تغيير خريطة تابلوة لادا

[lada2010]

الكل يعرف ان لادا انالوج فى العدادات مشروع باق عايزين نقلب العدادادت كلها ديجيتال من ساعة وحرارة وبنزين وار بى ام وزيت والله لو اتعمل العداد كدا هيباق حاجة تحفة كل متطلبات المشروع فنى الكترونيات واعطى لة احتياجاتة

[aw2100]

الكل يعرف ان لادا انالوج فى العدادات مشروع باق عايزين نقلب العدادادت كلها ديجيتال من ساعة وحرارة وبنزين وار بى ام وزيت والله لو اتعمل العداد كدا هيباق حاجة تحفة كل متطلبات المشروع فنى الكترونيات واعطى لة احتياجاتة

المشكلة اكبر من كدة علشان تحول عداد انالوج اللى ديجيتال انت مش عاوز فنى الكترونيات بتاع صيانة اجهزة حضرتك عاوز مجموعة مهندسين متخصصه فى مجال الألكترونيات على دراية كبيرة فى مجال التحكم الألى وبرمجه الميكروكنترول ودة علشان يعمل تعديل كامل لدوائر العداد علشان يناسب الحساسات اللى موجودة فى اللادا سواء للبنزين او الحرارة او السرعة او الrbm وعلى فكرة انا كنت بافكر فى التعديل دة فعلا ودة لكل الموديلات القديمة وممكن تضيف امكانيات كتير فى التعديل بمعنى انك تخلى العدادات بشاشة الوان 7 بوصة بعرض جرافيك بس المشكلة مش فى التنفيذ المشكلة فى التسويق وانت محتاج كام الف عداد علشان التعديلات دى بتتكلف مجهود فى التصميم وبرمجة وحدة الكومبيوتر اللى بتقوم بكل الوظائف مع التعديل لخروج النتائج للشاشة والتعديلات على مداخل الحساسات وهى مش مستحيلة بس مكلفة وربنا يوفق الشباب علشان انا نفسى اننا نصنع عربية او حتى موتوسيكل مصرى تصنيع مش تجميع ورنا المستعان !!!!

[hassanin_lada]

هو في حاجه قريبه من كده وهي ان تابلوه الادا فقير جدا من الخامات وحتي العدادات يعني ممكن تلاقي مؤشر البنزين مش مظبوط او مؤشر السرعه بيتهز

فكان الادستاذ مكاوي ذكر اننا ممكن نغير التبلوه بواحد بتاع اوبل كورسا واعتقد دي هتبقي نقله في شكل العربيه من جوه

بس لو الاستاذ مكاوي تكرم واضاف معلومات عن سعره وموديل كام

وهل في تعديلات ولا هيركب علي طول يبقي جزاه الله كل خير

ومتابع مع حضرتك موضوع الالكترونيات بس لو مكلفه مش هيبقي في اقبال لان ميزة الادا رخص قطع الغيار وهي اصلا للطبقه الفوق الفقيره

[MEKAWY2000]

تابلوه الاوبل كورسا98 بيركب اسطمبا على الادا او ال128 بس بيحتاج شويه تعديل فى مسامير التابلوه وسلك السرعه وفيش الكهرباء بس الى يخلينى اشترى تابلوه ب2000 لا اصرفهم على هموم المشاكل الى داخله علينا انا فكرت ودرست الموضوع بجديه وسخنت واحد حبيبى وفعلا اشترى وركب وتمام المشكله الى قابلته طول سلك العداد بتاع السرعه جه قصير شويه اطر يعمله عموله ونفع معاه لاكن فى حاله العطل هيطر يعمله تانى وده بياخد يوم كامل على مايتعمل لانه بيصب على الواير نحاس ويخرط ويربع فلم كده مش ظريف فى الايام دى بس فى حاجه تانيه بردو بصيت عليها طابلو الفرنا خت مقاسه ولقيته قريب شويه لاكن ارتفاعه مش هيبقى مناسب وكمان له عب من ناحيه اليسار هتعوق القياده فى البنزين والفرامل والدبرياج وربنا المستعان لو عرفت او الاستاذ احمد جمال رفع مقاسات التمبرا ممكن يكون مناسب ولا لا مستنى رده

[mazagngi2010]

http://www.nilemotors.net/Nile/187878-my-digital-speedometer-rpm-thermometer.html

[wleed.atef]

ممكن نركب فى السيارة 2105 تابلوة 2107 علشان عدادrpm

[MEKAWY2000]

ممكن بس هتحتاج دايره الrpmبتاعه الادا 2107

[ayman asd]

ممكن اعرف سعر تابلوه 2105 بكام كامل بالعدادات استيراد ومنين

[ahmed_gamal777]

بص يا كبير تابلوة التمبرا كبير شوية - ولكن الفارغة بتاعت العدادات ممكن يتعمل علية فارغة عمولة حسب التفكير وبالمناسبة بالنسبة لعداد البنزين وعداد الى rbm عرفت انة ممكن يركب الساعة بتاعتهما على الادا ولكن الباقى مش عارف

[MEKAWY2000]

متابع

[khaled.genius]

انا بعدل عربيتي اليومين دول وكمان عامل موضوع بالتفاصيل بالنسبة للتابلوه انا كنت بجيب حاجات للعربية من بور سعيد وكان فيه واحد بتاع لادا وجنبه بالظبط واحد تاني بتاع تابلوهات وكان فيه نص لادا عن الراجل بقيت اجيب معظم التابلوهات اللي موجودة جربت بتاع الفيرنا واللانوس وكذا حاجة اكتر واحد ظبط معايا وده اللي انا جبته بالقطمة بتاعة كمان وركبته وهرفعلكوا صورة ليه وهو راكب هو بتاع الكيا برايد لكن للاسف الونسولة بتاعته اللي هي عند عصاية الفتيس ما ركبتش فجبت كنسولة تاني بتاعة اكسن وركبتها تمام بكرة ان شاء الله ارفع لكم الصور

[velkouf]

هو دة الشغل ياباشا
فى انتظار الصور