استبيان أراء لأهل اللادا

[mohammed dodda]

الى اصحاب اللادا الموقرين : لو امامك واحدة 2110 وواحدة 2107 والاتنين حالة ممتازة من كله مكنة وعفشة وصاج وبوية الفابريكا ونفس سنة الموديل(2005-2006) والاتنين بنفس السعر تقريبا او ال110 ازيد شوية..هيكون ايه اختيارك؟ وليه ؟؟ الرجاء المشاركة بأرائكم ومشكورين مقدما

[mirra]

2107 الافضل من حيث سهولة الصيانة و توافر قطع الغيار و ان كانت ال 2110 اكثر راحة و رفاهية.

[MEKAWY2000]

2107 افضل من 2110 لسهوله الصيانه مع العلم يتقارب سعر قطع الغيار لاكن ال2107 من السهل تواجد قطع الغيار

[mohammed dodda]

تعليقين بس !!!!! فين رجالة منتدى الادا ياجماعة؟؟؟؟....عموما شكرا للأخين الكريمين اللى عبرونى واللى قدرت افهمه منكم ان مشكلة ال110 عن ال107 تنحصر فى :(صعوبة الصيانة-توافر قطع الغيار-سعر قطع الغيار).....بالنسبة للصيانة:يعنى مثلا الميكانيكية مبيفهموش فيها ويفهموا فى الهيونداى الجديد ازاى؟؟؟ وعلى فكرة ده استفسار حقيقى مش سخرية ولا حاجة....بالنبة لقطع الغيار بقى: المشكلة فى سعرها ولا توافرها؟؟ ولو توافرها أمال الرجالة اللى العربية معاهم بيعملوا ايه فى صيانتها مع العلم ان العربية ال110 منتشرة انتشار معقول-وده عندنا فى السويس- فما بالك بالقاهرة !!.....كل ما فى الموضوع انى لو قارنت مثلا بين اكسنت و110 لنفس الحالة العامة والموديل(مثلا 2005) هلاقيهم كجودة وكماليات متقاربين جدا بل بالعكس ال110 -على ما اسمع-اكتر متانة وقوة ومصفحة من تحت ونفس الكماليات من تكييف وباور وسنتر وزجاج كهرباء قدام ودى حاجات نازلة مع العربية اساسية سواء المصرى او الروسى.....تبص بقى ياسيدى للسعر لنفس الحالة وسنة الموديل تلاقى فرق مش اقل من10000 جنيه لصالح الاكسنت طبعا!!!!....طيب انا معايا 2107 وعايز اجدد مثلا..بالعقل :ايه اللى يخلينى ادفع الفرق ده كله فى عربية اضعف نسبيا من عربية زيها لمجرد ان نص البلد معاها العربية؟؟؟ ياريت اللى عنده ال110 او يعرف حد معاه العربية يشجعنا ويقولنا نظامها فى الصيانة ومدى توافر حاجاتها فعليا عشان بجد حراااام اللى بنعمله فى نفسنا ده!!!

[MEKAWY2000]

متابع معاك مع اختلاف وجه المقارنه بين الهيونداى والادا

[mohammed dodda]

متابع معاك مع اختلاف وجه المقارنه بين الهيونداى والادا

.....انا بقارن دلوقتى بين حالتين اعتقد انهم متقاربين فى السىسى والكماليات( وبكرر لنفس الحالة العامة شاملة حالة المكنة والعفشة والصاج والبويا+نفس سنة الموديل)....ايه اللى يمنع يا استاذ مكاوى من مقارنة الاكسنت وال110 وممكن تضيف ليهم اللانوس مثلا؟؟؟

[HanyAziz]

