عاوز ابيع الادا ومش عايز ابيع الادا

[MaherZzZ]

بسم الله الرحمن الرحيم

انا اسف يا جماعة انى هاتعبكم معايا بس ياريت تشاركونى عشان محتار اوى

انا عندى عربية لاادا روسي 2105 موديل 95 العربية فابريكه دواخل كلها معادا الحزام العربية فيها بطارية جديدة ومظبط المكانيكا كلها وسحبها ممتاز الماتور بتعها حالته ممتازة والعفشة غيرتها كلها السنة الي فاتت بس دلوقتى عاوزة شوية تظبيط انما انا مكسل اظبطه .. والصاج فى كام خبطه خفيفه برة وبردو مكسل اظبطه .. العربية معايا فوق الممتازة ومريحانى جدا .. بس انا زهقت من الخشن وعاوز اجيب حاجة ناعمة وتكييف وباور وكـدا وفى نفس الوقت خايف اعمل كدا اروح البس فى عربية اقول يارتنى ما بعت الي معايا .. ومش عارف اعمل اية .. شوية المصاريف الي ناقصيين عربيتى كلام فارغ .. وحتى لو مصرفتش عليها المصاريف دى هى ماشية والحمدلله كويسة .. انا محتار والمتاح ادامى

اكسيل .. وبرايد .. وسكودا فليشا .. واوبل كورسا

ياترى ابيع الاادا واجيب حاجة من دول ؟؟ ولا اخلى الادا احسن منهم ؟؟

[AlGazar2]

بص لو هتبيع اللادا انصحك بدايو لانوس احسن من الى فوق اكيد عربيه حلوه و ناعمه و موتورها بيستحمل و قطع غيارها رخيصه و على الطريق اثبت من الاكسيل
و مفيهاش مشاكل الاكسيل ولا صغر البرايد و الكورسا

[MaherZzZ]

ماهى المشكلة ان الانوس فلوسها بالنسبالي مش هاتبقي مناسبة دلوقتى .. انا عايز حاجة بردو متكونش غالية عليا

[mirra]

اللى تعرفة احسن من اللى ما تعرفوش...الادا 2105 موديل 95 عربية ممتازة و انت عارف كل مسمار فيها..اجل البيع لحد ما ربنا يكرمك و تشترى عربية اعلى و ياريت لو زيرو.

[hassanin_lada]

هتصوم تصوم وهتفطر علي بصله

اقرص علي نفسك شويه واصبر لحد ماربنا يكرم وتجيب حاجه نضيفه بالمره عشان مش كل يوم هتغير العربيه وحضرتك بتقول انها ماشيه زي الفل يبقي ماطرتش الدنيا

الانوس فعلا ممتازه وقطع غيرها رخيصه هي والا لانسر كرستاله ونفس السعر تقريبا والعربيتين ممتازين

[EngAhmedSakr]

ما تبعش قديم علشان تشتري برضه قديم
لان مع مصاريف البيع والشرا والمخاطره اللي هتاخدها وتخوفك من انك تقع في عربيه مش تمام وترجع تندم هتلاقيها مش جايبه همها

فنصيحتي اصبر شويه لما تجمع فلوسك وبعدين اشتري زيرو او عالأقل حاجه ماعداش عليها اكتر من 5 سنين علشان ما تتعبكش بمصاريف وتحس بانك اخدت نقله جامده فعلا

[MaherZzZ]

والله ياجماعة انا فعلا محتار وفعلا انا عارف كل مسمار ف العربية دى والحمدلله عالجت كل حاجة فيها .. لو روحت اجيب عربية بردو مستعمله هتقابلنى مشكلة المصاريف .. عشان كدا انا ميال فعلا انى استنى لحد ما اظبط نفسى واجيب حاجة احس بالفرق فيها ... انا اسف انى تعبتكم معايا بس نصيحتكم دى خلتنى اخد القرار ...

[Ahmed_BYD_F0]

والله انا كنت محتار زيك كده بالظبط

وبعد ما فرأت موضوعك اتخذت القرار ده وانشاء الله استنى شوية واشترى زيرو

[egyptiandiver]

دايو لانوس احسن

[MEKAWY2000]

متابع

[ahmedsrs]

بيع الادا حتى لو كنت عارف كل حاجة فيها فرق شاسع بينها وبين الانوس