمسه بليه قليله واسمها فى الاخر مستعمله وطبعاً الجديد شديد
الكاوتش الاصلى بيبقى 175 /80 مع الجنط انا مركب 235/65 وبرضه 215/65 كويس ومجربه بس اهم حاجه متكونش السوست مقصوصه. فى انتظار الصور والجديد الي هتعمله

[speed demon666]

السلام عليكم ورحمة الله وبركاته

أحب أعرفكم بمونيكا

[speed demon666]

عايز رأيكم يا شباب

[M!NA]

الف مبروك عليك العربية شكلها جميل جدا.... ربنا يحفظهالك و يباركلك فيها

متركبش فتيس الغرز .. عشان متكتفش العربية.... خليها كدا حرة أحسن....

و سيبك من الباور حاليا.... ما دام هيكون مكلف اوي.... خليها كدا على طبيعتها

اهم حاجة ... التشحيم و الغسيل.... بصورة دائمة ... عشان ديه من أساسيات الصيانة الدورية بتاعتك

[MOSHAKS]

ربنا يباركلك فيها .. شوفتها اول لما جبتها لما نزلت صورها على الجروب فى الفيس مبرووووووووك عليك يادرش

[rafe3_dent]

ممكن اعرف جبتها بكام ؟
انا بدور على واحدة كويسة وعايز اعرف اسعارها ايه

[ABO MALEK]

مبروووووووووووك يا باشااااا