الاخ الكريم تحية طيبة
كلامي عن تجربة عملية فقد قمت ببيع عربيتي اللادا 2105 وكانت موديل 92 حالتها ممتازة من ميكانيكا وعفشة وكهرباء ونظافة بعتها في نفس اليوم اللي اتعرضت علي اللادا 2110 موديل 2007 المصري وليست الروسي ولم اندم لحظة العربية جميلة ومريحة عن اللادا العادية بس هي مظلومة ومخدتش فرصتها في الانتشار دة بخلاف اني انتاجها وقف منذ 2007 العربية شكلها شيك وواسعة ومريحة من جوه تكييف ثلاجة سنتر 2 زجاج كهربه كمبيوتر اعطال فتحة شنطة من الداخل وتابلوه حديث وبتنزل في المصري بكشافات رنجات زي اللي بنشوفها في الbmw اما عن الماتور فهو 1600سي سي في المصري وبتنزل في الروسي 1500 والمصري بيكون الدركسيون بتاعها اسكترا وليس بور العربية ناعمه بس مش زي الياباني ولا الكوري ولا حتي الصيني انشف شوية وهي عربية اعتمادية وصاجها قوي دي المميزات نجي للعيوب
العربية التجار مفطسينها في السوق من حيث السعر وده شغل تجار وتقيلة شوية في البيع نظرا للفكرة اللي الناس واخدينهاانا لما عرضت العربية الاولي 2105 للبيع بعتها في نفس اليوم ميكانيكا العفشي اللي كان يدبيشتغل في عربيتي 2105 هو هو اللي بيشتغل فيها والميكانيكي برضوا طول ماهو بيشتغل في العربيات الانجاكشن يعني اية ميكانيكي ميعرفش يغير طقم بوجيهات او ينظف انجاكشن او يغير سير كاتينة مش ممكن طبعا بل بالعكس انت عندك لمبه تشك في التابلوة لو في اي مشكلة في العربية بينور ولو افترضنا الميكانيكي احتار في التشخيص حطها علي جهاز كمبيوتر كشف الاعطال وهو هيقري العطل في اسهل من كدة انا مشكلتي اني في سوهاج وهي مش منتشرة عندنا وبالتالي محدش كتيير من بتوع قطع الغيار بيجيب حاجتها بي لقيت واحد عندة قطع غيار استيراد بالنسبة لغلاء قطع الغيار سببة استغلال التجار وجشعهم فمثلا الميكانيكي قالي نغير سير كاتينة العربية لفيت علية في سوهاج ملقتهوش غير عند واحد بكام ياعم قالي ب 180 جنية ومش هتلاقية عند حد غيري قلتلة شكرا واجلتها وفي يوم نزلت مصر بالصدفة قلت احود علي التوفقية صدقني جبتة ب 55 جنية مصري فقط لاغير اهم حاجة اخي الفاضل تكشف علي العربية كويس وتتاكد انها سليمة انا اسف علي الاطالة وارجو اني اكون افدتك

[mohammed dodda]

ومعانا اهو اول مالك للعربية ال110 ...طبعا شاكر جدا ليك استاذ هانى على التوضيح الوافى ده...وانا من الناس اللى مبهتمش بفكرة اعادة البيع قبل حتى ما اشترى العربية لانى مقتنع ان العربية طول ما حالتها محترمة هيجيلها مشتريها....بالنسبة لقطع الغيار فعندنا فى السويس متوافرة الى حد ما واسعارها مش عارف غالية عن القاهرة ام لا انا سألت مثلا عن تيل الفرامل الامامى طلع ب65 جنيه والكوبلن ب120 تقريبا يبقى كده غالى عن العادى ولا ايه؟؟...الصراحة العربية داخلة دماغى لكن قولت لازم اتطمن على حاجاتها وصيانتها من ناس عارفينها كويس...سألت الميكانيكى اللى بيشتغلى فى عربيتى وهوه راجل امين قالى اشتغلت فيها كتير عربية حلوة بس تجيبلى حاجاتها الاصلى..وبتوع قطع الغيار قالولى(معظم) حاجاتها موجودة.....اما البيع فزى ما حضرتك قولت انا فكرت اعرض بس عربيتى للبيع عشان اعرف نظامها ايه وفى نفس اليوم فعلا جالى اكتر من واحد للمعاينة....لكن انا اعتقد ان مش ده المعيار الوحيد اللى يحكمنى فى شرا عربية !!! ياريت استاذ هانى تقولنا العربية شاريها من امتى واخبار الثبات والسرعات العالية ايه؟؟ بحكم انى من عشاق الجرى :)

