تغيير الاسطوانه و الديسك

[ahmedalramy]

العربيه عندى حاسس ان سحبها مش كويس تعبان مع انى غييرت طقم الكهربا و نضفت الكربراتير و الموتور صوته بيعلى بعد التمانيين
فانا شاكك انها اسطوانه و ديسك
يا ريت حد يقولى مصناعية الميكانيكى كام و اسعارهم كام علشان الواحد يعمل حسابه

و بالمره الفتيس حاسس ان بقى خشن ....يعنى مش بينقل الغيارات بسهوله يا ريت حد يقولى ايه المشكله

مستنى الردود

[aldesha989]

والله انا عندى نفس المشكلة ومش عارف من ايه سحب العربيه تعبان مش قد ايه وخصوصآ لما يركب معايا حد
وصوت العربيه بيبقى وحش جدآ مع ال 60 وال 80 والعربيه علشان اجيب بيها 80 بحس انى بزق معاها علشان تجيبهم مش عارف من ايه

[ahmedalramy]

ايه ده طيب حد يقولى مساء الخير حتى

[MEKAWY2000]

مساء النور عليك انت بتقول انك شاكك فى الاسطوانه والدسك
اولا علو صوت الموتور بعد ال80 بيعنى ان السياره الصوت يعلى والسحب تقيل وده ماشى اسطوانه ودسك ودول يكلفوك استيراد بالتركيب 300 الى250 ولو جديد يكلفو 450 الى 500 لو عندك عداد rpmركز مع العداد شوف العداد بيعلى فى الrpm والسرعه واطيه ولا لا لان ممكن ده يكون عيب فى الكاربرتير والكهربا ومع كلا هل فى رعشه وانت طالع على الغيار الاولانى ولا لا لو فى يبقى اسطوانه ودسك وراجع الميكانيكى

[MaherZzZ]

بص يا باشا .. الاسطوانه بتبقي ف السحب وهتحس بيها اوى وانت علي مطلع كوبرى وتحس ان العربية سحبها مش حلو ... ياريت تغير ديسك واسطوانه احسن ومتتأخرش هما تقريبا الاتنين ف حدود 300 ل 400

لو لسة سحب العربية وحش روح لبتاع الكربراتير وخليه يظبط الحكاية دى .. لان فى ناس عشان البنزين ميسحبش بيبقي ضخ البنزين قليل حاول تعالج الموضوع دا .. وملوش علاقة علي فكرة انا سحب البنزين عندى قليل ومع ذلك سحب العربية كويس

[ahmedalramy]

مساء النور عليك انت بتقول انك شاكك فى الاسطوانه والدسك
اولا علو صوت الموتور بعد ال80 بيعنى ان السياره الصوت يعلى والسحب تقيل وده ماشى اسطوانه ودسك ودول يكلفوك استيراد بالتركيب 300 الى250 ولو جديد يكلفو 450 الى 500 لو عندك عداد rpmركز مع العداد شوف العداد بيعلى فى الrpm والسرعه واطيه ولا لا لان ممكن ده يكون عيب فى الكاربرتير والكهربا ومع كلا هل فى رعشه وانت طالع على الغيار الاولانى ولا لا لو فى يبقى اسطوانه ودسك وراجع الميكانيكى

شكرا يا ا/ مكاوى انا هاشوف كده راى الميكانيكى لكن انت ايه رايك بخصوص الفتيس

بص يا باشا .. الاسطوانه بتبقي ف السحب وهتحس بيها اوى وانت علي مطلع كوبرى وتحس ان العربية سحبها مش حلو ... ياريت تغير ديسك واسطوانه احسن ومتتأخرش هما تقريبا الاتنين ف حدود 300 ل 400

لو لسة سحب العربية وحش روح لبتاع الكربراتير وخليه يظبط الحكاية دى .. لان فى ناس عشان البنزين ميسحبش بيبقي ضخ البنزين قليل حاول تعالج الموضوع دا .. وملوش علاقة علي فكرة انا سحب البنزين عندى قليل ومع ذلك سحب العربية كويس

مشكور على الرد يا أ/ ماهر لكن ايه النواع الكويسه انا سمعت ان فيه تركى و ايطالى

[MEKAWY2000]

معلومات كويسه