استهلاك بنزين غير عادى

[smsm061274]

سيارتى 2105 موديل 1995 اعانى من الاتى
1-استهلاك البنزين وصل ل80 كم قى الصفيحه.
2-وجود دخنه بيضاء من الشكمان غند القرص.
3-صوت الموتور عالى جدا
الميكانيكى علاجه طقم شنبر + طقم الدبرياج وتكلفتهم 1200جم.
الاستفسار هل هناك علاقه بين زياده استهلاك البنزين وطقم الشنبر.
هل السعر مناسب .

[hassanin_lada]

خلينا نبدأ حاجه حاجه

دخانه بيضه : هل العربيه بتنقص زيت ؟؟ وكل قد ايه ؟؟ وبزود قد ايه ؟؟
طقم دبرياج : اكيد انت عارف عربيتك لو حاسسها مخنوقه ومش ماشيه يبقي وبنزين وصوت علي الفاضي يبقي طقم دبرياج اكيد

استهـــــــــــــــــــــــــــــلاك البنزين : طبعا استهلاك عالي جدا يبقي تروح لحد متخصص يبصلك عليه فالاول اتعدل الاستهلاك كان بها ماتعدلش يبقي الدبرياج

ولو ميزانيتك سامحه يبقي طقم شنبر نظافه للعربيه

اه ممكن يكون الشنبر ضعيف والكبس ضعيف بس مايوصلش لاستهلاك البنزين ده

خليك في الكاربرتير والدبرياج

[smsm061274]

شكرا يا جميل على الرد والحقيقه يوجد نقص بالزيت لاحظته مؤخرا لكن مزودتش حاجه لانه لسه فوق الحد الادنى علما بأنه تم تغيير الزيت من 3200 كم علما بوجود تجمع زيتى عند فوهه فتحه الزيت.
اما بالنسبه لمتخصىصى الكاريتير فأنا معرفش حد هنا فى الاسكندريه وبفكر اروح التوكيل واسيبله العربية.

[MEKAWY2000]

دخنه بيضه يبقى شمبر الكبس دخنه زرقاء شمبر الزيت وكلا الحالتين طقم شمبر اما الدبرياج لو فى رجه فى السياره اثناء الطلعه يبقى طقم دبرياج كامل وكمان تدوس بنزين السياره صوطها يعلى ومتسحبش وممكن تلاقى استهلاك البنزين عالى من الكاربرتير وطقم الكهرباء وكمان ايه الزيت الى انت بتغيره على 3200كم ممكن يكون زيت رديئ على شان كده بيبخر منك

[smsm061274]

انا بستعمل زيت توتال 5000

[speed demon666]

نفس المشكله عندي في النيفا .. بس واحد كشف عليها و قالي مفيهاش حاجة و التاني قالي طقم شنبر ... انا مش عارف أصدق مين فيهم

[SHNORY]

مش شرط ان الموتور الخفيف ياكل بنزين
انا كان موتوري زمان خفيف وكانت بتعمل 220 كيلوا في الصفيحه
جرب تظبط الكربراتير والكهربا بتاعه العربيه
والكهربا قبل الكربراتير
ونصيحه
سيبك من العمرات
اشتري موتور وخلي القديم عندك ولو مش حتخلي القديم عندك يبقي تفك منه كل حاجه ممكن تتفك
اسبراتير - كربراتير - دينامو -
وحتي لو حتجيبه من غير جيربوكس فهو بييجي باسطوانه وديسك
وريح دماغك من قرف الصنايعيه ووقفتهم والتليين وكل ده
والموتور بييجي بضمان اسبوع او شهر لو فيه مشكله تغيره

[smsm061274]

الف شكر على الرد لكن طالما حضرتك من الاسكندريه متعرفش مكان ممكن اشترى منه موتور ويكون فى حدود كام؟

[SHNORY]

الف شكر على الرد لكن طالما حضرتك من الاسكندريه متعرفش مكان ممكن اشترى منه موتور ويكون فى حدود كام؟

فيه زغلول في الحضره ودا لو تحب تروحله كلمني واجي معاك
وفيه الجماعه بتوع صلاح الدين
بس معرفش الاسعار بالظبط كام اظن 2000 او اقل

[MEKAWY2000]

مش شرط ان الموتور الخفيف ياكل بنزين
انا كان موتوري زمان خفيف وكانت بتعمل 220 كيلوا في الصفيحه
جرب تظبط الكربراتير والكهربا بتاعه العربيه
والكهربا قبل الكربراتير
ونصيحه
سيبك من العمرات
اشتري موتور وخلي القديم عندك ولو مش حتخلي القديم عندك يبقي تفك منه كل حاجه ممكن تتفك
اسبراتير - كربراتير - دينامو -
وحتي لو حتجيبه من غير جيربوكس فهو بييجي باسطوانه وديسك
وريح دماغك من قرف الصنايعيه ووقفتهم والتليين وكل ده
والموتور بييجي بضمان اسبوع او شهر لو فيه مشكله تغيره

الموتور الاستيراد من ناحيه رايي مش موافق عليه ولاسباب كتير المشكله مش تليين ولا قرف ميكانيكى الاستيراد ممكن بعد سنه عايز يعمل شمبر او يخرط يبقى انا ضاعفت التكلفه انما لو عمرت الموتور على يدى هبقى عارف ايه الى اتعمل فيه والصح ايه والخطاء فين

[wleed.atef]

السلام عليكم عندى السيارة لادا 2105 موديل 1995 سعة الماتور 1200 ccبتستهك فى 20 لتر مسافة 157 كجم
وتم عمل عدد 2 باب واكس منذو اسبوع بتكلفة 230 جم وجارى متابعة السيارة فى عدد الاستهك

[wleed.atef]

مع العلم ان سعر الكابراتير 200 جم استعمال خارج بس الصنايعى قالى ان الاستعمال يتم ظبتة وعمل اكس لة

[wleed.atef]

ممكن اركب عداد epm فى السيارة 2105 ويتم تركيبة فى اى منطقة فى التابلوة وعواز اغير كراسى السيارة بكراسة 2107 هلى يتم التركيب بدون تغير فى مجارى الكراس او لحام اى شى مع الشكر لجميع العاملين على المنتدى وكل عام وانت بخير

[hassanin_lada]

ممكن اركب عداد epm فى السيارة 2105 ويتم تركيبة فى اى منطقة فى التابلوة وعواز اغير كراسى السيارة بكراسة 2107 هلى يتم التركيب بدون تغير فى مجارى الكراس او لحام اى شى مع الشكر لجميع العاملين على المنتدى وكل عام وانت بخير

ممكن بس هيبقي خارجي وهتلاقيه عند بتةع الاكسسوري

بالنسبه للكراسي بالمره بدل مانت هتغير شوف حاجه احسن من بتوع الادا لانهم منظر بس ومش مريحين خالص

[MEKAWY2000]

كراسى الادا كها واحه لا تغيير الفرق بين الكرسى العادى وده افضل من الكرسى التياره