[HanyAziz]

الاخ محمد لا شكر علي واجب ردا علي استفسارك الاخير انا عربيتي اخدتها في سبتمبر 2011 وهي موديل 2007 المصري وليست الروسي الحالة العامة ممتازة جميع الوظائف تعمل بالسيارة بس كانت تحتاج الي تغيير اسكترا بعد وقت قريب وفعلا فضلت سنة وبعدها لقيت الاسكترا عند الراجل بتاع الاستراد غيرتها صاحبها كان صييدلي ومحافظ عليها وعدادها كان عامل 57000 كيلوواخدتها منه علي 35 ألف جنية
بالنسبة للثبات فأطمئن استاذ احمد العربية اساسا صاجها قوي ووزنها وهي فاضية تقيل ودة مخليها قالب طوب علي الارض ثبلت واتزان رائع وجميلة جدا في السحب والطرق المفتوحة والعربية بموتورها ال 1600 سي سي مساعدها في الجري ودة ميزة تاني لاني في عربيات كتير لوجريت الاتزان بيروح منها وفي النهاية ياريت تجرب العربية بنفسك وتحكم واظن ان دة من حقك عند الشراء وانا تحت امرك في اي استفسار

[MEKAWY2000]

ارجع اقول فى الخر السياره حاله ثم استعمال ثم توافر قطع الغيار وربنا يباركلك فيها ويكفيك شرها اتكل على اللهلو انت مقطنع بيها وانا حاسس من مقارنتك بين السيارات انها الافضل بس احب اوضح معلومه ان تكنولجيا السيارات واحده لاكن التطوير فى التصنيع مختلف يعنى الهيونداى 1500ccمودل 1995 بتعمل 90حصان لاكن الادا 1600بتعمل67 حصان الدايو 1500 بتعمل 108 حصان

[mohammed dodda]

الاخ محمد لا شكر علي واجب ردا علي استفسارك الاخير انا عربيتي اخدتها في سبتمبر 2011 وهي موديل 2007 المصري وليست الروسي الحالة العامة ممتازة جميع الوظائف تعمل بالسيارة بس كانت تحتاج الي تغيير اسكترا بعد وقت قريب وفعلا فضلت سنة وبعدها لقيت الاسكترا عند الراجل بتاع الاستراد غيرتها صاحبها كان صييدلي ومحافظ عليها وعدادها كان عامل 57000 كيلوواخدتها منه علي 35 ألف جنية
بالنسبة للثبات فأطمئن استاذ احمد العربية اساسا صاجها قوي ووزنها وهي فاضية تقيل ودة مخليها قالب طوب علي الارض ثبلت واتزان رائع وجميلة جدا في السحب والطرق المفتوحة والعربية بموتورها ال 1600 سي سي مساعدها في الجري ودة ميزة تاني لاني في عربيات كتير لوجريت الاتزان بيروح منها وفي النهاية ياريت تجرب العربية بنفسك وتحكم واظن ان دة من حقك عند الشراء وانا تحت امرك في اي استفسار

.....شكرا لاهتمام حضرتك...على فكرة انا صيدلى برضه :)

[mohammed dodda]

ارجع اقول فى الخر السياره حاله ثم استعمال ثم توافر قطع الغيار وربنا يباركلك فيها ويكفيك شرها اتكل على اللهلو انت مقطنع بيها وانا حاسس من مقارنتك بين السيارات انها الافضل بس احب اوضح معلومه ان تكنولجيا السيارات واحده لاكن التطوير فى التصنيع مختلف يعنى الهيونداى 1500ccمودل 1995 بتعمل 90حصان لاكن الادا 1600بتعمل67 حصان الدايو 1500 بتعمل 108 حصان

.....لو الكام حصان دول هما اللى هدفع عشانهم ال10000 جنيه الفرق يبقى انا مستعد استغنى عنهم يا أستاذ مكاوى